Наполи со 2:0 ја совлада Риека во меч од четвртото коло во Лига Европа, за да се пробијат на првото место во својата група во еден емотивен меч по смртта на легендата на клубот и на светскиот фудбал, Диего Марадона.

Уште пред да започне мечот, беше јасно дека нема да биде вообичаен меч од пониската европска лига, откако илјадници фанови се собраа пред стадионот „Сан Паоло“ (кој набргу ќе го добие името на Марадона) и со факли му оддадоа огнена почит на „Ел пибе дел оро“. Потоа, стартерите на Наполи, меѓу кои и македонскиот репрезентативец Елиф Елмас на стартот го носеа дресот со број 10 во честа на Марадона оддавајќи му минута почит.

На теренот, Наполи дојде во водство во 41. минута со автоголот на Анастасио, додека Ирвинг „Чаки“Лозано во 75. минута со одлична реакција ги постави конечните 2:0. Наполи сега има 9 поени во групата, додека Реал Сосиедад и АЗ Алкмар се на 7 на две кола пред крајот.

Сигурно победи остварија и фаворитите – Рома со 2:0 славеше на гости кај ЦФР Клуж, додека Тотенхем дома со 4:0 го растури Лудогорец.

ЛИГА ЕВРОПА, 4.КОЛО

ГРУПА А

ЦФР Клуж – Рома 0:2

ГРУПА Б

Дандалк – Рапид Виена 1:3

ГРУПА Ц

Баер Леверкузен – Хапоел Бер Шева 4:1

Ница – Славија Прага 1:3

ГРУПА Д

Ренџерс – Бенфика 2:2

Стандард Лиеж – Лех Познањ 2:1

ГРУПА Е

Гранада – Омонија 2:1

ПСВ Ајндховен – ПАОК 3:2

ГРУПА Ф

АЗ Алкмар – Реал Сосиедад 0:0

Наполи – Риека 2:0

ГРУПА Ј

Тотенхем – Лудогорец 4:0

НАПОЛИ – РИЕКА

ТОТЕНХЕМ – ЛУДОГОРЕЦ

КЛУЖ – РОМА

РЕНЏЕРС – БЕНФИКА

Барселона продолжува со застрашувачката форма во ЕХФ Лигата на шампионите, забележувајќи го седмиот триумф во седум меча оваа сезона, откако иако потешко од очекувањата со 29:25 (13:12) беа подобри од Кил во дербито.

Ова е неверојатна 20-та победа во низа за Барса во Лигата на шампионите, откако минатата сезона беше прекината, а фајнал-фор турнирот уште не е одигран, и исто така 23-та домашна победа во низа во ЛШ. Во последните пет години, Барса има 40 домашни победи и само едно реми, а последен пораз им се случи на 5 декември 2015, кога Кјелце ги победи со 33:31.

Сепак, тие не успеаја да се одвојат во текот на целиот меч од упорните бундеслигаши, за во последните пет минути да ја направат разликата од четири гола – иако ова е најмала разлика за нив оваа сезона и најмал број на постигнати голови (29).

Лудовик Фабрегас беше најефикасен за „блауграна“ со шест гола, додека по четири уфрлија Макуч, Бенгоечеа и Доленец. За Кил, најдобар беше Миха Зарабец со пет гола.

Ohhhhhhhh @DikaMem with a tasty bit of wrist! 💪@FCBhandbol are starting to turn the screw now… #ehfcl

WATCH: https://t.co/jzBXS7I4nh pic.twitter.com/Pgw9Qclg4n

— EHF Champions League (@ehfcl) November 26, 2020

What a stop! He was player of the match last round and he is in good form again today! @KamKevin (7 saves / 16 shots so far) ladies and gentlemen! @FCBhandbol #ehfcl

WATCH: https://t.co/jzBXS7I4nh pic.twitter.com/0KmI8XbodL

— EHF Champions League (@ehfcl) November 26, 2020

Басконија го одигра најдобриот натпревар оваа сезона за да стигне до своја прва победа над Олимпијакос од 2007 година и серија од 15 порази. Басконија немаше победено во Пиреја од плејоф натпреварот на 7 април таа година, но сега доминираа со 90:76 победа, предводени од Зоран Драгиќ и неговите 18 поени.

Басконија водеше од стартот до финишот на натпреварот, честопати доминирајќи во мечот, посебно во првото полувреме, кога тимот на Душко Ивановиќ имаше 43:21 предност. За Олимпијакос, Костас Слукас и Јоргос Принтезис имаа по 15 поени.

Црвена звезда пак, го одигра можеби најслабиот меч оваа сезона, губејќи дома со 64:75 од Анадолу Ефес, кои беа предводени од фантастичниот повратник Шејн Ларкин, кој имаше 18 поени, покрај Моерман со 17 и Симон со 11. За Звезда, Волден беше најефикасен со само 14 поени.

ЕВРОЛИГА, 11.КОЛО

ЦСКА Москва – Реал Мадрид 74:73 (17:20, 18:18, 23:17, 16:18)

Црвена звезда – Анадолу Ефес 64:75 (14:16, 22:24, 14:27, 14:8)

Жалгирис Каунас – Зенит Санкт Петерсбург 75:83 (15:23, 17:22, 19:21, 24:17)

Алба Берлин – Химки 100:80 (20:24, 30:20, 27:18, 23:18)

Олимпијакос – Басконија 76:90 (15:23, 16:24, 27:20, 18:23)

Макаби Тел Авив – Милано 85:86 (20:18., 15:28, 18:13, 17:11, 15:16)