Спорт
Судиите ја оштетија Словенија: Сите одлуки го носеа во корист на Данска

Данските ракометари во голема драма ја победија Словенија со 31:30 во полуфиналето на Олимписките игри и за златниот медал ќе се борат со Германија. Словенја за бронзата ќе игра против Шпанија.
Данска имаше предност од третата минута и не ја испушти до крајот, но Словенија не го искористи нападот во последните секунди за да израмни и да оди во продолженија.
Во поголемиот дел од натпреварот се чинеше дека Данска лесно ќе победи, на полувремето водеа со 15:10, а во неколку наврати во вториот дел ја зголемуваа предноста на шест гола. Сепак, Словенците се вратија во игра најмногу благодарение на одбраните на Клемен Ферлин.
Со серија 3:0 дојдоа дојдоа до гол негатива, во последниот напаад Данците добија седмерец, но Ферлин го одбрани ударот на Микел Хансен. Потоа на 15 секунди до крајот Словенците го започнаа последниот напад за израмнување.
Играа седум на шест, а во последната секунда добија девет метри. Сепак, забавеното видео покажа дека чешката судиска двојка Хорачек-Новотни тешко ги оштети Словенците и дека тие со право полудеа на нивната одлкуа да досудат девет, а не седум метри.
Имено, при одбраната на својот гол, данските играчи газеа во голманскиот простор, за што автоматски се досудува пенал. Словенците требаше да имаат седмерец на самиот крај и ако погодеа полуфиналето ќе одеше во продолженија.
Словенечкиот селектор Урош Зорман беше бесен на теренот, а не се олади ниту по натпреварот: „Судиите во текот на целиот натпревар не беа на потребното нив за едно вакво полуфинале. Сите нивни одлуки одеа во корист на Данска, па дури и оние најситните. Не сакам да зборувам многу за судиите, ова што го зборувам е факт. Поради тоа ракометот не е глобален спорт. Тука има премногу работи кои ги толкуваат како што тие сакаат, а клучни се: штое фаул, колку трае нападот и за што се суди пенал“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Рексам го сака Ериксен

Фудбалскиот клуб Рексам, во сопственост на холивудските актери Рајан Рејнолдс и Роб Мекелен, го направи својот најамбициозен чекор досега, го контакриа данскиот играч од средниот ред Кристијан Ериксен во обид да го потпише, објави Би-Би-Си.
Ериксен (33), поранешен дански репрезентативец со 144 настапи, моментално е без клуб откако неговиот договор со Манчестер јунајтед истече на крајот од сезоната 2024/25.
Управниот одбор на Рексам го гледа Ериксен како идеално засилување кое би донело непроценливо искуство во првата сезона на клубот во втората лига на англискиот фудбал по 44 години.
Менаџерот на играчот, Мартин Скотс, потврди за „Дејли Мејл“ дека „проектот на Рексам е исклучително импресивен“, но додаде: „Кристијан сè уште сака да игра во врвните лиги и е решен да остане во Западна Европа“.
Од почетокот на летниот преоден рок, Рексам веќе ги доведе голманот на Велс, Дени Ворд, напаѓачот Рајан Харди, играчите од средниот ред Луис О’Брајан и Џорџ Томасон, левиот бек Либерато Кака и офанзивниот играч од средниот ред Џош Виндас.
Сепак, потенцијалното доаѓање на Ериксен би бил најзначајниот трансфер досега, доколку менаџерот Фил Паркинсон успее да го убеди да игра во Чемпионшип.
Минатата сезона, Ериксен одигра 35 натпревари и постигна пет гола за Манчестер јунајтед. Тој играше и за Ајакс, Тотенхем, Интер и Брентфорд, а со Јунајтед ги освои ФА Купот и Лига Купот.
Рексам ја отвора својата нова сезона во Чемпионшип со гостување кај Саутемптон на 9 август на стадионот „Сент Мери“.
Foto/ EPA
Спорт
Нестварно, англиските клубови досега потрошиле 1,87 милијарди евра за засилувања

Ова лето, клубовите од англиската Премиер лига ги поместуваат сите граници поставени досега кога станува збор за парите инвестирани во зајакнување на нивните тимови. И сè уште не ја завршиле работата.
Според специјализираниот фудбалски портал „Трансфермаркт“, од јуни, кога се отвори летниот трансфер пазар, до денес, елитните англиски клубови потрошиле импресивни 1,87 милијарди евра за нови играчи.
Поголемиот дел од овие пари од нивните сметки, за засилувања, ги издвоија само неколку од најмоќните клубови.
Ливерпул доминира.
„Црвените“ потрошија 307 милиони евра за нови играчи во тековниот преоден рок, а клубот од „Енфилд“ инвестираше речиси 200 милиони само за двајца играчи, Флоријан Вирц и Уго Екитике.
Втор на листата на најголеми трошаџии е актуелниот светски шампион Челзи.
„Сините“ направија голем дел од работата во зајакнувањето на играчкиот кадар со инвестиција од 242 милиони евра, а за тие пари ги доведоа Жоао Педро (70 милиони), Џејми Гитенс (65 милиони), Естевао (34 милиони), Лиам Делап (35,5 милиони)…
Арсенал е трет на листата со 156 милиони инвестирани досега за нов кадар во составот, иако вредноста на трансферот на Виктор Ѓокереш, чиј потпис за „топџиите“ е прашање на денот, наскоро треба да се додаде на оваа сума.
Арсенал сигурно ќе ја надмине сумата од 200 милиони евра ова лето за засилувања, кога Швеѓанецот конечно ќе го потпише договорот.
Манчестер јунајтед потроши приближно колку и Арсенал, 152,7 милиони евра.
Поединечно, клубот од „Олд Трафорд“ даде најмногу пари за трансферот на Брајан Мбеумо од Брентфорд, речиси 80 милиони евра.
На петтото место е Манчестер сити (145 милиони), по него Тотенхем (140 милиони), а Сандерленд е исто така високо на оваа листа со 115,5 милиони за нови имиња, додека Брајтон, Барнли и Лидс се веднаш зад нив.
Сите три споменати клуба потрошија во опсег од 70-80 милиони за засилувања.
Финансискиот јаз помеѓу повеќето англиски клубови, не само најсилните, и остатокот од Европа, се чини, а тоа го покажуваат и трансферните вредности, никогаш не бил поголем.
Спорт
Меси суспендиран

Аргентинецот Лионел Меси е суспендиран на еден натпревар во МЛС лигата поради тоа што го пропушти неодамнешниот Ол-стар натпревар. Иста казна заработи и неговиот соиграч Џорди Алба.
Фудбалерите на клубот од Мајами ќе го прескокнат многу важниот натпревар на Интер против лидерот во Источната конференција, Синсинати, во кој тимот од Флорида, со евентуална победа, би можел да се приближи до првото место.
Правилата на лигата налагаат играчите кои се поканети на Ол-стар натпреварот и не се појават, а немаат соодветно медицинско оправдување, автоматски да бидат суспендирани.
Тренерот на Интер, Хавиер Маскерано, по натпреварот со Њујорк изјави дека Алба е повреден, па затоа не може да игра на Ол-стар натпреварот, додека за Меси рече дека бил уморен.
Оваа сезона, Меси постигна 24 гола на 29 натпревари во сите натпреварувања.