Спорт
Тектонски промени во фудбалот – Доаѓа Лига на шампиони 3.0
Идејата за формат на Суперлига во фудбалот е повторно актуелна, и не само тоа, туку е многу блиску до реализација, што значи дека ќе се случат тектонски промени во фудбалот.
Приказната за Суперлигата започна пред неколку години, но не се реализираше. Сепак, ситуацијата сега е сосема поинаква.
Компанијата А22, која беше еден од иницијаторите на идејата за Суперлига, со месеци водела тајни преговори со УЕФА за да формира ново натпреварување, кое би ја заменило постоечката Лига на шампиони, објавува „Мундо Депортиво“.
Натпреварувањето сепак би се викало Лига на шампиони, но на сите нивоа би претрпело големи промени.
Она што веројатно најмногу ги интересира гледачите во Македонија е каде ќе можат да ги следат натпреварите. Според најавите од 2027 година, кога се очекува да биде лансиран новиот форма, А22 и УЕФА планираат сите натпревари да се емитуваат на една глобална ТВ платформа, а во моментов главен кандидат е шпанската компанија „Unify“.
Договорот меѓу УЕФА и телевизиските куќи истекува во 2027 година, што дополнително ја зголемува веројатноста дека гореспоменатиот договор ќе биде имплементиран.
Каков би бил форматот на новата Лига на шампиони?
Имено, таа би задржала 36 екипи и квалификации за натпреварувањето, што е различно во споредба со првичниот план за формирање на Суперлига. Екипите би биле поделени во две групи. Во првата би се натпреварувале првите 18 екипи на УЕФА листата, а во втората екипите од 19 до 36 место.
Осумте најдобри од првата група би оделе директно во осминафиналето, додека екипите од деветтото до 16-тото место од првата група и екипите пласирани од првата до осмата позиција во втората група, би играле меѓусебно плеј оф за пласман во осминафиналето.
Што се однесува до квалификациите, форматот не би требало да се менува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал во дербито ја победи Барселона
Реал Мадрид победи во 191-то „Ел Класико“. Вечерва на „Сантијаго Бернабеу“, Реал ја совлада Барселона со 2:1.
На две различни полувремиња сведочеа гледачите на „Сантијаго Бернабеу“. Брилијантно прво полувреме, со многу шанси и бледо второ полувреме.
Започна бурно, веќе во втората минута судијата досуди пенал за домашната екипа поради наводен фаул од Ламин Јамал врз Винисиус. Сепак, по гледањето на видеото, одлуката беше поништена.
Десет минути подоцна, Мбапе постигна брилијантен гол. Додека играчите на реал славеа се огласи ВАР и го поништи голот поради милиметарски офсајд.
Во 21-та минута, Мбапе, по одличното додавање од Белингам, се најде сам пред Шчечин и ја затресе мрежата за водство на Реал.
Овој пат немаше офсајд. 12-ти гол на Мбапе оваа сезона, а веќе шести во натпреварите од „Ел Класико“.
Откако Реал пропушти неколку добри шанси, се истакна голманот на Барса Шчесни, казната дојде во 38-та минута. Грешката на Арда Гулер ја казни Фермин Лопес и израмни на 1:1.
Четири минути подоцна Реал ја врати предноста со голот на Белингем. Во 45-та минута Мбапе постигна гол, но беше во голем офсајд и резултатот остана 2:1.

Во вториот дел, Шчесни, најдобриот играч на Барселона, му одбрани пенал на Мбапе во 52-та минута. Во следниот напад Фермин Лопз промаши голема шанса за Барселона.
Од тој момент падна темпото во играта, Барселона ја презеде контролата врз топката, но немаше никаква продукција. Можеше Кунде да изедначи во 90-та минута, но лошо ја прими топката испратена од Јамал.
Во 98-та минута Шчесни го одбрани обито на Родриго од слободен удар. Пред истекот на натпреварот Педри го доби вториот жолт картон.
Foto/ EPA
Спорт
Сергеј го продолжи договорот со Ал Хилал
Сергеј Милинковиќ-Савиќ, нема да ја напушти Саудиска Арабија, потпиша нов договор со Ал Хилал.
Добро информираниот Фабрицио Романо известува дека Ал-Хилал и Сергеј Милинковиќ-Савиќ се договориле за сè и дека српскиот фудбалер останува дел од тимот предводен од Симоне Инзаги од клупата.
Милинковиќ-Савиќ ќе остане во Ал-Хилалал најмалку до 2028 година според важечкиот договор, а финансиските детали во моментов не се објавени.
Неговиот претходен договор истекуваше во јуни 2026 година.
Спорт
(Видео) Победа на Арсенал, пораз на Сити, Борнмут се втори на табелата
Фудбалерите на Арсенал го победија Кристал Палас (1:0) во деветто коло и ја зголемија предноста над конкурентите за титулата. Во истиот термин Манчестер сити загуби во Бирмингем од Астон Вола (1:0). По поразот на Сити, на второто место скокна Борнмут откако со 2:0 го победи Нотингем Форест.
Фудбалерите на Арсенал сигурно ќе ја задржат челната позиција во Премиер лигата. Во уште едно лондонско мини-дерби, „топџиите“ излегоа како победници и сега имаат седум победи во првенството и се лидери со 22 бода.
Што се однесува до дуелот со Кристал Палас, Арсенал победи со минимален резултат, 1:0.
Стрелец на тој единствен гол во натпреварот беше поранешниот ограч на Палас, Еберечи Езе, во 39-та минута.
Фудбалерите на Манчестер Сити им приредија непријатно изненадување на своите навивачи. Нивната средба исто така заврши со минимален резултат од 1:0.
Екипата на Астон Вила, не само што успеа да се одбрани на „Вила Парк“ туку и запиша победа над фаворизираниот тим од Манчестер.
Стрелец на тој единствен гол за екипата на Астон Вила беше Кеш во 19-та минута од натпреварот.
Matty Cash scores City pic.twitter.com/Wyy70M7tl6
— CHIDYE (@gentlechidye) October 26, 2025
Овој пораз на Манчестер сити го искористија играчите на Борнмут кои го победија Нотингем Форест со резултат од 2:0.
Борнмут поведе во 25-та минута преку Таверние, кој погоди директно од коренер. Конечниот резултат во 40-та минута го постави Крупи.
Драматичен меч на „Молињу“ одигра Вулверхемптон и Барнли. Гостите водеа со 0:2 со головите на Флеминг, Вулвс се вратија во натпреварот преку Ларсен од пенал и Мунеци. Во 95-та минута Барнли го шокира домаќинот со голот на Фостер.

