Спорт
Страшна сообраќајна несреќа во Белгија: фудбалер со 200 километри на час излета од патот и се заби во спортска сала
Мароканскиот фудбалер Софијан Кијине (25) доживеа тешка сообраќајна несреќа во Лиеж, Белгија, кога со автомобилот буквално влета во спортска сала. Играчот на Леувен е повреден и пренесен во болница, но неговиот живот не е во опасност. Возејќи со голема брзина, наводно околу 200 километри на час, Кијине изгубил контрола над своето возило и удрил во тротоарот во кружен тек, го прелетал патот и буквално влетал во соседната сала.
На видеото кое се шири на социјалните мрежи може да се види како автомобилот на фудбалерот „лета“, удира во спортската сала и остава огромна дупка во зградата.
Белгискиот играч од средниот ред на Леувен е повреден и пренесен во болница, но неговиот живот не е во животна опасност, а за среќа нема и други повредени.
Спортската сала „Луј Мелин“ е дом на клубовите за мини фудбал, кошарка и гимнастика, а сега веќе некое време нема да може да се користи.
„Софијан Кијине е пренесен во итната медицинска помош во најблиската болница каде што се вршат дополнителни прегледи, но неговиот живот не е во опасност. За среќа, во несреќата не учествувале други возила или лица. Од клубот се чекаат повеќе детали за точните околности како дошло до несреќата пред понатамошен одговор“, велат од клубот.
Op camerabeelden is te zien hoe @OHLeuven-middenvelder Sofian Kiyine in de sporthal terecht kwam. Kiyine reed aan hoge snelheid en katapulteerde over een rotonde. De voetballer verkeert niet in levensgevaar #robnieuws #robtv pic.twitter.com/bvXYuVokjM
— ROBtv (@rob_televisie) March 31, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Познати сите четвртфиналисти на ЕУРО 2024: старт во петок
Познати се сите четвртфиналисти на ЕУРО 2024. Тие се Германија, Шпанија, Португалија, Франција, Швајцарија, Англија, Холандија и Турција.
Швајцарците во саботата го елиминираа бранителот на титулата Италијанците, Германците го совладаа дуелот со Данците. И тоа беше првиот ден од нокаут фазата.
Во неделата Англичаните беа блиску до елиминација, но по продолжението ја елиминираа Словачка. Шпанците беа убедливи против Грузија.
Во понеделникот прво Французите ги победија Белгијците, а потоа Португалците ги елиминираа Словенците по вистинска драма и изведување пенали.
Еве ги комплетните резултати од осминафиналето и четвртфиналните двојки.
Осминафинале
29.06. Берлин: Швајцарија – Италија 2:0
29.06. Дортмунд: Германија – Данска 2:0
30.06. Гелзенкирхен: Англија – Словачка 2:1
30.06. Келн: Шпанија – Грузија 4:1
01.07. Дизелдорф: Франција – Белгија 1:0
01.07. Франкфурт: Португалија – Словенија 0:0 – пенали 3:0
02.07. Минхен: Холандија – Романија 3:0
02.07. (21.00) Лајпциг: Турција – Австрија 2:1
Четвртфинале
05.07. Штутгарт: Шпанија – Германија
05.07. Хамбург: Португалија – Франција
06.07. Дизелдорф: Англија – Швајцарија
06.07. Берлин: Холандија – Турција
Сè што се случува во Германија, следете на Топспорт.
Спорт
(Видео) Ед Ширан настапи пред фудбалерите на англиската репрезентација, коментарите се безмилосни
Репрезентативците на Англија се подготвуваат за четвртфиналниот натпревар на Европското првенство против Швајцарија.
Откако ги поминаа Словаците во осминафиналето, сега ја чекаат Швајцарија која во осминафиналето ја исфрли Италија. Герет Саутгејт изјави дека неговите играчи треба малку да се опуштат бидејќи резултатскиот притисок е преголем, па затоа организираше концерт во репрезентативниот камп.
Така Здружението се согласи Ед Ширан, еден од најпознатите светски музичари, но и голем фан на англиската репрезентација, кој го следи целиот турнир од трибините, да одржи концерт. Коментарите на навивачите на англиската репрезентација на социјалните мрежи се брутални, тие масовно се потсмеваат на овој настан.
Jude Bellingham recording Ed Sheeran performing at the camp🤍 https://t.co/vsxxbBZ0ou pic.twitter.com/0gOODlQEyA
— Ria 🏴 (@itsjudithworld) July 2, 2024
„Герет Саутгејт е единствениот човек во светот кој мисли дека играчите ќе бидат мотивирани од музиката на Ед Ширан“.
„Ед Ширан е ужасен, но играчите на Англија не заслужија подобро со оглед на тоа колку лошо го играат ова евро“,
„Ние страдавме до сега, сега вие страдајте“,
„Претеравте, тие не беа толку лоши па да ги мачите“, се само некои од коментарите.
Спорт
(ВИДЕО) Историска победа на Турција
Турција со одличен резултат се пласира во четвртфиналето на европското првенство, откако ја совлада Австрија која доживеа вистински пораз.
Годинава на Европското беа на првото место во една од најтешките групи, и изгледаа дека имаат одличен компактен тим за кој многу експерти предвидуваа дека ќе го оди до крај.
Сепак, Турција беше подобра и поради дисциплинираната одбрана.
Турција од вечерва ќе стане побогата за две фудбалски имиња – Мерих Демирел и Мерт Гунок.
Дефанзивецот Демирел постигна два гола од корнер, а Гунок со одлична одбрана во последните минути од натпреварот ја спаси победата на тимот.
Голманот на турската репрезентација херој на мечот.
Тој во последните моменти од мечот против Австрија го сопре обидот на Кристоф Баумгартнер и на тој начин спречи израмнување (2:1).
Голманот на Бешикташ ја направи можеби најдобрата одбрана на турнирот, ако се земе предвид моментот на игра.
Извесно е дека Турците имаат играчки и тактички квалитет за понатамошниот тек на натпреварувањето, а резултатот од 2008 година, односно полуфиналето, сигурно ќе биде мотив за следната рунда.