Македонија годинава доби нов европски шампион во мотоциклизам – Петар Мијалков, кој со посветена работа и дисциплина се искачи на врвот на БМУ Европскиот шампионат.

Со константни настапи и стабилни резултати, Мијалков обезбеди едно од најзначајните достигнувања за македонскиот мото спорт. Во негова чест, во Штип беше организиран свечен шампионски круг, на кој љубителите на мотоциклизмот му оддадоа признание за европскиот успех. Минатиот месец, по повод 8 Ноември – Денот на ослободувањето на Штип, доби и специјална награда и признание од градоначалникот Александар Јорданов и од Градот Штип, како благодарност за промоцијата на градот на меѓународната сцена.

Кој е Петар Мијалков?

Мијалков ја развива љубовта кон мотоциклизмот од најрана возраст. Иако интересот постоел долго време, финансиските услови го одложиле неговиот влез во спортот. Во 2017 година го купува првиот мотор и започнува да вози на улични патеки, а подоцна ги обезбедува потребните средства за тренинг на вистинска тркачка патека. Во 2023 година официјално влегува во светот на натпреварувањето.

Активно се натпреварува три години. Во 2024 година ја освојува првата голема титула – БМУ Европски вицешампион и државен шампион на Македонија. Во 2025 година ги освојува највисоките места и на БМУ Европскиот шампионат и на Државниот шампионат.

Надвор од патеката, Мијалков е посветен на семејството. Во брак е три години со сопругата Стефанија и има син, Драган. Семејството очекува нов член, што, како што вели Мијалков, претставува дополнителна мотивација во неговата спортска кариера.

Еурофарм Пелистер загуби во Лигата на шампионите од бранителот на титулата, Магдебург 26:31 (12:15). Македонскиот шампион остана на две победи, против Магдебург го забележа седмиот пораз оваа сеозна. Магдебург во девет натпревари има исто толку победи.

Пелистер скапо ја продаде кожата против, во овој момент најдобриот тим во светот. Играчите на магдебург отворија со предност 1:4, Пелистер не им дозоволи премногу да се одлепат, некако држеше приклучок. Во финишот на првиот дел Германците стекнаа шест гола предност, но Пелистер го заврши првиот период со три гола (12:15).

По слилно сценарио се играше и во вториот дел, Магдебург рутински ја одржуваше разликата и на крајот заслужено победи.

Голманот Митревски со 11 одбрани беше најдобар во редовите на Пелистер. Стрелците ги предводеа крилата Манаснов и Радивојевиќ со по пет гола.

EPA/GEORGI LICOVSKI

Атлетико Мадрид ја забележа третата победа во Лигата на шампионите, воедно му го нанесе првиот пораз на Интер во елитното натпреварување. „Јорганџиите“ во Мадрид славеа победа со 2:1, со голот на Хозе Марија Хименез во 93-та минута.

Интер има за што да жали, еден час доминираше на „Метрополитано“, но таквата игра му донесе само еден гол. Атлетико го засили темпото од 55-та минута и на крајот ризикот им се исплатеше.

Со малку среќа, Атлетико од првата опасна акција постигна гол во деветтата минута преку Хулијан Алварез. Чоло Симеоне потоа ги повлече своите фудбалери, кои се бранеа во низок блок.

Одбраната на Атлетико ја проби Пјотр Зјелински во 54-та минута. До 60-та минута Диего Симеоне ги изврши сите измени, Атлетико ја презеде контролата врз играта и на рајот успеа да победи буквално од последниот напад со голот на дефанзивецот Хименез.

Исклучително интересен натпревар одиграа Олимпијакос и Реал Мадрид. Славеа гостите од Мадрид со 4:3.

Херој на „кралскиот клуб“ беше Килијам Мбапе, стрелецот на сите четири гола. Францускиот ас постигна хет-трик за само шест мунути и 42 секунди, кога ја понипти предноста до која дојде Олимпијакос со голот на Чикиња.

По водството на Реал 1:4, по гол постигнаа Тареми и Ел Каби, но Олимпијакос немаше сили да дојде барем до еден бод.

Фудбалерите на Пари Сен Жермен, во спектакуларен меч го победија Тотенхем со 5:3.

Херој на победата на актуелните европски шампиони беше португалскиот играч од средниот ред Витиња, кој постигна три од петте гола на својот тим.

Тотенхем два пати водеше со головите на Ришарлисон и Коло Муани, а ПСЖ се враќање во мечот со головите на Витиња. Потоа за „светците“ погодија Фабијан Руиз и Пачо. Коло Муани со својот втор гол ја врати неизвесноста, но Витиња со третиот гол ги реши дилемите околу конечниот победник.

До крајот на натпреварот, домашниот тим остана со еден играч помалку, откако Лукас Ернандез доби директен црвен картон во судиското продолжение.