Спорт
Суперлигата ја напушти и главниот финансиер

Американската банка, Џеј-Пи Морган, едена од најмоќните финансиски институции во светот, се повлече од европската Суперлига.
„Очигледно е дека погрешно ја проценивме ситуацијата“, известиле од банкарскиот гигант, кој требаше да биде главниот финансиер на експресно пропадната Суперлига.
Њујорк тајмс, објави дека Џеј-Пи Морган, требаа да го финансираат проектот со 3,5 милиојарди евра. Секој од клубовите за влез во Суперлигата требало да добие по 350 милиони евра. Ова е четири пати поголема сума, од онаа што ја доби Баерн Минхен кога лани ја освои титулата во Лигата на шампионите.
Европската Суперлига, во неделата, ја формираа три шпански (Реал, Атлетико, Барселона), три италијански (Јувентус, Интер, Милан) и шест англиски клуба (Челси, Арсенал, Тотенхем, Манчестер јунајтед, Манчестер сити, Ливерпул).
Под притисок на навивачите, јавноста и некои Влади, најпрвин Суперлигата ја напуштија клубовите од Англија, а потоа истото го направија Милан, Атлетико и Интер.
Споменатите 12 клубови, заедно со уште три засега неименувани клуба, требаа да му се приклучат на проектот, со кој би управувале 15 клубови. Дополнителни пет клуба, според резултатите во националните првенства, би добиле покани да учествуваат во Суперлигата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
УЕФА жестоко го казни Малме

Дисциплинската и етичка комисија на Европската фудбалска унија (УЕФА) објави дека го казнила Малме со вкупно 110.000 евра поради инцидентите што ги предизвикале навивачите на шведскиот клуб за време на натпреварите против Копенхаген во третото коло од квалификациите за Лигата на шампионите (ЛШ).
На 5 август, фудбалерите на Малме и Копенхаген одиграа без голови во Шведска во првиот натпревар од третото квалификациско коло за Лигата на шампионите на УЕФА. Во соопштението на УЕФА се наведува дека шведскиот клуб е казнет со вкупно 50.000 евра затоа што навивачите палеле факели и ги затворале приодите за време на натпреварот со Копенхаген.
Исто така, Малме доби условна забрана од две години да ја затвори северната трибина во следниот натпревар како домаќин во европските клупски натпреварувања.
УЕФА изјави дека навивачите на Малме предизвикале инциденти и на реванш натпреварот против Копенхаген (0:5), кој се одигра на 12 август во Данска. Малме е казнет со 60.000 евра затоа што неговите навивачи фрлале предмети, кршеле столчиња и палеле факели за време на натпреварот против Копенхаген.
Исто така, шведскиот клуб доби двегодишна условна забрана за продажба на билети на своите навивачи за следната посета на натпреварите на УЕФА.
Спорт
Лидс потроши 20 милиони евра за напаѓач што минатата сезона постигна ниеден гол

Фудбалерот Ноа Окафор потпиша четиригодишен договор со Лидс. Швајцарецот (25) доаѓа од италијанскиот Милан и може да игра на двете крилни позиции, но и како централен напаѓач доколку е потребно.
Лидс му плати на Милан 20,5 милиони евра, а Окафор доби договор вреден 2,4 милиони евра по сезона до 2030 година.
Окафор постигна само еден гол со две асистенции на 21 натпревар во сите натпреварувања минатата сезона.
Окафор ја започна својата кариера во Швајцарија во Базел, каде што беше прогласен за најдобар млад играч на Суперлигата.
Потоа се пресели во Салцбург, каде што одигра повеќе од 100 натпревари во сите натпреварувања и постигна 57 гола.
Спорт
Милвоки донесоа засилување од Лос Анџелес

Поранешниот кошаркар на Лос Анџелес Клиперс, Амир Кофи, е нов играч на Милвоки, објави франшизата од Висконсин.
Овој 28-годишен крилен кошаркар ја помина целата своја НБА кариера со Клиперс. Своите најдобри натпревари ги имаше минатата сезона, кога играше во просек 24,3 минути, постигнувајќи 9,7 поени по натпревар.
Кофи, одигра вкупно 72 натпревари за Клиперс минатата сезона, забележувајќи 2,2 скока и 1,1 асистенција, додека шутираше со 47,1 процент од поле и одлични 40,9 проценти за три поени.
Во текот на својата кариера, Кофи има просек од 6,7 поени, 1,9 скока и 1,1 асистенција по натпревар.
Минатата сезона, Милвоки го заврши натпреварувањето во НБА лигата во првото коло од плејофот, со поразот во серијата против Индијана.