Спорт
Србија против Бразил без ударниот тандем
Фудбалската јавност во Србија стравува дека напаѓачите Александар Митровиќ и Душан Влаховиќ нема да бидат подготвени за натпреварот против Бразил, на Светското првенство во Катар. Бразил и Србија ќе ги отворат натпреварите во Г-групата на 24 ноември.
„Политика“ тврди дека Драган Стојковиќ, селекторот на Србија, своите најдобри напаѓачи ќе ги чува за натпреварите со Швајцарија и Камерун, во кои ќе бара бодови за пласман во нокаут-фазата.
„Иако има уште десет дена до Светското првенство во Катар, напаѓачот на Фулам и рекордер по бројот на голови за националниот тим сè уште е на патерици“, пишува „Политика“.
Речиси сигурно е дека Митрогол ќе го пропушти мечот против Бразил, бидејќи повредата ја влече од 24 септември, кога се здоби со тешка повреда против Шведска во Лигата на нации.
Иако се чинеше дека повредата не е сериозна, по деталните лекарски прегледи беше откриено дека напаѓачот на Фулам има скршени две коски на стапалото што му прави сериозен проблем.
Митровиќ моментално се наоѓа во Белград, каде лекарскиот тим прави се напаѓачот што поскоро да му биде достапен на селекторот Стојковиќ.
Се верува дека ќе биде подготвен за натпреварите со Камерун (28 ноември) и Швајцарија (2 декември).
Според овој извор, малку подобра е ситуацијата со Влаховиќ. Неговата повреда, со која се здоби против Бенфика во Лигата на шампионите, на 25 октомври, бара мирување, поради што и тој е под знак прашалник за натпреварот против Бразил.
Влаховиќ има воспаление на тетивата и нема да биде вечерва со тимот на Јувентус против Верона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.