Спорт
Струга ТЛ ќе го спаси четвртото место за македонските клубови во европските купови

Македонскиот првак Струга Трум Лум ќе го спаси четвртото место за екипите од нашето првенство во европските купови. Одличните игри и победите на Струга ТЛ нѐ искачија веднаш над граничната линија, па Македонија најверојатно ќе ја задржи привилегијата за четири претставници во европските натпреварувања (шампионот, победникот на Купот и уште две екипи според пласманот на табелата). Поради слабите резултати на македонските клубови во Европа во последните пет сезони, учеството на четвртиот претставник беше загрозено, односно загубено.
За искачувањето на Македонија на 50.место, последно кое носи четири претставници, придонесе и поразот на Санта Колома (Андора) од АЗ Алкмар.
Струга ТЛ е на добар пат да обезбеди и плеј-оф во Конференциската лига, а таму најверојатно би се сретнала со исландскиот Брејдаблик, кој загуби од Зрињски со 6:2 во првиот меч од оваа рунда.
Andorra did all they could in Top 50 race, but North Macedonia still overtook them by 0.002 and will most likely have four teams in European competitions.
Struga helped North Macedonia as they defeated Swift Hesperange today, while FC Santa Coloma lost at home to AZ Alkmaar. pic.twitter.com/yQHvV56ZI5
— UEFA Rankings (@UefaRankings) August 10, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Консеисао го презеде Ал Итихад

Португалскиот тренер Сержио Консеисао, кој е беше без работа откако во мај го напушти Милан во мај, го презеде Ал Итихад, актуелниот шампион на Саудиска Арабија.
„Победата не е избор. Таа нè дефинира. Противниците можат да се менуваат, сојузниците да паѓаат, но шампионот останува. Тој е господар на играта. Јас сум Сержио Консеисао, дојдов да изградам слава со Ал Итихад“, рече Португалецот во видео објавата, во која не беа наведени деталите за договорот, неговата должина или финансиските услови.
Поранешниот тренер на Порто, 50-годишниот Консеисао, го наследи Французинот Лоран Блан, кој беше отпуштен на 28 септември по поразот од Ал Наср (0:2).
Ал Итихад, во кој играат Карим Бензема и Н’Голо Канте, ја освои двојната круна минатата сезона, првенството и купот, а моментално е трет во саудиската лига.
Фпто/ Принтскрин
Спорт
Макаби славеше во израелското дерби во Евролигата

Кошаркарите на Макаби од Тел Авив го победија Хапоел со 103:90 во првиот натпревар 3. коло од Евролигата. Натпреварот се одигра во Софија, каде што Хапоел како домаќин ги игра натпреварите во Евролигата.
Натпреварот беше неизвесен до самиот крај, се играше во серии, а потоа Макаби успеа на „крилата“ на Џефф Даутин Џуниор да направи клучна предност и рутински го до заврши натпреварот.
Ова беше прва победа на Макаби во сезоната, како и прв пораз на Хапоел.
Во редовите на „Гордоста на Израел“, се истакна Лони Вокер со 20 поени, два скока и четири асистенции и потоа Ошај Брисет со 19 поени и четири скока.
Џеф Даутин Џуниор и Џален Хорд постигнаа двоцифрен број поени по 13 поени, додека Роман Сокрин постигна 12, а Тамир Блат 11 поени со четири скока и седум асистенции.
Кај Хапоел се истакна Елајџа Брајант со 18 поени, а потоа следуваа Антонио Блејкни со 16, Ден Отуру со 15 и Василије Мициќ со 14 поени и четири асистенции.
Спорт
Пелистер загуби со двоцифрена разлика од Висла

Еурофарм Пелистер, во четвртото коло го доживеа третиот пораз во групната фаза од Лигата на шампионите. Вечерва во Плоцк, македонскиот првак доживеа убедлив пораз од Висла 36:25.
Еурофарм Пелистер на Висла и се спротивстави само во првите 20 минути. Една третина од натпреварот избраниците на Рубен гарабаја делуваа добро на теренот. Битолчани имаа предност 8:9, кога започна серијата на Висла од 6:1.
Таа серија се покажа како клучна за преостанатиот тек на натпреварот. Висла на полувреме замина со предност 18:14.
Вториот дел Висла рутински го одработи, на десет минути до крајот домаќинот дојде и до двоцифрена предност (30:20), на крајот полскиот тим победи 36:25.
Пелистер го предводеше Дејан Манасков со седум гола, кај Всла најефикасен беше францускиот репрезентативец Мелвин Ричардсон со осум погодоци.
Foto/ EPA