Спорт
Стоперот на Португалија и на Олимпијакос пак со лисици на рацете
Стоперот на грчки Олимпијакос, 27-годишниот Португалец Рубен Семедо, кој минатата година дебитираше за националниот тим, е уапсен во Атина поради обвинение за силување на 17-годишна девојка.
Полицијата доби пријава дека Семедо заедно со негов познаник наводно двајцата ја силувале девојката која претходно ја запознале во бар. Таа тврди дека Семедо ја опијанил, а потоа ја однел до куќата во Глифада.
Веднаш по силувањето, според изјавата на девојката, таа заедно со мајка ѝ отишле во полиција и го пријавиле случајот.
Грчките медиуми објавија видеоснимка на која фудбалерот со лисици на рацете е спроведен во притвор, а притоа тој дофрла „Невин сум. Сè е ова поради пари. Да не сум фудбалер, не би бил овде“.
Сепак, Семедо е веќе осудуван, неколкупати досега го кршел законот.
Во 2018 година додека беше играч на Вилјареал уапсен е затоа што во кафе-бар се заканувал со пиштол.
Еден месец подоцна беше обвинет и за обид за увиство, по што пак заврши во притвор.
Со кауција од 30.000 евра бил пуштен да се брани од слобода. По утврдувањето на казната, тој бил „полесен“ за 46.000 евра, а забранет му е влез во Шпанија цели 8 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Навивачите на Челси бараат клубот да го отпушти Покетино
Лошата сезона на Челзи кулминација доживеа синоќа на „Емирати“. Челси беше прегазен со 5:0 од градскиот ривал Арсенал.
Медиумите, а по нив и навивачите, за дебаклот го обвинија менаџерот Маурисио Покетино.
Револтираните навивачи на „сините“, како што пренесува „Фудбал инсајдер“, бараат аргентинскиот стручњак под итно да добие отказ.
Челси, досега има 13 победи, односно победи во една третина од натпреварите во Премиер лигата, премалку со оглед на вложувањата пред стартот на првенството.
Спорт
Судот одлучува за фантомскиот гол на Јамал? Лапорта ќе поднесе тужба против РФЕФ
Барселона ќе ја тужи Шпанската фудбалска федерација (РФЕФ) поради, како што смета, неправдата на Ел Класико.
Ова значи дека судот треба да пресуди дали топката по ударот на Ламине Јамал ја минала гол-линијата.
Барселона, во неделата, доживеа пораз во Мадрид од Реал (3:2).
Фантомскиот гол на Ламине Јамал се уште е тема на шпанските медиуми, но и ситуација од која не се откажуваат во канцелариите на „Камп Ноу“.
Претседателот на Барселона, Џоан Лапорта фи побара од РЕФЕ снимките од ВАР собата (видео и аудио комуникацијата). п
Федерацијата го одби барањето и соопшти дека нема да направи исклучок за Барселона. Сега Барселона сака да добие дозвола видео-записот да му го предаде судот. Лапорта побара и да се повтори Ел Класико.
Во шпанскиот шампионат нема гол-технологија, а ВАР сметаше дека топката не ја минала линијата со полн волумен.
Спорт
Капитенот реши да си замине од Атлетик Билбао
Икер Муниаин реши да го напушти својот Атлетик Билбао на крајот од сезоната.
Легендарниот офанзивец по освојувањето на Купот на кралот сфати дека тоа е најдобриот момент да се збогува со својот сакан клуб, по цели 20 години.
Муниаин е секако дете на клубот, а во академијата на Атлетико пристигна како 11-годишник и ќе замине втор на листата на одиграни натпревари, досега 557, но нема да го престигне недопирливиот Ќоп Ирибара, кој одигра 614.
Но, Муниан реши да си замине во вистински момент, има 31 година, конечно го освои Копа дел Реј, претходно Суперкупот на Шпанија во 2015 и 2021 година.
Нема намера да остане во Шпанија, голема е веројатноста да ја напушти и Европа, иако се уште нема донесено конечна одлука за тоа.
Својата одлука Муниаин веќе им ја соопштил на соиграчите и раководството на клубот, за до крајот на сезоната достојно да се збогуваат од навивачите и од „Сан Мамеш“.
Инаку, Муниан дебитираше за првиот тим уште на 30 јули 2009 година против Јанг Бојс и постигна 75 гола за Атлетик.
Погледнете го неговото емотивно видео кое го најавува неговото заминување од Атлетик Билбао…