Спорт
Тајсон Фјури по десет рунди го принуди Чисора на пораз
Шампионот во тешка категорија во верзијата на Светскиот боксерски совет, Тајсон Фјури, ја одбрани титула против Дерек Чисора. Судијата во десеттата рунда одлучи да го прекине мечот откако Фјури потполно доминираше и го принуди ривалот да капитулира. Повеќе од 60.000 гледачи го следеа боксерскиот спектакл на стадионот на Тотенхем во Лондон.
Светскиот првак наметна свој ритам од стартот, со комбинација од удари го тероризираше Чисора, кој немаше одговор за долгите и брзи раце на Фјури.
Навивачите знаеја дека и во третата пресметка меѓу двајцата не може да се очекува поинаков развој од претходните две убедливи победи на Фјури. Она што се случи во рингот во целост ги оправда очекувањата за успех на „Џипси Кралот“, кој сепак не се обиде да бара класичен нокаут.
Фјури го предизвика Александар Усик за следен ривал и во 2023 година треба да очекуваме нов судир на титаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сиксерс преку Мајами до седмоот место на Истокот, Чикаго на летен одмор ја испрати Атланта
Филаделфија го освои седмото место во Источната конференција во НБА лигата, а са осмото ќе играат Чикаго Булас и Мајами Хит. Изминатата ноќ, дуелот на Филаделфија и Мајами заврши 105:104, додека Чикаго Булс ги збришаа Атланта Хокс со 131:116.
Филадлефија, во плеј-ин мечот против Мајами, на домашен терен, успеа да се врати од негативата од 14 поени и во пенал завршницата да ги совлада Хит. Ветеранот Николас Батум го иницираше пресвртот. 39-годишникот одигра како во најдобрите денови од кариерата, со 20 поени беше втор најдобар стрелец на Филаделфија. Џоел Ембид ги предводеше победниците со 23 поени и 15 скокови.
Кај Мајами се истакна Тајлер Хиро со 25 поени и девет асистенции.
Филаделфија во првото коло, во плеј-офот ќе игра против Њујорк Никс.
Борбата меѓу деветтиот и десеттиот тим на Истокот не донесе никакв а неизвесност. Чикаго лесно славеше над Атланта 131:116.
Блескаше кај Чикаго Коби Вајт со 42 поени, девет скока и шест асистенции, Никола Вучевиќ додаде 24, со 12 скока и две асистенции и ДеМар Дерозан забележа 22 поени, девет асистенции и шест скока.
Атланта имаше четворица играчи со 20+ поени, но тоа не беше доволно да го избегне поразот.
Дижонте Мареј имаше учинок од 30 поени, седум скока и шест асистенции, Клинт Капела забележа 22 поени и 17 скока, Треј Јанг 22 поени и 10 асистенции, а Богдан Богдановиќ 21 поен, пет скока и четири асистенции.
Во сабота еден час по полноќ Мајми и Чикаго ќе решат кој ќе им се спротивстави на Бостон Селтикс во првата плеј-оф рунда.
Спорт
Анчелоти: Само со бункер можевме да го елиминираме Сити
Реал Мадрид го исфрли Манчестер сити од Лигата на шампионите. Реал, актуелниот европски првак го победи по изведувањето пенали. Голманот Луни во пенал серијата ги одбрани ударите на Силва и Ковачиќ.
„Само со ваква игра можевме да го елиминираме Сити“, изјави тренерот на Реал, Карло Анчелоти, чиј тим на „Етихад“ играше бункер и ретко се префрлаше на противничката половина.
„Почнавме добро, поведовме, а потоа почнавме да се мачиме, да се бориме… Стоевме премногу ниско, а Сити имаше сè поголема контрола. За среќа, одлично се браневме. Во пенал рулетот бевме уверени дека ќе поминевме, играчите ми рекоа дека ќе победат“, додаде Анчелоти.
Италијанскиот тренер откри и што му кажал Пеп Гвардиола од Сити по престрелката.
„Тој ми честиташе и ни посака среќа. Беше џентлмен како и секогаш и овој клуб е џентлменски“.
Спорт
Ноер го урна рекордот на Касиљас во Лигата на шампионите
Баерн,во Минхен, го победи Арсенал со 1:0 и со вкупен резултат 3:2 се пласираше во полуфиналето на Лигата на шампионите. Возвратниот натпревар го реши голот на Џошуа Кимих во 64.минута. Баерн во полуфиналето ќе игра против Реал Мадрид.
Натпреварот на „Алијанц Арена“, го одбележа и рекордот на Мануел Ноер (38). За голманот на Баерн ова беше 58. натпревар во Лигата на шампионите на кој не примил гол, со што ја надмина легендата на Реал, Икер Касиљасс, трет на вечната листа е Италијанецот Џанлуиџи Буфон со 52 натпревари на кои не примил гол.
Ноер на тој начин стана рекордер на елитното европско клупско натпреварување.
Мануел Ноер во кариерата играше за Шалке и Баерн, а во клубот од Минхен е од 2011 година. Според податоците на „Трансфермаркт“, тој одиграл вкупно 513 натпревари за Баварците и со нив два пати ја освоил Лигата на шампионите, во 2013 и 2020 година.