Док Риверс, тренерот на Лос Анџелес Клиперс, има интересно мислење поврзано со вечната дебата кој е најдобриот во историјата на кошарката, Мајкл Џордан или Леброн Џејмс.

Еден од најдобрите тренери во НБА лигата вели дека Џордан не бил изложен на никакви критики во првите седум сезони кога не успеал да ја освои титулата.

„Мајкл во првите седум години не ја освои титулата. Причина за тоа е што не му веруваше на системот. Сакаше сам да доминира. Не разбираше колку е важно да ги користи соиграчите. Но тогаш никој не го критикуваше Мајкл“, вели Риверс.

Според него никој не очекувал од Џордан дека ќе биде најголемиот на сите времиња кога се појавил во НБА лигата, додека за Леброн очекувањата биле такви.

„Разликата меѓу Мајкл и Леброн е таа што кога Мајкл влезе во лигата сите беа изненадени, а кога Леброн влезе во лигата сите очекуваа дека ќе биде брилијантен. На Мајкл му дозволивме да израсне во најголемиот на сите времиња, на Леброн не му го овозможивме тоа“.

Леброн во досегашниот дел од кариерата освоил три НБА титули, а има порази во шест финалиња, додека Џордан победил шест пати, односно во сите финалиња во кои учествувал.

“Michael… we allowed him to grow into greatness. With LeBron, we didn’t allow that”

Doc Rivers gives his opinion on the Jordan vs. LeBron debate.

Interesting perspective 🤔 pic.twitter.com/EBQ6OmcCQe

— Sports ON Tap Hoops (@SONTHoops) May 23, 2020

Џејдон Санчо се очекува да биде ѕвезда на летниот преоден рок. Крилниот напаѓач на Борусија Дортмунд се поврзува со неколку врвни тимови, а според медиумите најреално е тој да се врати во Англија. Се прашуваат само каде ќе заврши во Ливерпул или во Манчестер Јунајтед.

Во Дортмунд се подготвени да останат без младиот фудбалер, но нема да го продадат за сума помала од 100 милиони евра. Пред три години Санчо од Манчестер сити во Дортмунд пристигна за само 10 милиони евра.

На оваа тема говорел поранешниот германски репрезентативец Штефан Фројнд, кој дел од кариерата мина во Тотенхем. Тој го предупредува дека Премиерлигата е многу посилно натпреварување од Бундеслигата.

„Најдобро би било кога тој не би ризикувал. нека остане уште една сезона, има време, доколку продолжи да игра вака богат договор не може да му избега. Би бил поискусен за една сезона“, смета Фројнд, а потоа го предупредил Санчо да учи од примерот на Лука Јовиќ.

„Санчо ризикува да стане новиот Лука Јовиќ. Замина и сега седи на клупата. Веројатно мислеше дека мора да замине бидејќи доби повик од Реал“.

„Мислам дека треба да почека, да оди со ситни чекори, доколку имате квалитет парите ќе ве чекаат“, заклучил Фројнд.

Конор Мекгрегор има можност да се запише во историјата на УФЦ како борец што освоил шампионскиот титули во три категории бидејќи сѐ повеќе се шпекулира за борба помеѓу него и актуелниот шампион во велтер-категорија (до 77 килограми), Камару Усман.

Мекгрегор во минатото има три борби во велтер-категорија, забележал победа и пораз против Нате Дијаз и го победил пред четири месеци Доналд Сероне.

„Озлогласен, сакаш да добиеш шанса за шампионска титула? Усман ќе ти даде шанса и вети дека нема да те нокаутира во првите две рунди. Само ќе ти дели шлаканици“, рекол менаџерот на нигерискиот борец, Али Абделазиз.

„Навистина не знам зошто сакате да умре овој човек“, напишал Камару Усман.

Мекгрегор сè уште не одговорил на овие провокации.

Инаку, Ирецот е првиот борец во УФЦ, кој истовремено бил шампион во две категории, перо-лесна и лесна.

Мекгрегор во кариерата има 22 победи и четири порази, а Усман има 16 победи и еден пораз, забележан пред седум години.