Спорт
Судир на световите – Ѓоковиќ против Алкараз, во мечот на годината во Париз
Помина долго време откако Новак Ѓоковиќ не бил во подредена позиција на еден гренслем турнир. Во полуфиналето на Ролан Гарос, тој го брка рекордниот 23. гренслем трофеј, но против себе го има светскиот тенисер број еден.
Не може да се каже дека е аутсајдер, но целокупната слика кога ќе се земе в предвид, јасно е дека на 20-годишниот тенисер од Мурсија му се даваат поголеми шанси за победа.
Теренот е единственото мерило, а на него и двајцата покажаа многу во претходните десет дена во Париз.
Двајцата загубија само по еден сет против досегашните конкуренти, Новак Ѓоковиќ во четврт-финалето против Карен Хачанов, а Карлос Алкараз во второто коло против Тар Даниел.
Ѓоковиќ ги победи и Александар Ковачевиќ, Мартон Фучович, Алехандро Давидовиќ Фокина и Хуан Пабло Варилјас.
Од друга страна, Алкараз ги победи Флавио Коболи, Денис Шаповалов, Лоренцо Музети и Стефанос Циципас, а во последниот дуел беше особено доминантен.
Импресивните податоци велат дека ова ќе биде 45. полуфинале на Новак Ѓоковиќ на гренслем турнирите. Ова ќе биде само вторпат за Алкараз на гренслем да се најде меѓу најдобрите четири играчи. Единствениот пат кога стигна толку далеку беше на УС Опен минатата сезона, кога го освои трофејот.
Речиси во сите анализи и коментари е нагласена главната предност на Новак Ѓоковиќ во овој дуел, а тоа е искуството. Лесно е да се каже, но овојпат преку мрежата е Карлос Алкараз, момче кое покажа подготвеност, физичка и психичка, игра, форма, самодоверба.
„Луѓе, тоа е Новак, тој секогаш може да вклучи во поголема брзина. Морам да го издржам неговиот ритам, тој е одличен играч, сите го знаат тоа, еден од најдобрите во историјата, одиграл милион натпревари. Сите видовме дека има одредено ниво на кое делува непобедливо. Не можам да кажам дека ќе падне поради мојот ритам или нешто слично. Мислам дека ќе биде неизвесен меч, ќе се обидам да го диктирам темпото и да ја играм мојата игра, но играјќи против Новак ќе биди компликувано да играм како што јас сакам“, изјави Алкараз по победата над Циципас.
Новак и Карлос лани го одиграа единствениот меч во полуфиналето на Мадрид и истиот заврши по три сета. Тој дуел траеше повеќе од три и пол часа и беше решен по тај-брејк во решавачкиот сет, а славеше Алкараз со 2:1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Медведев за соработката меѓу Ѓоковиќ и Мареј: Замислете Меси да го тренира Роналдо
Рускиот тенисер Даниил Медведев, во Мелбурн зборуваше за Новак Ѓоковиќ и Енди Мареј.
Ѓоковиќ пред еден месец објави дека Мареј ќе биде неговиот нов тренер. Многумина во светото на тенисот се прашуваат како функционира соработката
„Какво влијание ќе има врз Новак? Тешко е да се каже, бидејќи замислете дека го тренирате, а тој игра добро и победува. А потоа се прашуваме, дали е поради Мареј или Новак? Мислам дека тоа е одлично партнерство во секој поглед. Во однос на енергијата, медиумите, тенисот, тоа е одлично за развојот на тенисот. Тоа е исто како Лео Меси да стане тренер на Кристијано Роналдо. Би било чудно“, рече Медведев.
Спорт
Ланс за Кусанов плати 100.000 , сега го продава за 50 милиони евра
Централниот дефанзивец на Ленс, Абдукодир Кусанов (20) ќе биде првото засилување за Манчестер сити во јануарскиот преоден рок.
Информацијата доаѓа од добро информираниот Фабрицио Романо, кој наведува дека менаџерот на Сити, Пеп Гвардиола дал „зелено светло“ талентираниот Узбекистанецда се пресели на „Етихад“.
Наводно, Сити на францускиот клуб ќе му плати отштета од 50 милиони евра.
Овој фудбалер, репрезентативец на својата земја, доживеа метеорски подем во изминатите три години, откако пристигна во „Б“ тимот на Ленс, од малку познатиот белоруски клуб Енергетик-БГУ.
Ленс ќе заработи голема сума бидејќи прет три години за трансферот на Кусанов издвои само 100.000 евра.
Кусанов оваа сезона одигра 16 натпревари во сите натпреварувања.
🔵🇺🇿 More on Khusanov and Man City exclusive story.
Man City started working on deal before end of 2024 with one mission to Lens also included for direct meeting.
Pep Guardiola approved Khusanov as immediate signing. Total green light.
Here we go, coming soon. 🏁 pic.twitter.com/sSm6VQHf8P
— Fabrizio Romano (@FabrizioRomano) January 10, 2025
Спорт
„Некој треба да му каже на Винисиус како треба да се однесува“
Поранешниот фудбалер на Реал Мадрид, подоцна и спортски директор, Хорхе Валдано откри дека не му се допаѓа како Винисисус униор се однесува на теренот. Славниот Аргентинец смета дека однесувањето на Бразилецот не е во склад со неговиот рејтинг и статус во клубот.
Винисиус ја загуби контролата втор меч по ред. По натпреварот против Валенсија кога го нападна голманот Столе Димитревски и доби црвен картон, не можеше да се контролира и против Мајорка во полуфиналето на Суперкупот во Џеда.
Јасно е дека противниците сега го користат фактот што Винисиус има „краток фитил“, поради што го провоцираат повеќе од кој било друг играч на Реал. Спека иако е свесен за тактиката на противниците, тој не наоѓа начин да ги контролира емоциите на теренот.
Против Мајорка падна на провокациите нод десниот бек Пабло Мафео. Станува збор за играч кој деновите пред мечот рече „дека во бокс меч би го нокаутирал Винисиус за десет секунди“.
Валдано го дели ставот дека е крајно време Винисиус да почне да се однесува како прва ѕвезда на Реал Мадрид.
„Пред сè, Винисиус треба да го направи она што се очекува од една суперѕвезда, а тоа е да победува. Реал Мадрид му должи за многу голови и победи што им ги овозможи, повеќе отклку на било кој друг фудбалер од овој состав. Некој треба да му каже дека ова што му се случува им се случувло и на други ѕвезди на Реал. Пред него тоа го помина Кристијано Роналдо, пред нив Уго Санчез, а пред сите Алфредо ди Стефано… Зошто? Затоа што се најдобри“, изјави Валдано за шпанските медиуми.