Спорт
Сопружници од Далас залудно патуваа до Барнли, Кејн ги покани да му бидат гости во Лондон

Капитенот на Тотенхем, Хари Кејн, ги израдува навивачите кои 31 час патувале за да го гледаат натпреварот на својот омилен тим со Барнли. На крајот поради лошите временски услови Премиер лигата го одложи натпреварот.
Сопружници од Далас биле разочарани од епилогот. Тие патувале 31 час за до следат дуелот на Тотенхем на „Турф Мур“ во Барнли.
На „Твитер“ ја споделиле својата приказна. Објавата ја забележал Кејн кој решил да реагира.
Капитенот ги повикал да бидат негови гости на наредниот натпревар во Лондон. Ветил дека ќе им ги покрие трошоците и дека ќе уживаат на стадионот на Тотенхем во северен Лондон.
Just been sent this tweet and absolutely gutted for you! For your commitment and to make up for the match being called off I’d like to invite you to a home game as my guest when you’re next in London ? https://t.co/wB3c8c40HN
— Harry Kane (@HKane) November 28, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Хоселу е на чекор до трансфер во Реал
Реал Мадрид е многу блиску до потпис со нов напаѓач. Станува збор за 33.годишниот центарфор на Еспањол, Хоселу. Тој треба да пристигне на позајмица, пишува „Марка“, а Реал само ќе ја преземе обврската да му ја исплаќа платата. Постои можност и по позајмицата да остане играч на Реал. Тој наводно ќе ја активира клаузулата во договорот со која ќе може да си замине доколку клубот испадне, што ќе се случи на крајот од сезоната.
Хоселу е искусен напаѓач кој пред 12 години играше за Реал Мадрид, односно неговиот друг тим Кастиља. За првиот тим има одиграно еден натпревар во сезоната 2011/2012.
Потоа смени многу клубови, играше за Хофенхајм, Ајнтрахт Франкфурт, Хановер, Стоук Сити, Депортиво, Њукасл, Алавес, пред минатото лето да пристигне во Еспањол.
Тој е во фантастична форма оваа сезона. Постигна 17 гола во сите натпреварувања и пред крајот на сезоната се наоѓа на третото место на листата на најдобри стрелци во Примера. Пред него се само Левандовски и Бензема.
Спорт
Покетино почна со чистката – Челси нема да го откупи договорот на Феликс

Маурисо Покетино, новиот тренер на Челси, започна со чистката во соблекувалната. Аргентинецот, вчера потпиша две годишен договор, а денес го известил Жоао Феликс дека неговиот договор нема да биде откупен од Атлетико Мадрид.
Жоао Феликс, во јануари, се пресели на позајмица во Челси. „Сините“ за него на Атлетико му платија 11 милиони евра. Феликс неколку пати изјави дека сака да остане на „Стенфорд Бриџ“. Покетино нема да му ја исполни желбата.
Феликс за Челси одигра 20 натпревари и постигна четири гола.
„Челзи не извести дека Покетино не го сака Феликс и дека нема да го откупат неговиот договор. По истекот на позајмицата, тој ќе се врати во Атлетико, а потоа ќе видиме што ќе се случи. Во моментов немаме планови за него”, им откри во вторникот на шпанските новинари, пртседателот на Атлетико, Енрике Серезо.
Жоао Феликс е првата „жртва“ во ерата на Покетино во Челси. Се очекува во преодникот рок клубот да го напуштат Кристијан Пулишиќ, Хаким Зијеш, Калиду Кулибали, Мејсон Маунт, Нголо Канте…
Спорт
Де Лаурентис подготвил богата понуда за тренерот на Порто

Лучано Спалети ја освои Серија А со Наполи, го врати шампионскиот пехар во градот под Везув по 33 години и потоа го напушти клубот.
Италијанските медиуми, тврдат дека Спалети се скарал со газдата на Наполи, Аурелио Де Лаурентис. Од другра страна, Де Лаурентус изјави дека Спалети самиот решил да го напушти клубот. Ова можеби е вистината, бидејќи Спалети откри дека заминува на едно годишен одмор.
Неколку тренерски имиња се поврзуваат со Наполи. Италијанските медиуми пренесоа дека Де Лаурентис за тренер го сака поранешниот шпански селектор, Луис Енрике, но изгледа вистината е поинаква.
Првиот човек на Наполи ќе се обиде да го донесе во клубот Жержо Консеисао, тренерот на Порто.
За да го убеди да ја прифати понудата, Де Лаурентис бил подготвен на Португалецот да му понуди шест милиони евра годишна плата. Доколку прифати, Консеисао ќе биде меѓу тренерите со најголема плата во Серија А.