УФЦ шампионот во лесна категорија, Хабиб Нурмагомедов ја откри гласовната порака која Златан Ибрахимовиќ му ја пратил пред мечот со Џастин Гетџи во октомври, откривајќи дека добил покана да биде гостин на Милан, но и на турскиот гигант Фенербахче.

Ибрахимовиќ е огромен фан на ММА борбите, а и самиот тренира таеквондо, и затоа му пратил мотивациска порака на Хабиб.

„Ако се чувствуваш млад, тогаш си млад. Ако тренираш напорно, тренираш напорно. И ако знаеш дека си подобар од другите, тогаш си подобар од другите. Само треба да го направиш тоа. Луѓето зборуваат кога си број 1. Само сакаат да најдат нешто против тебе. Секогаш е истото ср.ње“, вели Златан во пораката.

 

View this post on Instagram

 

A post shared by Евгений Савин (@sava9)

НБА легендата Шекил О’Нил беше однесен со амбулантно возило откако во неговиот експлозивен прв меч во кечерската серија АЕВ Дајнамајт, беше фрлен во маса и на крајот мораа да му ги подвиткуваат колената за да го собере во амбулатнтното возило.

Легендата на Лос Анџелес лејкерс и Мајами хит, заедно со Џејд Кардил влегоа во рингот против Коди Роудс и Ред Велвет во Џексонвил, Флорида и иако неговиот тим замина со победа, 48-годишниот Шек доби силен удар додека стоеше на јажињата и потоа беше забележан како го поставуваат во амбулантно возило.

Пред мечот, тој беше оптимист.

„Не сум професионален кечер, но сум бил во мечеви претходно. Имам доста добри потези. Не сум акробат и нема да скокам од јажиња, но тука сум со моќната игра. Ќе ја покажам таа моќ“, изјави Шекил.

Please send our condolences to the tables #AEWDynamite pic.twitter.com/OFY9v94zWw

— All Elite Wrestling on TNT (@AEWonTNT) March 4, 2021

Cracking up at Shaq having to bend his knees so they could close the ambulance door pic.twitter.com/T7blaZWLVY

— CJ Fogler #BlackLivesMatter (@cjzero) March 4, 2021

Кошаркарот на Портланд Треилблејзерс, Демијан Лилард помина низ голема трагедија во последниот период затоа што остана без шест членови на семејството.

Во отворен разговор за „Atletik“ Лилард зборуваше за емотивниот губиток во изминатите 18 месеци.

Починала тетка му од рак, братму Брендон починал минатиот мај, а Демијан бил тој кој го пронашол. Останал без уште еден близок роднина во јануари. Двајца негови роднини се убиени, а уште еден починал минатата недела.

„Беше ова тешка година ипол за моето семејство. Луѓето не знаат за тоа. Стоев покрај мртвите тела на роднините. Луѓето не знаат каква траума е тоа. Се уште не можам да излезам на крај, се борам, но навистина е тешко. Кога го имате во предвид сето она низ што семејството поминува, се обидувате да си ставите во главата дека кошарката е најважната работа во тие моменти“ истакна Лилард.

Кошаркарот рече и дека се чувствува како да има 45 години со оглед на фактот што се видел во животот, а себе си не се смета за емотивна личност.

Светлото на крајот на тунелот се неговите деца. Во јануари добил близнаци, син и ќерка. Тие му се придружиле на две ипол годишниот Демијан Јуниор.

„Две нови личности дојдоа, а неколку си отидоа…“ рече кошаркарот.