Младинската лига на УЕФА влезе во нокаут фазата, познати се сите учесници во осминафиналето.

Натпреварите одиграни во рамките на 1/16-финалето ги обележа дуелот во Келн.

Германскиот тим таму беше домаќин на Интер, а атмосферата беше неверојатна. Клубот ги распродаде сите 50.000 билети за натпреварот на младинскиот тим, а атмосферата беше еднаква на онаа што ја гледаме во најдобрите натпревари од Лигата на шампионите.

Cologne sold 50,000 tickets for today's UEFA Youth League game vs. Inter, setting a new competition attendance record 😲

Immense support. What an experience for those youngsters 👏pic.twitter.com/dU1OzIhtiO

— Men in Blazers (@MenInBlazers) February 4, 2026

Ова не му помогна на Келн да го елиминира Интер, иако домашниот тим беше блиску да се избори за пенал-рулетот. На крајот, загуби со 3:1, со два гола во судиското продолжение, Зарате Идалго постигна во 90+7, а Кукулис во 90+8 минута, во двата наврати асистент беше младиот Црногорец Вукоје.

Оваа фаза донесе и неколку големи изненадувања, Манчестер Сити и Барселона беа елиминирани од понатамошниот тек на натпреварувањето. ХЈК беше подобар од „граѓаните“, во Хелсинки победија по изведување на пенали – 3:3, 4:3.

Шпанскиот тим исто така немаше среќа по изведувањето на пенали, Макаби Хаифа беше подобар од Барселона во Унгарија – 2:2, 3:1. Резултатот од Варшава исто така беше изненадување, каде Легија го победи Ајакс – 2:1.

Претходно, во вторниотк, Жилина го победи Ливерпул со 2:1 пред 10.500 гледачи.

Плајсман во осминафиналето изборија: Атлетико Мадрид, ПСЖ, Бенфика, Виљареал, Спортинг, Бетис, Челзи, Бриж, Реал Мадрид, Ајнтрахт, АЗ Алкмар и Жилина.

Сестрите Илина и Ева Соколовски минатиот викенд ја претставуваа Македонија на традиционалниот Интернационален турнир во ритмичка гимнастика „Елегант куп“ во Келеј, Франција. На овој турнир учествуваа гимнастичарки од многу европските држави.

Илина имаше четири настапи- топка, холохоп, лента и чуневи. На настапите со топка и холохоп во големата конкуренција го освои 10-тото место, додека со лента и чуневи го освои 9-тото месо.

– Задоволна сум со резултатот иако секогаш може да биде подобро. Со оглед на големата конкуренција и организираноста ова е супер. Толку ни е силата, со сестра ми бевме сами, без судии, едноставно без се. Но, тоа што го веевме македонското знаме на вака голем европски натпревар е чувство што не се опишува, вели Илина.

Овој турнир за помалата сестра Ева беше посебен, бидејќи со само 15 години прв пат требаше да се натпреварува во сениорска конкуренција. Но, се случи нешто што никој не го посакуваше, најмногу таа, а тоа е што пред натпреварот, додека го одржуваше последниот тренинг се повреди. Имаше силна болка во коленото, па го откажа учеството од страв да не се случи поголем проблем.

-Сепак, и покрај проблемите ќе кажеме дека сме задоволни од резултатот и од учеството. Мораме да внимаваме на повреди, бидејќи не очекуваат повеќе вакви големи натпревари. По ова сега се подготвуваме за Европското првенство во ритмичка гимнастика, кое ќе се одржи во Варна, Бугарија, каде што и двете ќе ја преставиме нашата Македонија, велат Илина и Ева.

Македонските девојчиња со цврсти чекори ја газат евроспката сцена, но и германската. Со семејството живеат во Германија и поради талентот веќе се натпреваруваат во Бундес лигата. Илина и Ева се уште се натпреваруваат со македонски пасош, не само на интернационалните натпревари, каде ја претставуваат Македонија, туку и на врвните државни натпревари во Германија.

Златото, среброто и бронзата не им се непознаница, бидејќи досега на многу германски и европски наптревари освојувле медаљи. Затоа велат: „Наградите за Македонија ни се најдраги“.

Ѕвездата на Реал Мадрид, англискиот играч од средниот ред, Џуд Белингем, ги загрижи навивачите откако предвреме го напушти натпреварот против Рајо Ваљекано поради повреда на тетивата.

Дополнително внимание предизвика неговата објава на социјалните мрежи во која носи маска за кислород со пораката: „Животот продолжува“.

📲 Jude Bellingham on his app: “Life goes on.” pic.twitter.com/8xj6XoLgNr

— Madrid Zone (@theMadridZone) February 3, 2026

Белингем почувствува непријатност во задниот мускул на левата нога пред почетокот на натпреварот, а за време на загревањето се држеше за болното место.

Во деветтата минута од натпреварот, болката стана неподнослива и Англичанецот мораше да го напушти теренот.

Веднаш по натпреварот, Реал направи магнетна резонанца, а вестите не беа добри. Белингам има сериозна повреда на мускулот на левата нога. Клубот објави дека закрепнувањето ќе биде внимателно следено и дека точниот датум на враќање на теренот сè уште не е познат.

Според проценките, Белингем ќе ги пропушти следните лигашки натпревари против Валенсија, Реал Сосиедад, Осасуна и Хетафе, како и дуелот од нокаут фазата на Лигата на шампионите со Бенфика.

Ова е дополнителен удар за младиот Англичанец, кој веќе го пропушти почетокот на сезоната поради операција на рамото по Светското клупско првенство во САД.

Foto/ depositphotos