Спорт
ТдФ: Ван Ерт со спринтерска победа во долгата и „досадна“ етапа

Белгиецот Вут ван Ерт (Џамбо-Висма) е победник на петтата етапа на Тур де Франс, откако имаше совршен напад во техничкиот последен километар, за победа пред Холанѓанецот Цес Бол, додека третото место на Сем Бенет беше доволно тој да стане прв Ирец кој бил во зелената маичка за најдобри спринтери по 31 година.
По драматичната борба за генерален пласман во вторникот, петтата рамна етапа од Гап до Прива (183 километри) беше искористена да се одморат нозете и темпото беше ниско до последните километри. Главните тимови ги скротија сите напади, пред во последниот километар спринтерите да ја покажат својата умешност.
„Ова можеби беше најлесната етапа која сум ја имал во мојата кариера, бидејќи немаше бркање по никого, немаше брзина. Затоа последниот километар беше хаотичен“, изјави Ван Ерт, кој оваа година победи на класичната Милан-Сан Ремо.
Утре на програмата е шестата етапа од 191 километар од Ле Тел до Мон Егал, со неколку „средни“ искачувања.
Hurting the climbers yesterday, beating the sprinters today. ?♂️ The world's best cyclist, Wout van Aert wins stage 5 of Tour de France with a superb sprint. ? Sunweb's train did a perfect job for Cees Bol but Wout was unbeatable. Wow.pic.twitter.com/Kx0tVupIni#TDF2020
— Mihai Simion (@faustocoppi60) September 2, 2020
What a sprint! Victory for Wout Van Aert! ??
Quel sprint ! Victoire de @WoutvanAert ! ??#TDF2020 pic.twitter.com/JokbgJMoZo
— Tour de France™ (@LeTour) September 2, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сане како слободен играч ќе го засили Галатасарај

Лирој Сане одби да го продолжи договорот со Баерн, а германските медиуми тврдат дека тој сигурно ќе го напушти клубот. Сане, според овие извори бил блиску до преселба во Галатасарај.
Сане отпатува во САД со Баерн на Светско клупско првенство, но дека само прашање на денови е кога ќе потпише со турскиот првак.
Турскиот шампион ги подобри финансиските услови што му ги нуди на Сане, играч чиј договор со германскиот шампион истекува на крајот на јуни. Тотенхем и Арсенал исто така беа заинтересирани за неговите услуги.
Сане ја започна својата професионална кариера во Шалке, а потоа играше за Манчестер сити од 2016 до 2020 година. Тој се пресели од англискиот клуб во Баерн, за кој одигра 153 натпревари во Бундеслигата и постигна 40 голови. Со Сити освои две титули во Премиер лигата, а со Баерн четири во Бундеслигата.
Галатасарај работи на зајакнување на играчкиот кадар пред сезоната во која ќе игра во Лигата на шампионите. Вредноста на Сане според „Трансфермаркт“ е 32 милиони евра.
Спорт
Чиле остана без пласман на СП и без селектор

Фудбалерите на Чиле забелаа уште еден пораз во квалификациите за пласман на Светското првенство следната година. По поразот од Боливија (2:0), Чилеанците остнаа без шанси за пласман на Мундијалот.
Ова е вистинска катастрофа за националниот тим, бидејќи не учествуваа и на претходните две Светски првенства, во Русија 2018 и Катар во 2022 година. Сето тоа се случи откако Чилеанците ја освоија Копа Америка во 2015 и 2016 година.
По поразот од Боливија, Чиле е на последното место на табелата во Јужна Америка. Како резултат на лошиот пласман, веднаш по поразот во Боливија, 67-годишниот Аргентинец Рикардо Гарека, доби отказ. Гарека го презеде Чиле во 2024 година, забележа само една победа во 13 официјални натпревари со Чиле.
Спорт
Сити го потврди трансферот на Рејндерс

Манчестер сити потврди уште едно засилување. Дресот на клубот од „Етихад“ ќе го носи и Холанѓанецот Тижани Рејндерс.
Сити го потврди трансферот од Милан на својата веб-страница, и иако не открија финансиски детали, медиумите објавија дека Сити ќе плати 70 милиони евра за трансферот на холандскиот репрезентативец, кој потпиша договор до летото 2029 година.
„Чест ми е што потпишав за Сити. Горд сум што сум дел од тимот на Пеп Гвардиола, чија работа ја следам со години, уште од Барселона со Лео Меси. Едвај чекам да почнам да работам со него и сигурен сум дека Гвардиола ќе ме направи уште подобар играч“, рече Холанѓанецот.
Пред Рејндерс, Сити ги претстави Рајан Аит-Нури и Рајан Шерки, додека голманот Маркус Бетинели пристигна од Челзи, кој ќе биде трет избор зад Едерсон и Стефано Ортега.
Нури пристигна за сума од околу 45 милиони евра, Шерки од Лион за 36+6 преку бонуси, што значи дека Сити потроши околу 150 милиони евра за летни засилувања.
Важно е да се истакне дека Пеп ќе може да смета на сите играчи на претстојното Светско првенство за клубови во САД.