Спорт
Сунинг се откажа од кинескиот шампион, дали следен е Интер?
Шампионот од кинеската Суперлига, Џиангсу ФЦ веќе не функционира, потврдија сопствениците „Сунинг“ во неделата во засрамувачки развој на настаните во кинескиот фудбал, кој исто така донесе многу шпекулации околу иднината на далеку пославниот тим во сопственост на „Сунинг“, италијанскиот Интер.
„Сунинг“ го купи Џиангсу во 2015 година, и го оствари најголемиот успех, титулата од тешката Суперлига, но по колапсот на пазарот поради КОВИД-19, сопственикот Жанг Џиндонг им соопшти дека клубот е на продажба за 1 цент, иако тој што сака да го купи ќе мора да ги преземе и долговите.
Кинеската власт во последно време ги ограничи парите кои што можат компаниите да ги вложуваат во своите клубови, а на Џиангсу им нареди да го сменат името од Џиангсу Сунинг.
Во Италија пак, подолго време се шпекулира дека „Сунинг“ бара инвеститор, односно партнер кој би внесол свеж капитал во Интер, иако не се отфрла можноста некој целосно да го преземе клубот.
Official: Suning Group announce all their football clubs(in China), including the CSL reigning champion Jiangsu FC(formerly Suning), the Women's CSL powerhouse Jiangsu Suning Women's(2019 WCSL champion) and youth teams of all levels, 'cease operation from today'. pic.twitter.com/BSv2I5V2bf
— Titan Sports Plus (@titan_plus) February 28, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гатузо им се налути на навивачите
Селекторот на италијанската репрезентација, Џенаро Гатузо, остро одговори на критиките, бидејќи неговиот тим го скрши отпорот на Молдавија (0:2) во квалификациите за Светското првенство во финиошт с голови во 88-та и 93-та минута.
Додека резултатот сè уште беше 0:0 кон крајот на натпреварот, мала група италијански навивачи почна да протестира, скандирајќи им на играчите „да одат на работа“. Гатузо не се согласи со нивните критики, нагласувајќи дека тимот играл добро.
„Протестите на навивачите се срамота, жал ми е за она што го слушнав. Ова не е време да им кажуваме на играчите да одат на работа. Мора да останеме обединети бидејќи тимот се мачи на теренот, а да слушам 500 навивачи кои зборуваат секакви работи е нешто што не го прифаќам“, рече Гатузо.
Италија сè уште може, во теорија, да се квалификува за Светското првенство како победник во Група И. Тие се три бода зад Норвешка, нивниот следен и последен противник во групата, но ќе им треба многу убедлива победа за да ја поништат гол-разликата. Затоа, „аѕурите“ ќе ја бараат својата шанса преку баражот.
Италијанската репрезентација последен пат учствуваше на Светското првенство во 2014 година. Ги пропушти турнирите во 2018 и 2022 година по тешките порази во плејофот од Шведска и Македонија.
Спорт
Роналдо ќе биде суспендиран за првите два натпревари на Светското првенство?
Кристијно Роналдо го доби првиот црвен картон во неговата репрезентативна кариера од 226 натпревари. Тој беше исклучен за време на квалификацискиот пораз за Светското првенство 2026 против Република Ирска (2:0).
Во 60-тата минута, тој ја удри Дарен О’Ши со лакт од фрустрација. Доби жолт картон, а откако судијата ја прегледа снимката, ја смени одлуката и го исклучи Португалецот.
Во моментот кога Роналдо доби црвен картон, Ириците водеа со 2:0, со головите на Трој Парот. Иако петкратниот освојувач на Златната топка е познат по тоа што ги губи нервите низ годините, тој никогаш не добил црвен картон во дресот на националниот тим.
Роналдо сигурно ќе го пропушти последниот квалификациски натпревар против Ерменија во недела, кога доколку не се случи уште една сензација, Португалија треба да го завери пласманот на Мундијалот.
Останува да се види колку ќе трае конечната суспензија, бидејќи може да добие суспензија од три натпревари поради насилно однесување.
Дисциплинските правила на ФИФА налагаат суспензија од „најмалку три натпревари или соодветен временски период за напад, вклучувајќи удирање со лакти, тупаници, шутирање, гризење, плукање или удирање на противник или лице кое не е службено лице на натпреварот“.
Дисциплинската комисија ќе одлучи за неговата судбина. Доколку му биде изречена забрана од три натпревари, Роналдо би можел да ги пропушти првите натпревари на Португалија на Светското првенство следното лето.
Со оглед на тоа што легендарниот напаѓач, кој ќе наполни 41 година во февруари, потврди дека СП 2026 ќе биде неговиот последен голем турнир, тој се надева дека казната ќе биде што е можно поблага.
Во кариерата, ова е 13-то исклучување на Роналдо, девет пати добил директно црвен картон.
Тој беше исклучен шест пати во Реал Мадрид, пет пати во Манчестер Јунајтед и еднаш во Јувентус.
Foto/ EPA
Спорт
29 селекции досега обезбедија место на мундијалот
Бројот на учесници на Светското првенство во 2026 година полека се зголемува. Од 48-те репрезентации што ќе учествуваат на Светското првенство следното лето, досега се познати 29.
Засега само две се од Европа, Франција и Англија. Вечерва, речиси сигурно ќе им се придружи и хрватската репрезентација, која математички со бод против Фраските острови ќе обебзеди пласман.
Засега, најмногу познати учесници доаѓаат од Африка, девет репрезентации и осум од Азија.
Да споменеме дека меѓу 29-те досега безбедни патници се и три дебитанти: Узбекистан, Јордан и Зелено’ртските Острови.
Извлекувањето на групите за Светското првенство ќе се одржи на 5 декември во Центарот „Кенеди“ во Вашингтон.
Конечниот список на сите учесници на Светското првенство ќе биде познат дури на крајот на март следната година, кога се закажани дополнителни квалификации во Европа, од кои ќе произлезат последните четири патници.
Кој го обезбеди настапот?
Домаќини: САД, Мексико, Канада
Африка: Алжир, Зелено’ртските Острови, Египет, Гана, Брегот на Слоновата Коска, Мароко, Сенегал, Јужна Африка, Тунис
Азија: Австралија, Иран, Јапонија, Јордан, Катар, Саудиска Арабија, Јужна Кореја, Узбекистан
Јужна Америка: Аргентина, Бразил, Колумбија, Еквадор, Парагвај, Уругвај
Европа: Франција, Англија
Океанија: Нов Зеланд

