Фудбалерот на лондонски Челси, хрватскиот репрезентативец Матео Ковачиќ е заразен со ковид 19, потвди денеска неговиот тренер Томас Тухел.

„Беше на тренинг во понеделникот, денес дозна дека е позитивен, па сега е во изолација. Бев свесен дека тоа може да се случи затоа што има многу такви случаи во екипите и не сум среќен поради тоа. Не само како тренер, туку и како човек. Но тоа е реалноста, мораме да се прилагодиме и да ги зачуваме луѓето здрави“ изјави Тухел.

Утре „сините“ ја играат последната средба од групната фаза во ЛШ против Зенит, но од порано го обезбедија пласманот во осминафиналето.

Баерн Минхен утре од 21 часот на својата „Алијанц арена“ игра против Барселона во последното коло од групната фаза во ЛШ. Каталонците мораат да победат во Минхен ако сакаат со сигурност да се пласираат во нокаут фазата.

Сепак, тренерот на баварскиот клуб Јулијан Нагелсман им остави порака на фановите на Бенфика чиј клуб исто така гледа можност во последното коло да се „протне“ во следната фаза. Нагелсман порача:

„Ќе го изведеме најдобриот состав. Поздрав за Лисабон, не се грижете“.

Младиот германски стратег имаше пофалби за екипата на Барселона, но порача дека Баерн ќе оди на трите бода.

„Барселона мора да не победи за да помине понатаму, ќе мораат да играат добро и да дадат се од себе. Добра екипа се, имаат играчи од светска класа. Им треба резултат и ќе дадат се од себе. Тоа мечот ќе го направи добар. Овде не се работи за тоа дека сакаме некого да нокаутираме, ги сакаме трите бода“ изјави Нагелсман.

Барса до нокаут фазата може да дојде и во случај на реми, па дури и на пораз, ако Бенфика не го победи Динамо Киев на домашен терен.

Во случај Бенфика да освои 3 поени со отпишаниот украински клуб кој нема шанси ниту за третото место, а Барса одигра нерешено во Минхен, во групата Е две екипи ќе имаат ист број на бодови, и тогаш во предност би била португалската екипа поради подобар меѓусебен скор.

Во Каталонија, пак, се надеваат на „чудо“ во Минхен знаејќи дека Баерн на утрешниот меч ќе биде без Горецка, Гнабри, Чупо-Мотинг, Сабитцер, Кимих и Станишиќ.

Четири фудбалски великани се во трка за потписот на Денис Закарија (25). Фудбалерот на Борусија Менхегладбах, ќе биде слободен играч по завршувањето на сезоната.

„Закарија во своите редови скаат да го видат Јувентус, Баерн, Ливерпул и Барселона. Сите ги направиле првите контакти. Започна трката за неговиот потпис“, тврди новинарот Фабрицио Романо.

Борусија за Закарија, пред четири години, на Јанг Бојс им плати 12.000.000 евра. Според „Трансфермаркт“ вредноста на фудбалерот изнесува 27.000.000.

Во кариерата за Борусија, Закарија, одиграл 141 натпревар, за Швајцарија настапил на 40 натпревари.