Спорт
Судот со конечна одлука – Еквадор ќе игра на СП во Катар

Судот за арбитража во спортот (ЦАС) ја отфрли жалбата на Чилеанската фубалска федерација за случајот на еквадорскиот фудбалер Бајрон Кастилјо и неговата достапност за еквадорската репрезентација, така отфрлајќи ги сите шпекулации дека тие ќе бидат исфрлени од првенството.
Сомнежите дека Кастилјо лажел за својата возраст и за тоа каде е роден неколку месеци ја окупираат фудбалската јавност во Јужна Америка, а откако ФИФА двапати ја отфрли жалбата на Чиле, последна шанса за Чиле за можен настап во Катар беше Судот за арбитража во спортот (ЦАС) во Швајцарија.
Интересно е што ЦАС во својата одлука потврди дека Кастилјо навистина е роден во Колумбија и дека Федерацијата е виновна за фалсификатот, но дека немаат вина во одлуката да го постават во својата репрезнтација.
„Во случајот, иако е вистина дека пасошот на фудбалерот бил леглен, информациите во него не биле вистинити. Тој е роден во Тукмаако, Колумбија, на 25 јуни 1995 година, но Еквадор не го прекрши одделот 22 од дисциплинскиот код на УЕФА бидејќи тој беше достапен за нивната репрезентација. Националноста на еден фудбалер одредува дали тој е достапен за настап според локалните закони и тој смеел да игра за Еквадор“, се вели во одлуката на ЦАС.
Еквадор е во групата А на СП заедно со домаќинот Катар, Холандија и Сенегал.
📌 #ComunicadoOficial – Resolución TAS
— FEF 🇪🇨 (@FEFecuador) November 8, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Месина: Уживав гледајќи како Ти Џеј Шортс не малтретира
Олимпија Милано на своја кожа ја почувствува моќта на натурализираниот Македонец, Ти Џеј Шортс.
Париз го победи Милано со 92:79, а Шортс успеа да постигне 24 поени, имаше 10 асистенции, шест скока и две украдени топки.
„Очигледно беше дека Шортс доминира. Беше неверојатен. Нема да ми верувате, но дури уживав крај теренот гледајќи како не малтретира”, изјави тренерот на Милано Еторе Месина.
„Сите сме импресионирани од неговиот карактер, неговите одлуки се многу добри“, рече тој.
Тој исто така додаде дека Шортс е исклучително важен во одбраната на неговиот тим.
„Многу е тешко да го нападнете бидејќи е низок, многу брз, многу силен и во горниот и долниот дел од телото. Тој не само што е добар напаѓач, тешко е и да го нападнете“, заклучи прославенуот италијански тренер.
Спорт
Ливерпул ги контактирал менаџерите на Исак

Ливерпул стапил во контакт со менаџерите на Александар Исак, кој се почесто се споменува како потенцијално засилување за тимот од „Енфилд“, пренесува добро информираниот трансфер инсајдер Фабрицио Романо.
Летото на „Енфилд“ би можело да биде исклучително динамично кога се во прашање трансферите.
Новиот тренер Арне Слот веќе ги одреди позициите кои клубот треба да ги засили, а приоритет е нападот.
Особено што договорот на Мохамед Салах истекува на лето, додека се погласни се шпекулациите за заминување на Луис Дијаз и Дарвин Нуњез.
Меѓу имињата кои се поврзуваат со Ливерпул е и Александар Исак, а Романо открива дека „црвените“ веќе стапиле во контакт со менаџерите на шведскиот напаѓач. Сепак, до овој момент официјалната понуда се уште не е испратена.
Исак се пресели во Њукасл во август 2022 година од Реал Сосиедад за 63 милиони евра. Оттогаш постигна 58 гола на 100 натпревари за „страчките“.
Тој неодамна беше стрелец и во победата на Њукасл со 2:1 над Ливерпул во финалето на Лига купот.
Спорт
Мората се кае што го напуштил Атлетико

Алваро Мората изјави дека жали што минатото лето го напуштил Атлетико Мадрид, откривајќи дека личните проблеми го навеле да донесе погрешна одлука.
Мората минатото лето се пресели од Атлетико во Милан, за кого одигра 16 првенствени натпревари и постигна пет гола, а во јануари се пресели на позајмица во Галатасарај.
Тој изјави дека решил да го напушти Атлетико по бројните повици од тогашниот тренер на италијанскиот клуб Пауло Фонсека, поради кој се чувствувал почитуван, а си заминал откако клубот го донесе Сантијаго Хименез, кој повеќе одговара на тактиката на тренер, Серж Консеисао.
„Фонсека ми се јавуваше секој ден. Не требаше да го напуштам Атлетико, но не се чувствував добро, а кога не се чувствуваш добро, носиш погрешни одлуки во секој аспект од животот. Тренерот на Милан ми се јавуваше секој ден, требаше да се чувствувам сакан и ценет. Морав брзо да одлучам, а не сфатив дека Симеоне исто така се грижи за мене, изјави Мората за „Кадена Сер“.
„Татко ми и мојот менаџер ми рекоа дека носам погрешна одлука, но јас не ги слушав. Кога поминувате низ тешкотии, се изгледа сиво, дури и ако луѓето околу вас велат дека не е така. Да можев да го вратам времето назад, никогаш немаше да го напуштам Атлетико, но не можете да го промените минатото, а сега сум многу среќен”, додаде 32-годишниот напаѓач.
Мората ќе остане на позајмица во Галатасарај до јануари 2026 година.
Договорот вклучува опција турскиот клуб да го купи Мората за осум милиони евра до 15 јануари 2026 година.