Спорт
Тајсон планира уште три меча по пресметката со Џонс

Рафаел Кордеиро, тренерот на Мајк Тајсон вели дека „Челичниот“ очекува да има уште три големи боксерски мечеви во 2021 година по камбекот против Рој Џонс Јуниор на 28 ноември.
Бразилскиот ММА тренер тврди дека ако се оствари планот, Тајсон ќе го гледаме барем уште трипати следната година, откако засега 54-годишниот Американец изгледа во одлична форма за своите години.
„Тој е многу задоволен и сака да има уште три меча следната година за да се бори за големи награди. Јас сум подготвен да работам со него, тоа е сигурно. Кога почнавме да тренираме, му кажав:’ Боже!’. Не знаев што да очекувам од некој кој не ставил ракавици 10 години. Но, видов човек со иста брзина и иста моќ како на 20 и нешто години. Моќта му е на огромно ниво. Работев со многу тешкаши во кариерата, и тој е речиси исто моќен како што Вандерлеи Силва. Си помислив дека ќе убие некого“, вели Кордеиро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ленгле како слободен играч потпиша со Атлетико

Францускиот фудбалер Клеман Ленгле потпиша договор со Атлетико Мадрид до јуни 2028 година.
Ленгле беше член на Барселона, а минатата сезона ја помина на позајмица во Атлетико.
Францускиот фудбалер го раскина договорот со Барселона порано денес, а потоа потпиша тригодишен договор со Атлетико Мадрид како слободен агент. Минатата сезона, Ленгл одигра 34 натпревари за мадридскиот клуб и постигна три гола.
Покрај Барселона и Атлетико, дефанзивецот играше и за Астон Вила, Тотенхем, Севиља и Нанси.
Спорт
Киву го презеде Интер

Романскиот фудбалски стручњак Кристијан Киву (44) е назначен за нов тренер на Интер од Милано.
Киву потпиша договор со тимот од „Џузепе Меаца“ до 30 јуни 2027 година.
Тој го наследи Симоне Инзаги на клупата на вицешампионите на Европа и Италија. Инзаги минатата недела поднесе оставка и замина во Ал Хилал.
Киву поднесе оставка од тренерската позиција на Парма пред да биде назначен во Милано.
Романецот беше тренер на младинските категории на Интер од 2018 до 2024 година, а како играч беше член на клубот од Милано од 2007 до 2014 година.
Спорт
Започна чистката на „Олд Трафорд“, први на удар ветераните

Данскиот фудбалер Кристијан Ериксен (33), шведскиот дефанзивец Виктор Линделоф (30) и поранешниот репрезентативец на Северна Ирска Џони Еванс (37) ќе го напуштат Манчестер Јунајтед на 30 јуни, објави англискиот клуб.
Во соопштението се наведува дека договорите на тројцата фудбалери со Манчестер Јунајтед истекуваат на 30 јуни и дека англискиот тим не смета на нив следната сезона, бидејќи клубот од „Олд Трафорд“ одлучил да не ја продолжи соработката со Ериксен, Еванс и Линделоф.
Еванс беше член на Манчестер Јунајтед од 2006 до 2015 година, а се врати во клубот од „Олд Трафорд“ во 2023 година. Ирецот и претходно објави дека ќе се пензионира.
Ериксен пристигна во Манчестер Јунајтед во 2022 година, додека Линделоф е член на „Црвените ѓаволи“ од 2017 година.