Спорт
Таткото на Ансу Фати „распали“ по Чави

Таткото на Ансу Фати жестоко го критикуваше тренерот на Барселона, Чави Ернандез. Тој смета дека Чави не му дава доволно можности на неговиот син и откри дека за проблемот разговарал со челниците на Барселона.
„Зошто Ансу не игра? Тоа е добро прашање, но прашајте го Чави. Немам одговор, но тој веројатно има. Можеби мисли дека Ансу е лош во одбраната. Тоа е негово право, но јас сум лут. Како татко, лут сум затоа што син ми игра премалку“, изјави Бори Фати.
„Ги повикав челниците на Барселона и им кажав дека заслужуваме многу повеќе. Значи зборуваме за „десетката“ на Барселона! Ме мачи ова што се случува. Дека играч кој е проект на клубот добива минута, две, три… Никогаш нема да зборувам лошо за Реал Мадрид бидејќи никогаш не знаеш што носи иднината“, се закани таткото на еден од најголемите таленти.
Тој откри и дека Ансу Фати не сака да ја напушти Барселона.
„Пред две години дојдовме во клубот со понуди, а тие не сакаа ни да слушнат. Ансу не сака да замине. Најважно му е да биде во Барселона, но за мене најважно е да игра. Реал? Ансу не би го прифатил тоа, но никогаш нема да зборувам лошо за Реал бидејќи никогаш не знаеш што носи иднината“, истакна Бори Фати.
Ансу Фати, 20-годишниот крилен напаѓач, оваа сезона постигна шест гола и забележа три асистенции. На 38 натпревари тој доби вкупно 1341 минута. На последните три натпревари со Реал Мадрид играше двапати по една минута и еднаш одигра 21 минута.
Поради малата минутажа во клубот, испадна и од шпанската репрезентација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дуплантис повторно го урна светскиот рекорд

Швеѓанецот Арман Мондо Дуплантис го собори сопствениот светски рекорд во скок со стап со скок од 6,29 метри на атлетскиот собир во Будимпешта.
На 25-годишна возраст, Дуплантис го собори светскиот рекорд по 13-ти пат, трет пат во 2025 година по Клермон-Феран (6,27 м) во февруари и Стокхолм (6,28 м) во неговата татковина на 15 јуни.
Од настапот во Стокхолм, тој на три последовни натпревари скокна преку шест местри и повеќе (6,13 м во Острава, Чешка, 6,00 м во Јуџин, Орегон и 6,05 м во Монако).
Дуплантис ја забележа својата 33-та натпреварувачка победа и е непоразен од Монако на 21 јули 2021 година.
Foto/ EPA/Tamas Vasvari
Спорт
Дебакл на Шкендија во Баку

Актуениот македонски шампион Шкендија доживеа елиминација од квалификациите за пласман во Лигата на шампионите. Шкендија ја очекува плеј-офот за место во Лига Европа, доколку и тука загуби ќе игра во фазата по групи во Конференциската лига.
Шкендија по поразот во првиот меч на домашен терен (0:1) од Карабаг, вечерва доживеа дебакл во реваншот во Баку. Карабаг победи со 5:1.
Почетокот на натпреварот ветуваше бидејќи Тамба во 10.минута и донесе водство на Шкендија и во тој момент ја анулира предноста на Азербејџанците.
Потоа играчите на Шкендија влегоа во „црна дупка“, од која не успеаја да излезат 19 минути. Во периодот од 16. до 35.минута Карабаг постигна четири гола. Цаке си постогна авто-гол, а потоа погодија Кади, Акундзаде и Јанковиќ од пенал Точка на натпреварот стави Леандро Андраде во 59.минута.
Шкендија во плеј-офот за пласман во Лига Европа ќе игра со поразениот од пресметката меѓу Лудогорец и Ференцварош.
Фото/ Принтскрин
Спорт
Балотели: Жалам што не се трудев повеќе во кариерата

Марио Балотели (34), поранешен италијански репрезентативец, ја напушти Џенова откако му истече едногодишниот договор. Контроверзниот напаѓач одигра само шест натпревари во текот на минатата сезона. Денес е слободен играч кој бара нов клуб.
„Мојот сон беше да играм за Реал Мадрид. Денес само барам клуб кој ќе верува во мене. Сакам да играм уште две или три години. Потоа ќе одам кај мојот брат Енок. Тој сега игра за Вадо. Тоа е аматерски тим. Му ветив дека ќе ја завршам кариерата играјќи со него“, рече тој во интервју за „Газета дело Спорт“.
Тој зборуваше и за италијанската репрезентација, вели дека му е жал што не играл повеќе за Италија.
„По сè низ што поминав, мислам дека можев да се потрудам повеќе. Жал ми е што повеќе не играв во репрезентацијата. Некои луѓе дури и не ме сакаа во репрезентацијата, но тоа е минато. Сега селектор е Џенаро Гатузо. Му посакувам се најдобро. Тој е личност која дефинитивно ќе го даде својот максимум“, рече Балотели ден пред неговиот 35-ти роденден.
Балотели сега ќе го бара 12-от клуб во својата професионална кариера. Досега играл за Интер, Манчестер сити, Милан, Ливерпул, Ница, Марсеј, Бреша, Монца, Адана Демирспор, Сион и Џенова.
Foto/ EPA/JEAN-CHRISTOPHE BOTT