Спорт
Судир на световите – Ѓоковиќ против Алкараз, во мечот на годината во Париз
Помина долго време откако Новак Ѓоковиќ не бил во подредена позиција на еден гренслем турнир. Во полуфиналето на Ролан Гарос, тој го брка рекордниот 23. гренслем трофеј, но против себе го има светскиот тенисер број еден.
Не може да се каже дека е аутсајдер, но целокупната слика кога ќе се земе в предвид, јасно е дека на 20-годишниот тенисер од Мурсија му се даваат поголеми шанси за победа.
Теренот е единственото мерило, а на него и двајцата покажаа многу во претходните десет дена во Париз.
Двајцата загубија само по еден сет против досегашните конкуренти, Новак Ѓоковиќ во четврт-финалето против Карен Хачанов, а Карлос Алкараз во второто коло против Тар Даниел.
Ѓоковиќ ги победи и Александар Ковачевиќ, Мартон Фучович, Алехандро Давидовиќ Фокина и Хуан Пабло Варилјас.
Од друга страна, Алкараз ги победи Флавио Коболи, Денис Шаповалов, Лоренцо Музети и Стефанос Циципас, а во последниот дуел беше особено доминантен.
Импресивните податоци велат дека ова ќе биде 45. полуфинале на Новак Ѓоковиќ на гренслем турнирите. Ова ќе биде само вторпат за Алкараз на гренслем да се најде меѓу најдобрите четири играчи. Единствениот пат кога стигна толку далеку беше на УС Опен минатата сезона, кога го освои трофејот.
Речиси во сите анализи и коментари е нагласена главната предност на Новак Ѓоковиќ во овој дуел, а тоа е искуството. Лесно е да се каже, но овојпат преку мрежата е Карлос Алкараз, момче кое покажа подготвеност, физичка и психичка, игра, форма, самодоверба.
„Луѓе, тоа е Новак, тој секогаш може да вклучи во поголема брзина. Морам да го издржам неговиот ритам, тој е одличен играч, сите го знаат тоа, еден од најдобрите во историјата, одиграл милион натпревари. Сите видовме дека има одредено ниво на кое делува непобедливо. Не можам да кажам дека ќе падне поради мојот ритам или нешто слично. Мислам дека ќе биде неизвесен меч, ќе се обидам да го диктирам темпото и да ја играм мојата игра, но играјќи против Новак ќе биди компликувано да играм како што јас сакам“, изјави Алкараз по победата над Циципас.
Новак и Карлос лани го одиграа единствениот меч во полуфиналето на Мадрид и истиот заврши по три сета. Тој дуел траеше повеќе од три и пол часа и беше решен по тај-брејк во решавачкиот сет, а славеше Алкараз со 2:1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Батлер и (не)очекуваниот херој Подзиемски го решија Хјустон
Кошаркарите на Голден Стејт поведоа со 3-1 во четвртфиналната серијата, во Западната конференција, против Хјустон Рокетс.
Вориорс славеа во драматаична завршница со 109:106. Алперен Шенгун, кој во НБА го носи прекарот „Бејби Јокиќ“, го промаши шутот за победа, пред себе го имаше Дрејмонд Грин, еден од најдобрите дефанзивци во лигата.
Џими Батлер потоа ги погоди двете слободни фрлања и со тоа им донесе победа на „воините“. Батлер, кој поради повредата во вториот меч беше неизвесен и за овој натпревар ги предводеше Вориорс со 27 поени, шест асистенции и пет скока.
Инаку, икс фактор беше бекот на Вориорс Брандин Подзиемски кој постигна рекордни оваа сезона 26 поени. Стеф Кари постигна 17, а Бади Хилд 15 поени.
На спротивната страна, најдобар поединец на натпреварот беше Алперен Шенгун со 31 поен и 10 скока, но тоа не значеше многу по промашениот шут за победа.
Фред Ванфлит имаше 25, Амин Томпсон 17, додека Дилон Брукс го заврши натпреварот со 11 поени.
Серијата се враќа во Хјустон, каде што петтиот натпревар ќе се игра ноќта помеѓу среда и четврток од 01:30 часот.
Спорт
(Видео) Општа тепачка на натпреварот Голден Стејт – Хјустон
Четвртиот натпревар од плејоф серијата помеѓу Голден Стејт Вориорс и Хјустон Рокетс беше тензичен со многу инциденти на теренот.
Вориорс поведоа со 3:1 во серијата, откако во трилер завршница победија со 109:106, а натпреварот беше обележан со многу „валкани потези“.
Во текот на втората четвртина, седум минути пред крајот, имаше „искри“ помеѓу Стеф Кари и Дилон Брукс.
Канаѓанецот го фаулираше Кари, а кога можеше едноставно да се сврти и да си замине, реши да му ја грабне топката од рацете и тогаш сè ескалираше.
Дрејмонд Грин, се стрча да го заштити Кари и сè резултираше со тепачка, туркање и вербални навреди.
На крајот, сите тројца добија по техничка грешка. Се случи уште една ситуација во која учествуваше Дрејмонд Грин.
Тари Исон му ја одзеде топката во еден напад, а Грин веднаш возврати со фаул, а неговата нога заврши во главата на противникот.
Draymond is so good at playing off these dirty plays pic.twitter.com/wshs1CeCxY
— MAL (@playoffMAL) April 29, 2025
Спорт
Дон Карло заминува, на „Бернабеу“ доаѓа Чаби Алонсо
Карло Анчелоти по завршувањето на сезоната ќе го напушти Реал, на неговото место ќе дојде поранешниот фудбалер на овој клуб Чаби Алонсо.
Соработникот на шпанскиот портал „Релево“, Матео Морето, презентираше информации за Чаби Алонсо и неговиот договор постигнат со Реал Мадрид.
Тренерот на Баер Леверкузен претходно беше споменуван како следен тренер на Реал Мадрид, а сега е потврдено дека е блиску до официјален договор со тимот чиј дрес го носеше под водство на Анчелоти.
„Алонсо ќе одржи состанок со раководството на Баер Леверкузен во наредните денови за да ги информира дека го напушта Леверкузен и се сели во Мадрид“, објави Морето.
Анчелоти ќе се посвети на бразилската фудбалска репрезентација, која ќе ја предводи на Светското првенство во 2026 година во САД, Канада и Мексико.
Беше објавено дека тој нема да го предводи Реал на Светското клупско првенство, кое ќе се игра од 14 јуни до 13 јули во САД.
Затоа раководството на Реал сака што побрзо да го „заврши“ Алонсо, кој е во Леверкузен од октомври 2022 година.
Првата сезона ја заврши на шестото место, а следната сезона како шампион, поради што стана една од иконите на Баер Леверкузен.
Исто така, во 2024 година, тој ја комплетираше „двојната круна“, односно стигна до финалето на Лигата на Европа, кое го загуби од Аталанта (0:3).
Победа на либералите во Канада
Канадската Либерална партија, предводена од премиерот Марк Карни, е на добар пат да победи на федералните избори, велат канадските медиуми,...
Шпанија и Португалија повторно имаат струја
Елекетричната енергија е обновена речиси целосно низ Шпанија и Португалија по вчерашниот масовен прекин што предизвика хаос во двете земји....
„Марш за ангелите“ – семејствата на жртвите во пожарот во Кочани на протест во Скопје
Семејствата на загинатите во трагичниот пожар во Кочани за денеска најавија протестен „Марш за ангелите“ во Скопје. „Ние заслужуваме одговори,...
Шпанија прогласи вонредна состојба по прекинот на електричната енергија
Шпанското Министерство за внатрешни работи прогласи вонредна состојба во земјата по денешниот прекин на електричната енергија. Шпанскиот оператор за електрична...
Гаши засега ќе се воздржи од коментари за претседателката на Антикорупциска
Во врска со актуелните настани поврзани со претседателката на Државната комисија за спречување на корупцијата, Татјана Димитровска, од кабинетот на...
Прекинот на електричната енергија во Португалија и Шпанија предизвикан од редок атмосферски феномен
Португалскиот оператор на електричната мрежа – РЕН објави дека прекинот на електричната енергија што ги погоди Португалија и Шпанија е...
Обвинителството ги кани на средба семејствата на жртвите од Кочани пред протестот најавен за утре
Јавното обвинителство кани на средба претставници на семејствата на жртвите од пожарот во дискотеката „Пулс“ кои би сакале подетално да се...
Палевски вели дека не се пријавил во полицијата во Баликесир оти секако ќе го нашле, се видел на сите вести во пицеријата додека пиел еспресо
Обвинетиот за убиствата на Вања и Панче, Љупчо Палевски, во судот одговараше на прашањата на обвинителите. Тој беше прашан зошто...
Путин најавува тридневно примирје
Рускиот претседател Владимир Путин објави таканаречен хуманитарен прекин на огнот од 8 мај до полноќ на 11 мај по повод...
(Видео) Кузеска: Нов скандал, братот на градоначалникот Стефковски лета по улиците, за него не важат законите
Денеска објавуваме нов скандал. Граѓаните ќе видат она што одамна го знаат: функционерите на власта прават што сакаат, без никаква...
„Заслужуваме одговори“: семејствата на жртвите од пожарот во Кочани утре на протетстен марш во главниот град
Семејствата на загинатите во трагичниот пожар во Кочани за утре, 29 април, најавија протестен „Марш за ангелите“ во Скопје. „Ние...
Двајца браќа обвинети за убиство и за обид за убиство на подмолен начин
По спроведена истражна постапка, јавен обвинител од Основното јавно обвинителство Скопје денеска поднесе обвинителен акт против две лица, кои како...
Подготовките за избор на нов папа се во тек: исходот неизвесен од кога било досега
Подготовките за избор на нов папа се во тек, а исходот е понеизвесен од кога било, со оглед на тоа...
Трамп: Зеленски е подготвен да ѝ го препушти Крим на Русија
Американскиот претседател Доналд Трамп изјави дека верува оти неговиот украински колега Володимир Зеленски е подготвен да го отстапи Крим на...
(Видео) Судир меѓу брод и ферибот на Флорида: едно лице загина, неколку повредени
Едно лице загина, а неколку други се повредени откако рекреативен брод се судри со ферибот што превезувал 45 лица во...
(Видео) 30-годишниот маж, кој газеше луѓе на канадски фестивал, обвинет за убиство
Триесетгодишен маж е обвинет по осум точки за убиство од втор степен, откако со автомобилот се забил во толпа луѓе...
САД предупредуваат: Вмешаноста на Пјонгјанг во војната мора да престане
Американскиот Стејт департмент соопшти дека е загрижен поради директното вклучување на Северна Кореја во војната на Русија во Украина и...
Северна Кореја потврди: Нашите војници се борат за Русија во војната против Украина
Северна Кореја за прв пат потврди дека испратила војници да се борат за Русија во војната со Украина по наредба...
Таравари отиде во Турција каде ги посети пациентите од трагедијата во Кочани
Министерот за здравство Арбен Таравари денеска ја посетил болницата „Чам ве Сакура“ во Истанбул, каде што се лекуваат двајца од...
Премиерот уверува дека Владата е стабилна и силна
Владата е стабилна и силна, и ги исполнува очекувањата на граѓаните, и покрај бројните предизвици и општата економска катастрофа која...
