Спорт
Супер-прослава на 70 години Ф1 – Ферстапен совршен во Силверстоун
Макс Ферстапен и Ред бул стигнаа до сензационална победа на неделната трка која се водеше со официјално име ГП на 70 годишнина на Ф1 на патеката во Силверстоун, за да има совршено честитање на јубилејот на спортот во возбудлива тактичка победа над моќниот Мерцедес, кој пред една недела доминираше.
Знаејќи дека претходната трка беше одбележана со распаѓањето на гумите поради која Хамилтон со „три тркала“ влезе на целта, Мерцедес се решија на трка со две влегувања во боксот, додека Ферстапен излезе со „средни“ гуми и затоа немаше проблем да стигне до победата, која доаѓа во момент кога се сметаше дека Мерцедес се непобедливи. Ферстапен првпат дојде во водство во 28. минута, кога го претекна Валтери Ботас, и осигура славна победа во трка во која на стартот беше само четврти.
Ботас, кој неодамна го продолжи договорот со Мередес за 2021, ја загуби пол-позицијата, но и второто место, откако Луис Хамилтон го помина на три круга пред крајот.
Шарл Леклер беше четврт за Ферари (исто така со едно влегување во боксот), пред вториот возач на Ред бул, Алекс Албон, Ленс Строл во Рејсинг поинт и Нико Хилкенберг, кој враќањето во Ф1 го прослави со седмото место. Во поени беа и Окон и Норис, додека тажна трка имаше Себастијан Фетел со 12. место, а поранешниот шампион Кими Раиконен во Алфа Ромео беше само 15.
LAP 28/52
Verstappen wastes no time hunting down Bottas and he’s past the Finn on the same lap! #F170 ?? #F1 pic.twitter.com/LmroY2Nr7C
— Formula 1 (@F1) August 9, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шајб победи во велеслаломот во Солден
Со трката во велеслалом во женска конкуренција, во Солден започна новата сезона во Светскиот куп во алпско скијање.
На домашен терен, во рпвата трка во сезоната победи Јулија Шајб. Австријската скијачка доминираше и ја доби оваа трка со голема разлика. Вкупното време изнесуваше 2:16.51.
Второто место го освои Американката Паула Молцан со заостанување од 58 стотинки, а третата беше Швајцарката Лара Гут-Бехрами со секунда и 11 стотинки заостанување.
Утре во истата дисциплина ќе биде отворена сезоната и во машка конкуренција.
Foto/ EPA
Спорт
Сонот за медал е жив, „Алкалоид“ на чекор до остварување на целта
Шахистите на ШК Алкалоид влегуваат во последното 7. коло на Европскиот клупски куп кој се одржува на грчкиот остров Родос со реални шанси за освојување медал!
Во шестото коло ШК Алкалоид играше со вториот непоразен тим на турнирот, СуперЧес од Романија, за кој настапува светскиот првак Гукеш. Токму тој ја направи единствената победа на првата табла против Еригаиси, додека другите пет меча завршија со реми.
– Белите фигури треба да донесат некаква предност во ваквите мечеви, а тоа му успеа на Гукеш во Гринфелдова одбрана. Светскиот првак успеа во системот на отворање да го наведе Еригаиси во непознати води и ја презема иницијативата. На крајот, заслужена победа за СуперЧес, а ние се мобилизираме за следниот меч, кој ќе биде последен на турнирот, – изјави ВМ Влатко Богдановски.
Другите играчи на романскиот тим немаа успех со белите фигури заради солидните одбрани на Јангји Ју и Александар Инѓиќ на третата и петтата табла.
Од друга страна, на втората табла Ји Веи не успеа да ја пробие сицилијанската одбрана на Јорден ван Форест, а најинтересна беше партијата на четвртата плоча каде Читамбарам Аравинд играше против поранешниот европски првак, Алексеј Сарана. При отворањето, иднискиот велемајстор дојде во изгледна позиција, но потоа во комплицираната средишница Сарана се снајде и прејде во напад, но на крајот партијата заврши со реми. Пуранек на шестата табла исто така успеа да направи мал плус на старт од дуелот со Даниел Дарда, но во четвртиот час од играта превиде пешак, по што грчевито се бореше да воспостави рамноправна позиција и да ремизира. СуперЧес на овој начин стигна до минимална победа од 3,5:2,5 и останува единствена екипа со максимален учинок, 12 бода од 6 рунди. Унгарскиот клуб Нагиканижаи го доби дуелот на втората табла со Туркиш Ерлајнс и во моментов е втор со 11 поени, а утре ќе излезе на мегдан со првопласираните. Победникот од нивниот дуел ќе биде крунисан како нов шампион на Европа.
ШК Алкалоид во моментов е на делба на третото место, заедно со уште четири други екипи. Со победа во 7. коло македонскиот шампион останува кандидат за медал, а противник ќе им биде седмиот носител, израелскиот клуб Ришон Ле Цион, предводен од ветеранот Борис Гељфанд и Максим Родштајн (кој оваа година беше на делба на врвот на индивидуалното европско првенство во шах, но поради послаби „тај-брејк“ критериуми беше третопласиран).
Последното 7. коло започнува еден час порано, во 14 часот по локално време. Извесно е дека со победа ШК Алкалоид би освоил медал, но од другите резултати ќе зависи дали тоа ќе биде сребро или бронза.
(ПР)
Спорт
Вест Хем израмни негативен рекорд
Катастрофалната сезона на Вест Хем продолжи во петокот вечерта со поразот од Лидс (2:1). Официјално ова е најлошиот почеток на сезоната на „Чеканите“ во последните 52 години.
Вест Хем го забележа третиот пораз во низа, а Нуно Еспирито Санто нема победа откако ја презеде функцијата од Греам Потер. Вест Хем е на 19-то место на табелата, со само една победа, едно реми и седум порази.
Со вкупно четири бода во првите девет кола, Вест Хем ги изедначи двете најлоши сезони во историјата на клубот, во иста ситуација клубот беше во сезоните 1932/33 и 1973/74.
Интересно единствената победа во Премиер лигата, Вест Хем ја забележа против Ноингем Форест на чија клупа тоггаш седеше токуму Еспирито Санто.
Португалецот ја започна својата работа на клупата на „Чеканите“ со реми со Евертон, и оттогаш се мачи да најде одговори за сите проблеми.
Еспирито Санто е првиот тренер на Вест Хем кој не успеа да забележи победа во првите четири натпревари во Премиер лигата откако Мануел Пелегрини се најде на истата позиција во септември 2018 година.

