Спорт
Суарез: ФИФА секогаш е против Уругвај

Луис Суарез ја обвини ФИФА дека „секогаш е против Уругвај“. Настапот на напаѓачот со репрезентацијата на Уругвај на Светското првенство во Катар заврши со солзи и покрај успехот на Јужноамериканците од 2-0 против Гана во последниот натпревар од групната фаза во петокот.
„Урусите“ имаа шанса да се пласираат во осминафиналето доколку постигнеа трет гол против Гана. На самиот крај на натпреварот од групата „Х“, Уругвај имаше сериозни претензии за досуден пенал по контактот на Дарвин Нуњез и Даниел Амарти во шеснаесетникот на африканскиот тим.
„Пеналот против Дарвин беше многу чист. Имаше контакт и со Еди“, изјави ветеранот Суарез, цитиран од „Ројтерс“.
Во последните секунди од натпреварот, Уругвајците бараа и прекршок против Единсон Кавани во шеснаесетникот на Гана.
„По мечот сакав да го прегрнам семејството, но луѓето од ФИФА не ми дозволија. Се чини дека Уругвај нема добра позиција во ФИФА. Очигледно, тие секогаш се против нас. Среќен сум што играв на моето четврто Светско првенство. Мојот син ме немаше видено да играм на толку големо првенство. Иако победивме, сликата е тажна“, изјави Луис Суарез.
Уругвај беше елиминиран од Светското првенство во 2022 година по поразот на Португалија од Јужна Кореја со 1:2. Азијците продолжуваат во осминафиналето каде за противник ќе го имаат Бразил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Јокиќ емотивно ја прослави победата на својот коњ

Во Суботица се одржа познатата трка Дужијаница, едно од најпрестижните натпреварувања на српската коњичка сцена, а победата ја однесе Демон Дел’Ест, коњ во сопственост на кошаркарот на Денвер Нагетс, Никола Јокиќ.
Иако Јокиќ е познат на теренот како ладнокрвен и резервиран играч, неговата емоционална страна доаѓа до израз кога станува збор за коњите.
Откако неговиот коњ прв ја помина целта, Јокиќ заплака од среќа и лично им честиташе на џокејот Кармине Пискуољи и на тренерот Владимир Прибиќ. Тој гордо излезе на патеката за да ја прослави големата победа заедно со нив.
„Го кажав тоа одамна, ги доживеав сите мои големи победи и порази тука, во овој спорт. Сите луѓе овде со кои заедно го правиме ова се мои пријатели, мои семејни пријатели, сите тие го доживуваат ова исто како и јас. Го правиме ова како хоби, ова е прилика да се дружиме, да се забавуваме и да уживаме во животот“, рече Јокиќ.
🃏 Nikola Jokić u suzama nakon pobede na čuvenoj Dužijanci u Subotici! pic.twitter.com/2gOWM9YZj8
— Arena Sport TV (@arenasport_tv) July 27, 2025
Спорт
Погачар го освои Тур д’Франс по четврти пат

Словенецот Тадеј Погачар е победник на 112-то издание на најпрестижната велосипедска трка во светот, Тут Д’Франс. Словенецот четврти пат во кариера победи на трката околу Франција.
Победник на последната етапа од овогодинешната Тур Д’Франс е Ваут ван Ерт, кој го престигна Погачар на третата раскрсница од последната етапа и беше првиот што помина низ Триумфалната капија во Париз.
Второто место му припадна на Италијанецот Давиде Балерини, додека Словенецот Матеј Мохориќ ја заврши етапата на третото место.
Победникот, Тадеј Погачар, го освои четвртото место во последната етапа. Претходно Погачар победи на тур Д4Франс во 2020, 2021 и 2024 година.
Поради исклучително лошите временски услови, организаторите мораа да ја скратат и последната етапа, но исходот од последната етапа не можеше да влијае на конечниот исход.
Погачар стана втор возач со четири победи на Тур Д ‘Франс, заедно со Крис Фрум. Жак Анкетил, Еди Меркс, Бернард Хино и Мигел Индуреин победиле пет пати.
💛 Si alguien tenía que robarle la foto para la eternidad a Pogacar de ganar en París vestido de amarillo tenía que ser él.
Qué salvajada de Wout van Aert. En último paso por Montmartre dejó sin respuesta a Tadej.
El ciclismo sonríe por verle a ese nivel pic.twitter.com/SOMYiZPj7x
— Alberto Marcos Gallego (@albermg) July 27, 2025
Спорт
Англичанките ја одбранија европската титула

Женската фудбалска репрезентација на Англија е шампион на Европа. Во големото финале на Европското првенство во Базел, Англија ја победи Шпанија. По 90 минути резултатот беше 1:1. И по 120 минути резултатот беше ист, 1:1, на крајот Англија победи со 3:1 на пенали.
Шпанките ја пропуштија можноста да ја комплетираат „триплетa“, бидејќи ги имаат титулите од Светското првенство и Лигата на нации, додека Англија ѝ се одмазди на Шпанија за поразот во финалето на Светското првенство во Сиднеј од пред две години.
Апсолутен херој на Англија е младата голманка Хана Хемптон, која во одбрани три пенали.
Во историјата влезе и селкторката Сарина Вигман, која е третата во историјата со три последовни титули на Европските првенства. Пред неа, тоа го постигнаа Џеро Бизанц (1989, 1991 и 1995) и Тина Тун (1997, 2001 и 2005) – обете со Германија. Вигман беше европски шампион со Холандија, а сега двапати со Англија.
Фото/ Принскрин