Шпанија и Хрватска ќе го третиот натпревар на Европското првенство во Германија.

Во реприза на ланското финале во Лигата на нации, ќе биде урнат еден рекорд.

Вундеркиндот на Барселона, Ламине Јамал, ќе биде во стартниот состав на Шпанија и ќе стане најмладиот играч во историјата на Европските првенства.

Јамал денес има 16 години и 338 дена.

Крилниот напаѓач ќе го собори три години стариот рекорд поставен на последното Европско првенство од Полјакот Кацпер Козловски. Тој на натпреварот Полска-Шпанија имаше 17 години и 246 дена.

Јамал помина низ академијата на Барселона, славната Ла Масија, дебитираше кај Чави и досега има 51 настап за Барселона, со уччинок од седум гола и десет асистенции.

Тој е е еден од најголемите таленти во светот, а со каталонскиот клуб има договор до летото 2026. „Трансфермаркт“, неговата вредност ја проценува на 90 милиони евра.

16 years and 338 days.

Lamine Yamal becomes the youngest player to 𝐞𝐯𝐞𝐫 appear at the men's Euros 🌟 pic.twitter.com/nY2bhx7BdB

— B/R Football (@brfootball) June 15, 2024

Швајцарија, полесно од очекувањата ја победи Унгарија со 3:1 (2:0), во вториот натпревар во А грушпата на Европското првенство.

Швајцарците во првото полувреме ја надиграа Унгарија, а во второто, откако го издржаа притисокот на Унгарците го закчучија со гол во 91.минута.

Апсолутната доминација во првиот дел Швајцарите ја крунисаа со головите на Дуам во 12. и Ебишер во 45.минута.

Унгарците се обидоа да притиснат во вториот дел, имаа период во кој доминираа, кога успеаја со голот на Варга намалија на 2:1 во 66.минута.

Во последните 10 минути, Унгарците тргнаа во офанзива, што остави многу простор за контрите на Швајцарија. Една таква успеа да реализира Емболо во 91.минута.

Во следното коло, за четири дена, во А групата Унгарија ќе игра против Германија, а Швајцарија против Шкотска.

Еден од двајцата најдобри играчи на Макаби, Вејд Болдвин, по две години го напушти Тел Авив.

Болдвин, кој блескаше изминатата сезона, кариерата ќе ја продолжи во Фенербахче. Тој потпиша 2+1 договор. Финансиските детали од договорот не се објавени.

Американецот имаше одлична статистика минатата сезона во Евролигата: имаше просек од 17,4 поени, 2,5 скока и 4,9 асистенции по 28 минути игра.

Вејд Болдвин, кариерата ја започна во Мемфис, а потоа играше за Портланд и Торонто во НБА, по што потпиша за Олимпијакос, по една сезона играше за Баерн и Басконија, пред да се пресели во Макаби во 2022 година.