Спорт
Спарси ја пензионираа „деветката“ на Тони Паркер (Видео)
Изминатата ноќ по натпреварот помеѓу Сан Антонио и Менфис, франшизата од Тексас му се заблагодари на Тони Паркер за сè што постигнал во кариерата со овој тим. Сан Антонио Спарс ја повлекоа „деветката“ на Паркер.
Како што велат Американците Тони Паркер сега е „бесмртен“. Неговото име и бројот на дресот засекогаш ќе стојат под сводовите на арената во Сан Антонио. Со повлекувањето на „деветката“ на паркер, Спарси ги направија „бесмртни“ тројцата клучни играчи во шампионската династија на оваа франшиза.
Претходно таа чест во Сан Антонио ја имаа Ману Џинобили и Тим Данкан.
Тони Паркер во НБА лигата влезе во 2001 година како 28 пик на драфтот. До 2018 година го носеше дресот на Сан Антонио, а последната сеозна во кариерата )сезона 2018/2019) ја одигра во Шарлот Хорнетс.
Со Спарс францускиот репрезентативец освоил четири шампионски трофеи во НБА лигата (2003, 2005, 2007, 2014). Во 2007 година е прогласен за МВП на финалната серија. Пест пати настапил на Ол-стар натпреварот.
"Thank you for everything you've done for our organization. I love you."
Coach Pop to @tonyparker. #MerciTony pic.twitter.com/xYummOYYsv
— San Antonio Spurs (@spurs) November 12, 2019
It's official!@tonyparker's No. 9 jersey will live on in the rafters forever. #MerciTony pic.twitter.com/DNqrnZLRew
— San Antonio Spurs (@spurs) November 12, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.
Спорт
Надал: Ако немам чувство дека можам да се натпреварувам тогаш нема да играм на РГ
Шпанскиот тенисер Рафаел Надал, по Мастерсот во Рим, ќе донесе одлука дали ќе настапи на вториот гренс слем во сезоната, Ролан Гарос.
Рафа моментално се наоѓа во Мадрид, каде во првото коло убедливо славеше во дуелот со 16-годишниот Американец Дарвин Бланш.
„Реален сум за тоа што се случува. Искрено, играв против играч кој направи многу грешки и ми ги олесни работите. Со најголема почит кон играчот кој има голема иднина, тој направи многу грешки и мечот траеше само еден час. Ова нема да ги смени моите размислувања за Ролан Гарос. Овде нема да донесам никаква одлука, по Мастерсот во Рим ќе ја донесам конечната одлука. Не зборувам за победите, туку за чувството дека можам да дадам се од себе и дека можам да се натпреварувам. Мислам дека ова е логично по се што направив во Париз“, изјави Надал.
Негов следен ривал ќе биде Алекс де Минор, кој го елиминира минатата недела во Барселона.
Спорт
Бруно Гимараеш има посебна клаузула во договорот која важи до 30 јуни
Играчот од средниот ред на Њукасл, Бруно Гимараеш е на мета на бројни клубови, а тој има посебна клаузула во договорот.
Како што откри трансфер-инсајдерот, Фабрицио Романо, од последната недела на мај до крајот на јуни, Гимараеш има откупна клаузула од 100 милиони фунти или 116 милиони евра.
Доколку Бразилецот се договори со некој клуб и тој клуб ја плати сумата, Њукасл ќе биде принуден да го пушти.
Во моментов не се знае дали некој клуб е подготвен да потроши толку пари, но веќе е познато дека ПСЖ покажува интерес за бразилскиот репрезентативец.
Прашање е само дали е реално еден ваков трансфер да се случи пред официјалниот почеток на летниот преоден рок.
Летниот преоден рок стартува на 1 јули.