Тренерот на Реал Мадрид, Зинедин Зидан, ја прифатил одговорноста за шокантниот пораз во Лигата на шампионите од Шахтјор (2:3). Тимот на Зидан во четири дена доживеа ново понижување на домашен терен, по поразот од Кадиз во Ла Лига (0:1), Мадрид со кренати глави го напуштија и фудбалерите на украинскиот шампион.

„Лош момент. Прв меч во Лигата на шампионите…Не игравме добро, а кога тимот не игра добро виновен е тренерот. Одговорноста за овој пораз е моја. Морам да најдам решение, не можеме да играме вака“, рекол Зидан.

Играчите на Реал доживеаја нокаут во првиот дел, кога во интервал од 13 минути примија три гола. Во вториот дел два гола не беа доволни да го избегнат поразот.

„Добро реагиравме во вториот дел, но првото полувреме беше многу лошо. Не влеговме добро во натпреварот, немавме самодоверба. Игравме во изменет составо, но тоа не треба да биде оправдување“.

Реал в сабота се соочува со нов голем предизвик, гостува на „Ноу Камп“ во Барселона.

„Ќе го анализираме овој натпревар за да се подготвиме за дербито“, заклучил Зидан.

Тинејџерот на Барселона, Ансу Фати, во текст на шпански новинар бил расиситчки навреден. Барселона  ќе го тужи новинарот поради тоа.

Во текстот новинарот го споредил Фати со црномурен мигрант кој бега од полицијата.

Откако текстот бил објавен, клубот најавил тужба за расизам против новинарот. Од соиграчите прв реагирал Антоан Гризман.

„Ансу е посебно момче и заслужува почит како и секое човечко битие. На за расизмот и непочитувањето“, напишал Гризман.

Баерн Минхен со победа ја започна одбраната на титулата од Лигата на шампионите, триумфирајќи над Атлетико Мадрид со 4:0 на „Алијанц арената“, додека со малку среќа до победи стигна и Ливерпул на гости кај Ајакс (0:1),  додека Интер со гол во 90-тата минута успеа да извлече 2:2 реми со Борусија Менхенгладбах.

Херојот од финалето во Лисабон, Кингсли Коман, го отвори резултатот во 28. минута, по една долга акција на Баварците, пред во 41. минута, Коман да му асистира на Леон Горецка за 2:0. Атлетико мислеа дека се вратија во игра во 47. минута, кога Жоао Феликс ја затресе мрежата, но ВАР одлучи дека Луис Суарез беше во офсајд.

По ова, европскиот шампион уште еднаш ја покажа својата безмилосност – Корентин Толисо постигна апсолутно спектакуларен гол од огромна далечина во 66. минута, пред Коман уште еднаш да погоди во 72. минута, поигрувајќи се со одбраната на гостите.

Интер не успеа да стартува со победа, откако во драматичен меч одигра 2:2 со Борусија Менхенгладбах на „Сан Сиро“. Ромелу Лукаку во 49. минута ја искористи мешаницата пред голот на гостите за водство, но бундеслигашот се врати со гол од пенал во 63. минута по фаулот на Артуро Видал. Јонас Хофман ги шокираше „нераѕурите“ во 85. минута, кога донесе водство за „ждребињата“ и покрај проверката за офсајд, пред Лукаку уште еднаш да покаже колку вреди за тимот на Антонио Конте со гол во 90-тата минута.

Во Амстердам, Ливерпул немаше многу од играта, но дојде во водство во 35. минута од мечот, кога ударот на Садио Мане, дефанзивецот на Ајакс, Никола Таљифико спектакуларно го пренасочи во сопствениот гол. Фабињо имаше едно неверојатно „вадење“ од гол-линија за да се зачува оваа победа.

Манчестер сити се намачи, но стигна до 3:1 камбек победа над Порто. Луис Дијаз ги донесе Порто во водство во 14-тата минута, Сити израмнија преку Агуеро од пенал само седум минути подоцна. Во второто полувреме Гундоган (65.) и Феран Торес (73.) ја донесоа победата за тимот на Пеп Гвардиола.

Аталанта, пак, ја продолжи „љубовната приказна“ со ЛШ со убедлива 4:0 победа над данскиот дебитант, Митјиланд.

ЛИГА НА ШАМПИОНИ, 1.КОЛО

ГРУПА А

Ред бул Салцбург – Локомотив Москва 2:2

Баерн Минхен – Атлетико Мадрид 4:0

ГРУПА Б

Реал Мадрид – Шахтјор Доњецк 3:3

Интер – Борусија Менхенгладбах 2:2

ГРУПА Ц

Манчестер сити – Порто 3:1

Олимпијакос – Марсеј 1:0

ГРУПА Д

Митјиланд – Аталанта 0:4

Ајакс – Ливерпул 0:1

БАЕРН МИНХЕН – АТЛЕТИКО МАДРИД


ИНТЕР – БОРУСИЈА МЕНХЕНГЛАДБАХ

АЈАКС – ЛИВЕРПУЛ

МАНЧЕСТЕР СИТИ – ПОРТО

МИТЈИЛАНД – АТАЛАНТА