Црвена звезда беше многу блиску до прва победа над ЦСКА Москва во Русија, пред „Армејците“ во интересна завршница да стигнат до 78:76 победа во четвртото коло на Евролигата.

Звезда поведе уште во првата четвртина, а беше во предност и во следните две четвртини, пред ЦСКА да стигне до победа и да го подобри скорот оваа сезона на 3-1. Со серија од 8:2, ЦСКА на стартот на последната четвртина дојде до 6 поени разлика, по што останаа во предност до крајот на мечот. Звезда сега паѓа на 2-2.

Волтерс со 16 и Кузмиќ со 14 беа најдобри за Звезда, додека за ЦСКА, Вил Клајбурн уфрли 18 поени, а Алексеј Швед имаше 16.

Барселона остана непоразена, откако по продолженијата стигнаа до 85:81 победа кај новакот во натпреварувањето, Монако. Францускиот клуб имаше двоцифрена предност во првата четвртина, но во финишот на мечот двата тима влегоа израмнети. Брендон Дејвис во последната секунда од регуларниот меч погоди за израмнување, во кое Каталонците стигнаа до победа.

Дејвис беше прва ѕвезда на Барса со 27 поени, 10 скока и 4 асистенции, а Миротиќ имаше 14 поени и 5 скока.

ЕВРОЛИГА, 4.КОЛО

ЦСКА Москва – Црвена звезда 78:76 (17:21, 25:21, 15:15, 21:19)

Монако – Барселона 81:85 (22:12, 13:19, 19:25, 21:19, 6:10)

Олимпијакос – Жалгирис 83:68 (12:23, 24:16, 27:10, 20:19)



(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-42527-37474”));

Фантастичниот старт на Наполи на новата сезона во Серија А под водство на тренерот Лучано Спалети не ги убеди криминалците да го поштедат, откако неговиот автомобил беше украден од пред хотелот во кој тој живее.

Според „Ла газета дело спорт“, автомобилот од типот „Фиат Панда“ бил украде само два дена откако некој на истиот паркинг го украл возилото на сопругата на фудбалерот Диего Деме.

Тренерот ја пријавил кражбата до локалната полиција, откако се префрли од својот Мерцедес на урбаната „Панда“ додека е во Неапол.

Napoli, rubata la Panda di #Spalletti davanti all'albergo dove vive https://t.co/vfUOCNDrQt

— La Gazzetta dello Sport (@Gazzetta_it) October 15, 2021

Педри, Џуд Белингам и Џовани Рејна се меѓу 20-те млади фудбалери кои влегоа во избор за престижната награда „Златно момче“, која се доделува на најдобрите фудбалери под 21 година во врвните европски лиги во организација на италијанскиот спортски весник „Тутоспорт“.

Минатата година наградата ја доби Ерлинг Халанд, а во минатото до наградата доаѓаа и Пол Погба, Лионел Меси, Вејн Руни, Серхио Агуеро и Матијс де Лихт. Наградата ќе биде доделена на 13 декември.

Најмногу кандидати имаат Шпанците, со четири номинации – Педри, Гави, Брајан Хил и Јереми Пино, додека Германците имаат тројца (Карим Адејеми, Џамал Мусијала и Флоријан Вирц) исто како и Англичаните (Џуд Белингам, Мејсон Гринвуд и Букајо Сака). Французите можат да се пофалат со Едуардо Камавинга и Вилијам Салиба, додека Италијанците се тука со Даниел Малдини и Роберто Пиколи. Само двајца фудбалери надвор од Европа се номинирани – Американецот Џовани Рејна од Борусија Дортмунд и бразилската ѕвезда на Реал, Родриго.

НОМИНИРАНИ ЗА „ЗЛАТНО МОМЧЕ“

Педри (Барселона, Шпанија)

Гави (Барселона, Шпанија)

Брајан Хил (Тотенхем, Шпанија)

Јереми Пино (Вилјареал, Шпанија)

Карим Адејеми (Ред бул Салцбург, Германија)

Џамал Мусијала (Баерн Минхен, Германија)

Флоријан Вирц (Баер Леверкузен, Германија)

Џуд Белингам (Борусија Дортмунд, Англија)

Мејсон Гринвуд (Манчестер јунајтед, Англија)

Букајо Сака (Арсенал, Англија)

Едуардо Камавинга (Реал Мадрид, Франција)

Вилијам Салиба (Марсеј, Франција)

Даниел Малдини (Милан, Италија)

Роберто Пиколи (Аталанта, Италија)

Рајан Гравенберх (Ајакс, Холандија)

Јуриен Тимбер (Ајакс, Холандија)

Џио Рејна (Борусија Дортмунд, САД)

Родриго (Реал Мадрид, Бразил)

Нуно Мендеш (ПСЖ, Португалија)

Шарл де Кетеларе (Бриж, Белгија)