Спорт
Тајсон: Сите ќе бидете шокирани од името на мојот прв противник (видео)
Мајк Тајсон тврди дека договорот за неговиот камбек во боксерскиот ринг ќе се потпише следната недела и додава дека мистериозниот противник е име поголемо од тоа на Ивандер Холифилд, иако неговиот стар ривал исто така се подготвува за враќање во рингот.
Најавата на 53-годишниот „Челичен“ Мајк за враќање на боксот предизвика вистински бум со многу противници кои сами се нудеа за егзибициски меч кој би донел многу пари, но гостувајќи на радио-шоу со раперот Лил Вејн, Тајсон на прашање дали Холифилд е неговиот прв противник, изјави дека сите ќе бидат шокирани од името на неговиот противник.
„Не, има многу момци. Има толку многу момци кои сакаат да го соборат овој човек. Разговараме, правиме бизнис во моментов, и нема да поверувате кои имиња излегоа. Од понеделник ќе имаме договор. И не се работи за пари. Сите пари кои ќе ги заработам ќе одат на други места. Моите пари одат во добротворни цели“, вели Тајсон.
Тајсон, кој се пензионираше во 2005 по низа на неколку лоши мечеви, инсистира дека е во одлична форма, која ја покажа преку видеа на социјалните мрежи.
„Се чувствувам подобро од било кога во мојот живот. Господ имаше милост кон мене. Имам само 115 килограми! Сакам да помогнам на луѓето кои немаа толку среќа како мене. Ќе ги земам овие пари и ќе помогнам на бездомниците, на тие со зависности. Бидејќи и јас сум бил и бездомник и зависник, ја знам болката. Тешко се преживува“, додава Тајсон.
Тајсон вчера вечерта исто така беше гостин на АЕВ натпреварувањето за кечери на Флорида, каде што направи вистинско шоу.
Yassss. Mike Tyson thwarting Jake The Snake. This is a sentence in 2020 and I’m here for it #AEWDoN pic.twitter.com/gFoNwQTFEH
— Kenny McIntosh ?️? (@KennyMc1985) May 24, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милан спаси бод против Пиза во 93-та минута
Фудбалерите на Милан и Пиза одиграа нерешено 2:2 во првиот натпревар од осмото коло во Серија А.
Росонерите пропуштија одлична шанса да ја задржат лидерската позиција во дуелот со екипа која е во зоната за испаѓање. Вака Милан, со натпревар повече има два бода повеќе од Интер, Наполи и Рома
Дуелот започна според планот на Масимилијано Алегри. Рафаел Леао го доведе Милан во водство по седум минути.
Сепак, аутсајдерот не се предаде. Прво, во 60-та минута, колумбискиот ветеран Хуан Квардадо израмни од пенал, а во 86-та минута Нзола го шокира „Сан Сиро“.
Милан од пораз го спаси дефанзивецот Атекаме, златната резерва на Алегри, со нерезонски удар од 23 метри во 93-та минута.
Foto/ EPA
Спорт
Тежок пораз на Партизан во Белград, Виртус го декласира ПАО
Убедливите победи на Париз над Партизан во Белград, Виртус во дуелот со Панатинаикос и Олимпијакос во Минхен кај Баерн, односно триумфот на Фенербахче во градското дерби против Ефес го обележа вториот ден од шестото коло во Евролигата.
Париз во белградска Арена го растури Партизан со 101:83. Дуелот го обележа перфектниот шут на гостите во второто полувреме и тепачката на трибините на две навивачки фракции на Партизан поврзани со актуелните политички случувања во Србија.
Кај Париз се истакна Надир Хифи со 21 поен, шест скока и три асистенции, Себастијан Херера со 17 поени, Јакуб Оутара и Џастин Робинсон со по 14 и Џереми Морган 11 со поени.
Стерлинг Браун со 25 поени со по два скока и асистенции беше најефикасен кај Партизан. Двејн Вашингтон забележа 16 поени и четири асистенции.
Резултати:
Ефес-Фенербахче 69:79
Виртус-Панатинаикос 92: 75
Баерн-Олимпијакос 71:96
Спорт
Атлетико Мадрид продаден за две милијарди евра
Пиринејскиот Полуостров е на нозе, постигнат е еден од најважните договори во историјата на шпанскиот фудбал.
Локалниот дневен весник „Возпопули“, кој главно се занимава со политички, економски, финансиски прашања и теми од банкарскиот сектор, објави дека Мигел Анхел Хил Марин, генерален менаџер и клучен акционер на Атлетико Мадрид, постигнал договор за продажба на клубот за рекордна сума од над две милијарди евра.
Атлетико Мадрид ќе биде во мнозинска сопственост на американскиот инвестициски фонд „Аполо“, кој минатата година официјално управуваше со средства вредни над 700.000.000.000 долари.
Целиот договор треба да биде официјализиран во јануари следната година, но точниот датум или рамка за затворање на договорот ќе зависи и од другите партнери, пред сè од фондот „Арес Менаџмент“, кој е создаден од луѓе од „Аполо“, како и од фондот „Квантум Пацифик Груп“, кој е поддржан од израелскиот милијардер Идан Офер, инаку газда на кошаркарскиот клуб Хапоел од тел Авив.
Според информациите на споменатиот извор, крајниот рок за завршување на преговорите бил средината на октомври, но по договорот на сите страни, било одлучено да се помести, со оглед на тоа што е постигнат голем напредок. Претставници на американскиот фонд беа во Мадрид претходните денови за да ги договорат сите детали од договорот.
Извори упатени во преговорите тврдат дека Мигел Анхел Хил Марин и Енрике Серезо ќе задржат одреден удел во клубот, а се истакнува дека не е исклучено еден од другите сегашни акционери да го напушти клубот пред договорот да биде официјализиран.
Веќе некое време во фудбалскиот свет се шпекулира за можна продажба на еден од најголемите фудбалски клубови во Шпанија и Европа.
Американскиот „Аполо“ успеа да излезе како победник пред еден арапски инвестициски фонд, кој наводно има добри односи со семејството Хил Марин, бидејќи е главен спонзор на клубот преку учеството на авиокомпанијата „Ријад Ер“, која го дава своето име на стадионот, а логото на оваа компанија е и на дресовите на Атлетико.
Возпопули нагласува дека не е исклучено арапскиот инвестициски фонд да остане тесно поврзан со Атлетико преку проектот Сиудад дел Депорте дел Атлетико Мадрид, или Градот на спортот.
Станува збор за проект предводен од клубот во соработка со градските власти со цел создавање најсовремен спортски, рекреативен и комерцијален центар на над 265.000 квадратни метри земјиште.
Како што е наведено, трансакцијата ќе се изврши преку зголемување на капиталот на Атлетико, што би му дало на клубот клучна финансиска инјекција за понатамошно непречено работење.
Целта на договорот е да се овозможи понатамошен раст и развој на клубот, со дополнително зголемување на амбициите, што значи дека тимот на Диего Симеоне би можел да прерасне во еден од главните играчи на фудбалскиот пазар во наредните години. Односно, да се зголеми сегашната улога, која не е мала.
Мигел Анхел Хил Марин контролира 70,39 проценти од акциите, при што фондот „Арес“ држи околу 33,96 проценти од тој удел, додека израелскиот милијардер Идан Офер држи околу 27,81 процент од клубот. Остатокот го сочинуваат мали акционери.
Нова ера за Атлетико Мадрид доаѓа со почетокот на 2026 година.

