Спорт
Тајсон: Фјури е најдобриот боксер во светот

Поранешниот шампион во тешка категорија, Мајк Тајсон изјави дека Тајсон Фјури во моментов е најдобриот боксер во светот.
Фјури и Украинецот Oлександар Усик ќе се борат на 17 февруари следната година во Ријад за обединување на сите титули во тешка категорија.
Тајсон објасни дека Фјури имал само лош тајминг против Нгaну.
„Не можеме да заборавиме што направи Фјури против Френсис Нгану, но мора да разберете дека тој се уште е светски шампион. Тој направи одличнo шоу. Му даде шанса на Френсис и тоа беше само еден лош настап за него. Сите имаме лоши моменти“, рекол Тајсон, пренесуваат британските медиуми.
Фјури е шампион во тешка категорија во верзијата ВБЦ, а Усик ги држи шампионските појаси на ВБА, ВБО, ИБФ и ИБО. Победникот на оваа борба ќе биде првиот боксер што ќе ги обедини сите појаси во тешка категорија по Ленокс Луис во 1999 и 2000 година.
„Со нетрпение ја очекувам борбата помеѓу Фјури и Усик. Навивам за Фјури бидејќи мислам дека тој ќе победи. Фјури е најдобриот боксер во светот, особено во тешка категорија. Големите борци губат, големите борци изгледаат лошо, но тоа не ги спречува да бидат големи борци“, рече Тајсон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Трамп ги шокираше сите на сцената по финалето на Светското клупско првенство

Американскиот претседател Доналд Трамп ги изненади сите со потег по финалето на Светското клупско првенство.
Челзи славеше против ПСЖ со резултат од 3:0 во финалето на Светското клупско првенство, а по натпреварот се случи вистинско шоу!
Прво, имаше тепачка во која Луис Енрике го нападна Жоао Педро по натпреварот, а потоа американскиот претседател Доналд Трамп го украде целото внимание.
По натпреварот, се одржа свечена церемонија на доделување индивидуални награди: Роберто Санчез беше прогласен за најдобар голман, Кол Палмер за најдобар играч, а потоа следеше и доделување на победничкиот трофеј.
Трамп им честиташе на играчите на Челзи и им го врачи трофејот, а потоа ги зачуди сите. Сè беше подготвено за прославата, англискиот тим само чекаше Трамп да ја напушти сцената, но тој одлучи да остане.
Колку биле изненадени од потегот најдобро покажува изразот на лицето на Палмер во позадина. Претседателот на ФИФА, Џани Инфантино, исто така се обиде да влијае на Трамп, но американскиот претседател одлучи да остане на сцената…
„Знаев дека ќе биде таму, но не знаев дека ќе остане на сцената кога го кренавме трофејот. Бев малку збунет, да“, призна Палмер пред новинарите по натпреварот.
¡EL CHELSEA ES CAMPEÓN DEL MUNDO! 🏆
NI TRUMP SE QUIERE IR DE LA FIESTA 😅#FIFACWC #TakeItToTheWorld pic.twitter.com/94vKeWmL60
— DAZN Fútbol (@DAZNFutbol) July 13, 2025
Спорт
(Видео) Луис Енрике ја удри ѕвездата на Челзи: скандал по финалето на Светското првенство

Скандалот избувна по финалето на Светското клупско првенство кога тренерот на Пари Сен Жермен, Луис Енрике, го удри Жоао Педро.
Челзи стана светски шампион откако го победи ПСЖ со 3-0 во финалето во Соединетите Американски Држави, а по натпреварот се случија непријатни сцени.
Настана огромна гужва, а најагресивен беше Енрике, кој ја удри ѕвездата на Челзи, Жоао Педро.
За среќа, го задржаа со рацете и спречија поголем инцидент.
The match is over… but the tempers aren’t 👀
Tensions were boiling after full-time.GLOBAL HOME OF FOOTBALL | Live All Summer Long | https://t.co/i0K4eUtwwb | #FIFACWC #TakeItToTheWorld #CHEPSG pic.twitter.com/17yxSzsDF6
— DAZN Football (@DAZNFootball) July 13, 2025
Спорт
Челзи е светски шампион: Англичаните го „згазија“ ПСЖ во историското финале на Светското првенство

Фудбалерите на Челзи станаа светски шампиони откако го победија ПСЖ во финалето на Светското клупско првенство во САД со резултат од 3:0.
Лондонскиот тим ги победи актуелните европски шампиони со головите на Кол Палмер во 22-та и 30-та минута, како и со голот на Жоао Педро во 43-та минута.
FIFA CLUB WORLD CUP WINNERS!!! 🏆 pic.twitter.com/KnbFOjfqzg
— Chelsea FC (@ChelseaFC) July 13, 2025
ПСЖ остана со играч помалку во 84-та минута, откако Жоао Невеш доби директен црвен картон.
Турнирот во САД е прв на кој учествуваат 32 екипи, а на финалниот натпревар присуствуваше и американскиот претседател Доналд Трамп, покрај претседателот на Меѓународната фудбалска федерација (ФИФА), Џани Инфантино.
Финалето беше организирано во духот на Супербоулот (НФЛ), со настапи на бројни музички ѕвезди.
Челзи заработи 35 милиони евра со освојувањето на титулата, додека на ПСЖ му припадна парична награда од 27,1 милиони евра.