Еден од најдобрите шахисти на сите времиња, Норвежанецот Магнус Карлсен, ремизираше во специјална онлајн партија против 143.000 играчи од целиот свет што траеше 46 дена.

Дуелот „Карлсен против светот“ започна на 4. април под покровителство на „chess.com“, а секоја страна имаше 24 часа да помести по една фигура.

И додека светскиот шампион од 2013 до 2023 година играше сам, неговите противници од целиот свет ги одлучуваа своите потези со гласање.

„Од самиот почеток, светот играше многу, многу добар шах. Можеби не избирајќи ги најсигурните опции, туку држејќи се повеќе до нормалниот шах, што не е секогаш најдобрата стратегија, но овој пат се покажа добро“, рече Карлсен.

„Кратко по отворањето, се чувствував малку подобро, но искрено, не ми дадоа шанса после тоа“, додаде тој.

Првата онлајн шаховска партија помеѓу велемајстор и светот се одржа во 1999 година, кога поранешниот светски шампион Гари Каспаров победи повеќе од 50.000 играчи по четири месеци, нарекувајќи ја „најдобрата партија во историјата на шахот“.

Индиецот Ананд го стори истото против речиси 70.000 играчи минатата година.

Реал Мадрид е сериозно заинтересиран да го доведе хрватскиот фудбалер Анте Будимир од Осасуна.

Како што објавија шпанските медиуми, новиот тренер на „кралскиот клуб“ Чаби Алонсо веќе го идентификувал Будимир како една од своите први мети во летниот преоден рок, со цел правилно да ја примени „формула Хоселу“ од минатата сезна, односно да доведе напаѓач кој може да доминира од клупата во клучните моменти.

Идејата на Реал е Килијан Мбапе, Винисиус и Родриго да бидат првите опции во нападот, а Алонсо наводно сака да има на располагање напаѓач со силно чувство за гол, физичко присуство и квалитетна игра со глава.

„Ќе играме според правилата. Ќе го продадеме Будимир само ако некој ја плати неговата откупна клаузула од 20 милиони евра. Нема преговори, нема попусти“, изјавиј претседателот на клубот Луис Сабалза.

Анте Будимир оваа сезона во Осасуна игра во неверојатна форма, тој е трет најдобар стрелец во Ла Лига со 21 гол, веднаш зад Мбапе и Роберт Левандовски.

Извор/ ffm.mk

Вардар и Струга Трим Лум утре од 20:00 часот на Националната арена „Тодор Проески“ во Скопје ќе се соочат во рамките на новото финале од Купот на Македонија.

На денешната прес-конференција, тренерите и капитените на двата тима ги споделија своите очекувања во пресрет на утрешното финале.

Илчо Ѓорѓиоски – шеф на стручниот штаб на ФК Струга Трим Љум:

– Финале на Куп пред почетокот на сезоната го посакуваат сите, ова е натпревар кој се чека цела сезона. Ние ќе бидеме дел од овој меч, а сакаме да го освоиме ова натпреварување. Струга е релативно млад клуб, во своето постоење има две титули и загубено финале на Купот. Сега имаме втора шанса, сакаме да го донесеме трофејот во Струга. Како тим дефинитивно сме подготвени, желни и мотивирани за утрешниот натпревар. Имаме доволен број на квалитетни и искусни фудбалери кои знаат да се носат со предизвикот.

-Според мене, Вардар е фаворит на утрешниот натпревар. Многу го ценам овој клуб, како играч и тренер освојував титули, тоа е мој клуб. Сепак, дефинитивно сакам да победам во ова финале. Вардар ќе игра пред свои навивачи, ама ние сме подготвени да одговориме на секој предизвик. Ќе влеземе во средбата за да ја добиеме. Вардар е анализиран. тие направија конкурентен тим и низа победи, па имаат максимален респект од наша страна. Знаеме што сакаме и како треба да ја достигнеме зацртаната цел.

-Мислам дека Вардар е подготвен да го даде максимумот во финалето. Знаеме дека пред себе имаме незгоден ривал кој лани беше првак. Ние се гледаме самите себеси. Толку време Вардар го чека ова финале, па ќе дадеме максимум на овој добар терен и со помош од публиката да ја оствариме целта оваа полусезона. Сакаме да продолжиме со добрите резултати од последните месеци и да го освоиме Купот, иако сме свесни дека нема да биде лесно. Ако играчите одиграат како во претходните шест месеци, се надевам дека трофејот ќе дојде во нашите витрини. Знаеме каде беше Вардар во првата полусезона, ама со макотрпна работа стигнавме до петтото место. Мислам дека го заслуживме тоа, а сакам да го заокружиме добриот ритам и утре#, рече Илчо Ѓорѓиоски тренерот на Струга ТЛ.

Вардар најтрофејниот македонски клуб, 18 сезони чека на трофеј во Купот на Македонија.

„Секој натпревар во овие месеци зад нас беше финале, а ова е друг меч и постои притисок. Свесни сме сите, играчите ако го дадат максимумот мислам дека можеме до успех. И ние, но и Струга го заслужуваме ова финале. Се надевам на добра игра, фер и коректно, во добро светло да се прикажеме и да се радуваме. Домашниот терен е предност, знаеме што значи Вардар во Македонија и сигурно ќе има доста публика во Скопје. Ова е финале, двата тима мора да се фокусирани на својата игра. Струга е квалитетен ривал и заслужува респект, ама мора да ја одработиме уште оваа средба во свој стил“, рече тренерот на Вардар, Гоце Седлоски.