Комо продолжува со одлични и атрактивни партии. Во натпреварот од 12-то коло од Серија А, среде Торино со 5:1 ги декласираа „биковите“.

Хит тимот во Серија А, еден од хит тимовите во цела Европа. Така е опишан тимот предводен од Сеск Фабрегас, кој го покажа целиот потенцијал на гостувањето против Торино.

Шоуто го започна 20-годишниот Холанѓанец Џејден Адаи. Тој го постигна водечкиот гол во 36-та минута. Торино успеа да израмни во втората минута од судиското продолжение во првото полувреме. Стрелец беше Никола Влашиќ.

Комо повторно поведе во 52-та минута, а повторно Адаи беше стрелец. Асистент за двата гола беше неговиот врсник од Шпанија Хесус Родригез.

Уште еден 20-годишник, Јакобо Рамон од Шпанија го зголеми резултатот на 3:1 во 70-та минута. Првата ѕвезда на тимот, 21-годишниот Нико Паз, исто така постигна гол. Асистент за третиот и четвртиот гол беше 22-годишниот Максимо Пероне од Аргентина.

Конечните 5:1 ги постигна во 86-та минута уште еден исклучително млад играч, 22-годишниот Хрват Мартин Батурина.

Италијанскиот тренер Еторе Месина поднесе оставка од оваа позиција во Олимпија Милано.

Како што објавија италијанските медиуми (Газета), во кошарката таму се случи нешто шокантно – Еторе Месина повеќе не е тренер на Олимпија од Милано, откако реши да поднесе оставка.

Олимпија Милано, лошо ја започнаа сезоната, а минатата недела запишаа три порази (комбинирано во Евролигата и Палаканестро) и 66-годишниот стручњак одлучи да ја напушти тренерската позиција.

Ова не значи дека тој го напушта клубот бидејќи ќе остане во Олимпија како личен советник на претседателот Лео Дел’Ороко.

Во наредниот период, тимот ќе го води Џузепе Пепе Поета, кој потпиша тригодишен договор со Милано ова лето кога дојде од Бреша.

Веднаш беше наведено дека е планиран како замена за Еторе Месина и се чини дека клубот нема да бара друго решение на тренерската позиција.

Британски „Атлетик“, ја демантира информацијата која пред два дена ја објави „АС“, дека Винисиус Жуниор ќе го продолжи договорот со Реал Мадрид.

„Атлетик“ тврди дека Бразилецот го информирал клубот дека нема намера да го продолжи договорот сè додека неговиот однос со главниот тренер Чаби Алонсо е затегнат. Според три независни извори, тој ја пренел пораката директно до претседателот Флорентино Перез на состанок на крајот од минатиот месец.

Нетрпението што го има Винисиус кон тренерот кулминираше откако во текот на натпреварот со Барселона, на 26 октомври. Винисиус побара средба со Перез за да се извини за неговото однесување за време на натпреварот, кога бурно реагираше на замената во 72-та минута. Бесен, тој го напушти теренот извикувајќи: „Секогаш јас, го напуштам тимот, подобро да си одам, си одам“.

На тој состанок, сепак, не се дискутирало само за испадот во Ел Класико. Винисиус ја искористил можноста јасно да го изрази својот став за иднината, нагласувајќи дека поради затегнатите односи со Алонсо, тој во моментов не размислува за продолжување на договорот, кој истекува во јуни 2027 година. Оттогаш не го сменил својот став.

Тековниот договор на Винисиус, потпишан во 2022 година, му носи околу 18 милиони евра нето годишно со откупна клаузула од 1 милијарда евра. На почетокот на годината, Реал Мадрид му понуди зголемување на платата на околу 20 милиони евра, но понудата не беше прифатена.

Неговите претставници побараа историски договор, на исто ниво како оној на Килијан Мбапе, со пакет вреден до 30 милиони евра по сезона, вклучувајќи плата, бонуси и бонус за потпишување, што досега не беше практика во клубот. Преговорите сега се целосно запрени, а освен финансиите, конфликтот со Алонсо стана клучна пречка.

Foto/ EPA