Спорт
Тен Хаг е новиот менаџер на Манчестер јунајтед
Манчестер Јунајтед во четвртокот објави дека Ерик Тен Хаг е новиот менаџер на тој тим. Тој ќе дојде во клубот по завршувањето на сезоната. Тен Хаг и Јунајтед потпишале договор до јуни 2025 година.
Холандскиот стручњак пет години го предводи Ајакс. Воспостави доминација на славниот клуб во домашниот шампионат, а во 2018 година со овој тим дојде до полуфиналето во Лигата на шампионите.
Во понеделникот добро информираниот новинар Фабрицио Романо обајви дека Тен Хаг постигнал договор со клубот од „Олд Трафорд“. Денес Манчестер јунајтед официјално потврдија дека го ангажирале Тен Хаг.
???
The new First-Team Manager of Manchester United: Erik ten Hag.#MUFC || #WelcomeErik
— Manchester United (@ManUtd) April 21, 2022
Од Јунајтед изјавија дека се импресионирани од фудбалот што го форсира Тен Хаг во претходните сезони и дека напаѓачки фудбал е нешто што треба да му го донесе на Јунајтед сега.
„Импресионирани сме од неговата долгорочна визија да го врати Јунајтед таму каде што сакаме да биде. Ни се допаѓа неговата решеност да го направи тоа“, изјави спортскиот директор Џон Мурто.
Ерик Тен Хаг најпрвин ќе треба да ја заврши сезоната во Амстердам каде со Ајакс треба да ја освои титулата шампион на Холандија. Таа борба и понатаму е актуелна бидејќи Ајакс имаат четири бода повеќе од ПСВ Ајдховен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тотенхем го победи Евертон – Спарс сега се трети на табелата
Во последниот натпревар од деветтото коло на Премиер лигата, Тотенхем славеше на гости кај Евертон. Спарс победија со 3:0. Тотенхем е првиот тим што славеше на новиот стадион на Евертон „Хил Дикинсон“.
Тотенхем со победата над Евертон се искачи на третата позиција на табелата во Премиер лигата.
Само лутиот ривал Арсенал, како и Борнмут се пред нив на табелата. Со 17 освоени бода, играчите на Тотенхем ги прескокнаа Манчестер Јунајтед и Манчестер Сити, како и тимот на Сандерленд.
До овој триумф ги предводеше Ван де Вен, кој вечерва постигна два гола. Првиотгол го постигна во 19-та, а вториот во 51-та минута од првото полувреме. Конечните 3:0 ги постави Папе Матар Сар во 89-та минута.
Спорт
(Видео) Погледнете го циркусот по „Ел Класико“
Во дербито од 10-то коло од Ла Лига, Реал ја победи Барселона со 2:1 на „Сантијаго Бернабеу“.
Во спектакуларното Ел Класико, „Кралевите“ поведоа преку Килијан Мбапе, а Фермин Лопез израмни за гостите во 38-та минута. До крајот на полувремето, Џуд Белингам му донесе ново водство на Реал и со тоа го постави конечниот резултат. По оваа победа, Реал се одвои на врвот на Ла Лига со пет бода повеќе од Барселона.
Дуелот не можеше да продолжи без конфликт на теренот покрај него, па во 100-та минута, откако Педри беше исклучен поради два жолти картони, настана хаос покрај теренот.
Scuffle between Real Madrid and Barcelona bench
byu/977x insoccer
Камерите ги „фатија“ Винисиус и Андриј Лунин како доаѓаат до самата клупа на Барселона, а луѓето од стручните штабови мораа да ги разделат. После тоа, се вмешаа многу играчи од двете страни, а сè заврши со тоа што и полицијата мораше да се вмеша.
Околу една минута подоцна, главниот судија на натпреварот, Цезар Сото Градо, го означи крајот на дуелот. Кога тоа се случи, започна ново туркање, кое за среќа не ескалираше во тепачка.
Камерите ја забележаа и конфронтацијата помеѓу Дани Кавахал иТибо Куртоа со Ламин Јамал. Напаѓачот на Барселона дури му покажуваше на голманот на Реал да дојде до тунелот за да се пресемтаат.
🚨🚨| As soon as the final whistle went, Carvajal walked up to Yamal, and things got a bit heated. A small scuffle broke out, with Courtois and Yamal exchanging a few words too.
— Goals Side (@goalsside) October 26, 2025
Спорт
(Видео) Реал во дербито ја победи Барселона
Реал Мадрид победи во 191-то „Ел Класико“. Вечерва на „Сантијаго Бернабеу“, Реал ја совлада Барселона со 2:1.
На две различни полувремиња сведочеа гледачите на „Сантијаго Бернабеу“. Брилијантно прво полувреме, со многу шанси и бледо второ полувреме.
Започна бурно, веќе во втората минута судијата досуди пенал за домашната екипа поради наводен фаул од Ламин Јамал врз Винисиус. Сепак, по гледањето на видеото, одлуката беше поништена.
Десет минути подоцна, Мбапе постигна брилијантен гол. Додека играчите на реал славеа се огласи ВАР и го поништи голот поради милиметарски офсајд.
Во 21-та минута, Мбапе, по одличното додавање од Белингам, се најде сам пред Шчечин и ја затресе мрежата за водство на Реал.
Овој пат немаше офсајд. 12-ти гол на Мбапе оваа сезона, а веќе шести во натпреварите од „Ел Класико“.
Откако Реал пропушти неколку добри шанси, се истакна голманот на Барса Шчесни, казната дојде во 38-та минута. Грешката на Арда Гулер ја казни Фермин Лопес и израмни на 1:1.
Четири минути подоцна Реал ја врати предноста со голот на Белингем. Во 45-та минута Мбапе постигна гол, но беше во голем офсајд и резултатот остана 2:1.

Во вториот дел, Шчесни, најдобриот играч на Барселона, му одбрани пенал на Мбапе во 52-та минута. Во следниот напад Фермин Лопз промаши голема шанса за Барселона.
Од тој момент падна темпото во играта, Барселона ја презеде контролата врз топката, но немаше никаква продукција. Можеше Кунде да изедначи во 90-та минута, но лошо ја прими топката испратена од Јамал.
Во 98-та минута Шчесни го одбрани обито на Родриго од слободен удар. Пред истекот на натпреварот Педри го доби вториот жолт картон.
Foto/ EPA

