Спорт
Тебас: Шпанскиот фудбал се срами од молкот на Барселона
Претседателот на шпанската Ла лига, Хавиер Тебас продолжи со критиките кон Барселона и кон нивниот претседател Жоан Лапорта, велејќи дека се срами од молкот на каталонскиот клуб околу случајот со исплатите кон поранешниот претседател на судиската организација во Шпанија, Хозе Негреира.
За случајот веќе има и легален случај во Шпанија, додека на Барселона, ако биде докажан обидот да извршат влијание на судиите, им се закануваат финансиски казни и суспензии во Шпанија и Европа.
„Не ми е јасна позицијата на Барселона. Што повеќе читам толку повеќе сум загрижен. Не знам дали позицијата на претседателот на Барселона ее прикладна. Не се сеќавам кога сме имале ваква криза на репутацијата, не само за Барселона, туку за целиот шпански фубал. Мора да има акција и ако има виновни, да се преземе одговорноста. Ова е еден од најлошите моменти во шпанскиот фудбал. Самата Барселона признава дека имало исплати и тоа не е нормално. Ниту во Шпанија, нту било каде. Срам ми е што уште немаме никакво објаснување од Барселона по толку време. Сметаат дека се жртва, а ако навистина е така, нека излезат и нека ги објаснат работите. Се надевам дека ќе го направат тоа“, вели Тебас.
Тој вели дека нема ништо контроверзно во тоа што Ла лига и лутиот ривал Реал Мадрид се приклучија како странки во обвинението.
„Мадрид го следеше тоа што го направи и Ла лига. Ние ќе се појавиме таму како приватни обвинители, исто како и Мадрид. Тоа е наше и нивно право“, вели Тебас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Се пишат три бода, Родриго за триумф на Реал во Виторија
Фудбалерите на Реал, славеа победа 2:1 на „Мендизороза“ во Вторија, над Алавес, во 16-то коло на шпанското првенство.
Работите не одат добро за Мадрид во последно време, па за Чаби Алонсо и тимот, победата во овој натпревар беше императив. До неа се стигна со многу мака, поради што се уште не е сигурна идноната на шпанскиот тренер.
Се чинеше дека Реал лесно ќе победи, кога Килијан Мбапе погоди за предноста во 24-та минута.
Тоа беше единствениот гол во првото полувреме, а вориот дел, поточно првата половина од овој дел од играта им припадна на домашните фудбалери.
За добрата игра беа нагадени со голот на Карлос Висенте, кој влезе во игра во 68-та минута, а 60 секунди подцна го изедначи резултатот.
Радоста на домашните траеше само неколку минути пред Родриго, на асистенција на Винисиус, да го постави конечниот резултат. Родриго по постот кој траеше осум месеци, или 32 натпревари, постигна гол и на вториот меч по ред, претходно погоди во средата против Манчестер Сити.
Со оваа победа, Реал се врати на четири бода зад лидерот Барселона. Алавес е на 12-то место.
Во следното коло, Реал ја пречекува Севилја, додека Алавес ќе гостува кај Осасуна.
Foto/ Depositphotos
Спорт
(Видео) Јувентус победи во Болоња
Фудбалерите на Јувентус ја победија Болоња на гостински терен (1:0) во дербито на 15-то коло од Серија А.
Херој на „Старата дама“, беше Хуан Кабал, кој постигна гол со глава во 64-та минута, по центаршутот на Кенан Јилдиз.
По директниот црвен картон за Торбјорн Хагем во 69-та минута, беше јасно дека тимот на Лучано Спалети ќе победи на „Ренато Дал’Ара“.
Болоња ќе жали за шансите во првото полувреме. Рикардо Орсолини имаше шанса во петтата минута, додека Надир Зортеа ја затресе гредата во судиското продолжение.
Летаргичното второ полувреме го прекина Кабал со одличен скок по комбинацијата на Јилдиз и Консеисао.
Со овој триумф, Јуве се искачи на петтото место, кое го држи со 26 бода. Тоа е седум помалку од водечкиот Интер.
Болоња нема победа три натпревари и моментално е шеста со 25 бода.
Foto/ depositphotos
Спорт
(Видео) Кејн спречи сензација во Минхен
Три минути го дела Мајнц од најголемата сензација сезонава во Бундес лигата, но Баерн сепак успеа да се спаси од пораз. Хари Кејн со гол од пенал во 88-та минута не дозволи последно пласираниот тим на табелата да победи во Минхен.
Баерн поведе во 29-та минута со голот на суперталентираниот Ленарт Карл, но во судиското продолжение во првото полувреме, Потулски израмни.
Во 67-та минута, Ли Џе Сунг ја шокираше „Алијанц Арена“ со гол за водство на гостите, но во 88-мата минута, Хари Кејн постигна гол од пенал и ги постави конечните 2:2.
Мајнц, убедливо најслабиот тим во Бундеслигата оваа сезона, остана со само една победа, и со седум освоени бода.
Ова беше втор нерешен резултат за Баерн во 14 кола, но имаат убедлива предност на врвот, девет поени повеќе од Лајпциг и Борусија Дортмунд.
Foto/ depositphotos

