Foto/ EPA/GEORGI LICOVSKI

Шампионот на Македонија, Шкендија ја забележа првата, историска победа, во главната фаза во натпревар во организација на УЕФА. Во второто коло, во Конференциската лига, Шкендија го совлада Шелбурн од Република Ирска со 1:0 (0:0).

Важноста на дуелот го направи своето, Шкендија одигра претпазливо, на крајот среќно дојде до победата. Во меч без многу шанси, во кој гостите преку Мартин во 66-та минута ја погодија стативата, решавачки беше авто-голот на Берет во 92-та минута.

!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);

Rumble(“play”, {“video”:”v6yi532″,”div”:”rumble_v6yi532″});

Еден од најдобрите фудбалери на сите времиња го стави својот потпис на новиот договор со Интер Мајами. Аргентинецот се обврза да остане во Флорида најмалку до 2028 година.

Легендарниот Аргентинец пристигна во Соединетите Држави во летото 2023 година, кога беше откриено дека ќе заработува над 20.000.000 долари годишно, заедно со удел во акциите на клубот.

Финансиските детали од новиот договор се уште не се познати, но се очекува дека по неговото завршување, поранешниот член на Барселона и Пари Сен Жермен ќе заврши феноменална кариера.

Откако пристигна во Мајами, осумкратниот освојувач на Златната топка постигна 71 гол и додаде 37 асистенции во 82 одиграни натпревари. Нему му се придружија старите пријатели Луис Суарез, Џорди Алба, Серхио Бускетс, Родриго Де Пол и Хавиер Маскерано, кој е тренер на тимот.

Lionel Messi has agreed to a new contract with Inter Miami that will keep him at the club for the next three years 📝 pic.twitter.com/UzVFHBTjMo

— Sky Sports News (@SkySportsNews) October 23, 2025

Тренерот на Портланд Треил Блејзерс, Чонси Билапс е еден од уапсените како дел од истрагата на ФБИ под сомнение за вмешаност во нелегални активности поврзани со спортско обложување, објавува ESPN. Билапс е уапсен речиси во исто време кога и кошаркарот на мајами Хит, Тери Розир.

Истражителите веруваат дека некои членови на лигата биле поврзани со организирана мрежа за обложување, но засега не е познато дали обвиненијата се директно поврзани со натпреварите во кои Билапс бил тренер.

ФБИ и Министерството за правда на САД најавија прес-конференција подоцна во текот на денот, каде што се очекува да откријат повеќе детали за случајот што ја тресе НБА.

Чонси Билапс (48) е еден од најпознатите плејмејкери на својата генерација и поранешен шампион на НБА со Детроит Пистонс, со кои ја освои титулата во 2004 година и беше прогласен за МВП на финалната серија.

За време на неговата кариера, тој играше на Бостон Селтикс, Денвер Нагетс, Њујорк Никс, Лос Анџелес Клиперс и Детроит, а е познат по прекарот „Mr. Big Shot“ поради неговата прецизност во одлучувачките моменти од натпреварите.

Ја започна својата тренерска кариера во 2021 година како главен тренер на Портланд, а претходно беше асистент во Клиперс една сезона.