Спорт
Сузи Волф поведе постапка против ФИА – негира дека споделувала информации со Тото
![](https://makfax.com.mk/wp-content/uploads/2024/03/FLNLDSEFSBPV3PMQBOG5IZA5TQ.jpg)
Директорката на женската академија на Формула 1, Сузи Волф, покрена правна постапка против Меѓународната автомобилистичка федерација (ФИА) поради контроверзна истрага за конфликт на интереси.
Сузи Волф е директорка на женската академија и директно му одговара на претседателот Стефано Доменикали. Нејзиниот сопруг Тото Волф е директор и косопственик на Формула 1 тимот на Мерцедес и спортски директор на Мерцедес.
Бизнис магазинот Формула 1 објави во декември дека шефовите на тимовите во Формула 1 се загрижени дека Сузи и Тото Волф споделуваат доверливи информации од нивните работодавци.
Наводно, на една средба Волф кажал доверливи информации што може да ги добие од сопругата.
Волф рече дека поднела кривична пријава до францускиот суд поради изјавите дадени за неа од ФИА минатиот декември.
„Допрва треба да има каква било транспарентност или одговорност во однос на однесувањето на ФИА и нејзиниот персонал во ова прашање. Чувствувам дека е поважно од кога било да се крене, да се повика на недолично однесување и да се осигура дека луѓето ќе одговараат. некои мислат дека молчењето ги ослободува од одговорност – не ослободува“, рече Волф, пренесе Би-би-си.
Волф додаде дека тужбата ја поднела на 4 март во Франција.
ФИА ја затвори истрагата во декември, два дена по нејзиното покренување, и објави дека е задоволна што Формула 1 има мерки за заштита од овие проблеми.
Сите Формула 1 тимови потоа се координираа преку социјалните мрежи да објават соопштение во кое ги отфрлија наводите дека поднеле жалба против сопружниците на Волкот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Пикси: Не бевме вреќа за удирање
![](https://makfax.com.mk/wp-content/uploads/2024/06/12326792.jpg)
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
![](https://makfax.com.mk/wp-content/uploads/2024/06/12327019.jpg)
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
![](https://makfax.com.mk/wp-content/uploads/2024/06/12326963.jpg)
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.