Спорт
Тадиќ: Изгледа премногу сум го гледал Зидан
Ајакс синоќа го декласира европскиот првак Реал. Среде Мадрид, холандскиот тим, победи 4.1 и се пласираше во четврт-финалето во лигата на шампионите. Фудбалскиот свет е воодушевен од играта на Ајакс и нејзниот лидер Душан Тадиќ.
Српскиот репрезентативец беше асистент за првите два гола, го постигна третиот, а тој го изнуди фаулот по кој Шене ја заби последната шајка во ковчегот на „кралскиот клуб“.
Спектакуларен беше потегот на Тадиќ, кога со ролинг се ослободи од Каземиро, а потоа со прецизно додавање го „спои“ Нерез со голот.
„Веројатно сум гледал премногу снимки со најдобрите потези на Зидан. Секогаш Зидан беше мојот омилен играч. Се што правеше беше посебно. Игравме против најдобриот тим на планетата. Голема работа е што ги победивме на ваков начин. Токму поради вакви натпревари потпишав за Ајакс. Кога играме тимски тогаш можеме да направиме големи работи. Сега само треба да продолжиме да играме вака“, рекол Тадиќ.
Ајакс прв пат по сезоната 2002/2003 избори пласман меѓу најдобрите осум екипи во Лигата на шампионите.
Dušan Tadić: "Zidane was always my favourite player. Maybe I was watching too many of his clips." pic.twitter.com/8fqayL2isy
— Mohamed Moallim (@iammoallim) March 5, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Аталанта избори место во ЛШ
Аталанта следната сезона ќе игра во Лигата на шампионите. Тимот од Бергамо на тој начин им се приклучи на Интер, Милан, Јувентус и Болоња со оглед дека Италија ќе има пет претставници во елитата.
Аталанта во претпоследното коло победи во Лече со 2:0.
Гостите пропуштија можности преку Пашалиќ во шестата, Скамака во 27. кога ја погоди гредата, Запакоста во 39. минута …
Сепак, во вториот дел, тимот од Бергамо постигна два гола, поведе преку Де Кетеларе во 48. минута, а само пет минути подоцна Скамака го постави конечниот резултат.
На две кола пред крајот Аталанта има шест бода повеќе од шестопласираната Рома, но и подобар меѓусебен скор, па теоретски си го обезбедија пласманот во Лигата на шампионите, додека Лече е во сигурната зона.
Спорт
Шампионот загуби од Шкупи, Шкендија избори квалификации во КЛ, Вардар ќе игра бараж за опстанок
Фото/ fcstruga.com
Спуштена е завесата на сезоната 2023/2024 во Првата македонска фудбалска лига. Струга ја одбрани титулата, а второто место го освои Шкендија.
Струга во претходното коло, со победата над Шкендија ја одбрани титулата, па за овој тим дуелот со Шкупи на домашен терен немаше никаква важност. Шкупи победи во Струга со 2:1.
Головите за Шкупи ги постигнаа Рамани во деветата и Аворњо во 51 минута. Голот за шампионот го постигна Шабани во 30. минута. изедначи на 1-1.
Шкендија во Скопје го победи Работнички со 2:0. Стрелци беа Красниќи во 34. минута и Аганспахиќ во 72. минута. Со овој триумф Шкендија се избори за место во квалификациите за Конференциската лига.
Од лигата испаднаа Брегалница и Македонија ЃП, а бараж за опстанок ќе игра Вардар.
Резултати, 33. коло:
Струга Трим Лум – Шкупи 1-2
Работнички – Шкендија 0-2
Вардар – Тиквеш 2-2
АП Брера – Македонија ЃП 5-3
Брегалница – Силекс 1-1
Воска спорт – Гостивар 1-1
Табела:
Спорт
(Видео) Марко Ројс со гол се прости од „Вестфален“
Легендата на Борусија Дортмунд, Марко Ројс постигна гол на својот последен натпревар за „милионерите“ во Бундеслигата.
Тимот од „Вестфален“, го пречека тимот од Дармштад кој одамна испадна од Бундес лигата и славеше со 4:0.
Ројс не можеше да има подобро збогување од навивачите. го постигна вториот гол во 18.минута.
Марко Ројс својот последен меч за Борусија Дортмунд ќе го одигра на „Вембли“, кога „милионерите“ во финалето на Лигата на шампионите ќе се сретнат со Реал Мадрид.
MARCO REUS https://t.co/v1V07JgTsH pic.twitter.com/tuK5kmytzp
— MUFTI MESSI🇰🇲 (@FahadPulga) May 18, 2024