Спорт
СЗО до УЕФА: Не играјте фудбал во наредните 18 месеци
Светската здравствена организација (СЗО) и УЕФА преку видео-линк одржале состанок кој траел два и пол часа. „Ла Република“ тврди дека СЗО препорачале фудбалските натпреварувања на репрезентативно и клупско ниво да бидат прекинати во наредните 18 месеци.
Фудбалската сезона е ставена во мирување поради коронавирусот. Досега само во Белгија прогласија крај на сезоната, а тоа ќе се случи и во Холандија откако владата на оваа држава ги забрани сите спортски активности до 1 септември.
СЗО на челниците на УЕФА им препорачале да ги суспендираат сите клупски и репрезентативни активности до крајот на 2021 година.
Од Светската здравствена организација стравуваат дека вториот бран на коронавирусот може да биде многу полош од првиот.
„На есен се очекуваат нови посериозни бранови на коронавирусот во Европа. Патувањето на клубовите од една во друга земја, особено тоа важи за масовните гостувања на навивачите, би придонеле за побрзо ширење на вирусот“, пишува „Ла Република“.
Доколку УЕФА ги прифати препораките на СЗО тоа ќе има катастрофални финансиски последици за многу клубови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мурињо оди во Истанбул, но не во Фенербахче туку во Бешикташ
Жозе Мурињо, еден од најтрофејните тренери во историјата, е многу блиску до преземање на Бешикташ. Ова го пишуваат турските медиуми, а го потврди и претседателот на клубот од Истанбул.
„Го контактиравме Мурињо. Тој е подготвен да дојде во нашиот клуб. Договоривме нов состанок следната недела во Италија. Финансиските детали од договорот се решени”, изјави Хусеин Јуџел, претседател на Бешикташ.
Мурињо неодамна беше поврзуван со Фенербахче, но Бешикташ очигледно е далеку поконкретен. Тој клуб и оваа сезона ги разочара своите навивачи, далеку е зад најголемите ривали Галатасарај и Фенербахче.
Доколку дојде Мурињо ќе треба да се вмеша во борбата за титулаѕа, која последен пат Бешикташ ја освои пред три години.
Славниот Португалец е без работа од јануари кога доби отказ од Рома поради лошите резултати.
Спорт
Ферстапен најбрз во Имола
Макс Ферстапен во Имола ја забележа 59.победа во кариерата. Актуелниот светски првак триумфираше на трката за Големата награда на Емилија Ромања. Покрај Ферстапен место на победничкиот подиум изборија Ландо Норис (Мекларен) и Шарл Леклер (Ферари).
Траката во Имола речиси и да не донесе никакви возбудувања. На почетокот во првите 10 кругови Пасјтри се обидуваше но не успеа да го мине Карлос Санц на четвротто место. Она што не на младиот Австралиец му успеа на патеката му успеа низ боксот.
Мала незивеснот имаше во последните седум круга, кога Ферстапен се пожали на проблеми со пенвматиците. Норис тоа го искористи, разликата од седум секунди ја намали на седум десетинки, но не дојде во позиција за напад.
Покрај најдобрите тројца бодови во Имола освоија Пјастри, Саинц, Хамилтон, Расел, Перез, Строл, и Цунода.
Шампионатот во Формула 1 продолжува наредниот викенд со трката за Голмата награда на Монако.
Спорт
(Видео) Каљари избори опстанок во Серија А
Фудбалерите на Сасуоло загубија на домашен терен од Каљари со 2:0. Екипата од Сардинија, која од клупата ја предводи Клаудио Раниери де на коло пред крајот дефинитивно обезбеди опстанок во Серија А.
За разлика од Каљари, Сасуоло во последното коло гостува кај Лацио, а ниту победа не му гарантира опстанок.
До победата Каљари го предводеа Матео Прати, кој ја погоди мрежата на домаќините во 72. минута и Џанлука Лападула, кој погоди од пенал во судиското надополнување.
Ова беше прва победа на Каљари по пет кола.
Тимот од Сардинија сега има четири бода повеќе од Фросиноне и Емполи, а седум бода повеќе од Сасуоло пред последниот натпревар сезонава.
Тимот предводен од Клаудио Раниери од клупата ќе ја пречека Фиорентина во последниот натпревар од сезоната.