Спорт
Стаховски ќе стане резервист, Свитолина го дава наградниот фонд на Украина
Само еден месец откако се пензионираше од тениската турнеја, Сергиј Стаховски се пријави да биде резервист во украинската војска, додека неговата сонародичка, Елина Свитолина најави дека ќе го дава својот награден фонд на својата татковина.
36-годишниот Стаховски, кој се пензионираше по последниот меч на квалификациите на Австралија опен, се пријави на листата на резервисти, откривајќи дека прво го „тргна“ семејството на безбедно во Унгарија за да се врати во својата татковина.
„Секако би се борел, тоа е единствената причина поради која се враќам. Се пријавив за резервистите минатата недела. Немам никакво воено искуство, но имам лично искуство со пиштол. Мојот татко и мојот брат се хирурзи и навистина се под стрес, но разговарам постојано со нив, спијат во подрумот. Добро е што медиумите сега не поддржуваат, но да бидеме реални, ова трае веќе осум години, каде беше тоа тогаш?“, вели поранешниот светски број 31., кој во кариерата освои четири титули, а во 2013 година го шокираше Роџер Федерер во првото коло на Вимблдон.
Неговата сонародничка Свитолина, пак, напиша емотивно писмо до својата татковина, ветувајќи дека ќе ги донира парите од наградните фондови на турнирите на воените и хуманитарните потреби.
„Писмо до мојата татковина, во моментов сум далеку од вас, од моите сакани од мојот народ, но срцето никогаш не ми било толку топло. Мојот народ, секој ден се плашам за вас, не можам да престанам да плачам, срцето ми крвави. Но горда сум што ги гледам нашите мајки, татковци, браќа, сестри, кои се толку храбри. Тие се херои. Ги посветувам парите од моите следни турнири за да помогнам на армијата и за хуманитарните цели“, вели Свитолина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бик
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.