Спорт
„Тен Хаг ги донесе најлошите играчи, не турнаа во бездната“

Поранешниот играч на Манчестер Јунајтед, Гери Невил, не скрши зборови кога зборуваше за отказот на Ерик Тен Хаг во неговиот поранешен клуб.
Холанѓанецот беше отпуштен од Јунајтед во понеделникот, еден ден по поразот од Вест Хем во Премиер лигата Коментирајќи го мандатот на Тен Хаг во Манчестер, поранешниот капитен Гери Невил изјави дека двајца од најлошите фудбалери биле донесени во клубот за време на неговиот мандат.
Станува збор за Бразилците Антонио и Касемиро кои беа доведени како скапи засилувања.
Неговото наследство може да се отслика само во два трофеи во исто толку години“, додаде тој. Трансфер политиката е страшна веќе 10 години и тој самиот е жртва на тоа. Мислам дека е вклучен во две од најлошите засилувања во историјата на клубот – Антонио и Касемиро“, рече Невил во својот подкаст, а потоа додаде:
„Тие потпишаа со нив за 140-150 милиони фунти во паника по поразот од Брентфорд. Би сакал да ме демантираат и дека во наредниот период ќе ги оправдаат огромните инвестиции што клубот ги одвои за нив“.
Невил додаде дека доведувањето на двајца фудбалери ја одредило идната трансфер политика на клубот и со тоа го одвело Јунајтед во бездна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Лејкерси паднаа во финишот, први победи во плејофот за Милвоки и Орландо

Минесота Тимбервулвс поведоа со 2:1 во плејоф серијата против Лос Анџелес Лејкерс откако победија со 116:104 на домашен терен. Првите победи во серијата од првото коло од плејофот ги забележаа Орландо и Милвоки.
Тимбервулвс во првиот натпревар во Минеаполис го одбранија брејкот направен во Лос Анџелес.
Натпреварот беше полн со пресврти. По почетното водство на Лејкерси од три поени, Минесота ја презеде контролата врз резултатот во првата четвртина со серија од 11-0, во која имаше предност од осум поени. Нов пресврт се случува во втората четвртина. Лејкерси поведуваат со серија од 13-3, која ја држеа до полувремето, кога заминаа со водство од 58:54.
Подобриот почеток на третата четвртина за Минесота му го врати водството на домаќинот. Тимбервулвс поведоа со 85:78, но следеше нова серија од 8-1 на Лејкерси и на самиот почеток од четвртата четвртина стигнаа до израмување 86:86.
Тоа беше моментот во кој гостите последен пат имаа позитивен резултат, бидејќи Минесота постигна пет брзи поени, а потоа ја зголеми разликата на +12.
Во победничкиот тим, најистакнати беа МекДениелс со 30 поени и Едвардс со 29, кои додадоа и осум скока и асистенции. На другата страна, Леброј Џејмс постигна 38 поени со 10 скока. Ривс го следеше со 20, додека Лука Дончиќ успеа да постигне 17 поени, шутирајќи 6/16 од поле и 2/8 за тројки. Тој забележа осум асистенции и седум скока, но исто така го водеше тимот по број на изгубени топки – пет.
Четвртиот натпревар помеѓу Минесота и Лејкерси исто така се игра во Минеаполис во недела навечер во 21:30 часот.
На Истокот, во сериите Бостон-Орландо и Индијана-Милвоки, домашниот терен засега е задржан. Орландо, по голема борба и пред сè со одлична игра во третата четвртина, која ја доби со 24:11, успеа да забележи победа од 95:93 и да го намали актуелниот шампион Бостон на 2:1 во серијата.
Милвоки го стори истото против Индијана. Бакс славеа со 117:101 и ја намалија серијата на 2:1. Јанис Адтетокунмпо постигна 37 поени, 12 скока и шест асистенции, а Гари Трент исто така имаше 37 поени.
Спорт
Прв пораз за ПСЖ во Лига 1 – Ница освои три бода во Париз

Старо-новите шампиони на Франција, фудбалерите на ПСЖ, во 31.коло го доживеаја првиот пораз оваа сезона во Лига 1. „Светците“ во минатото коло ја одбранија титулата, па овој пораз на домашен терен и не е изненадување.
Тимот од Азурниот Брег направи изненадување во 31. коло, победи во Париз со 3:1.
Тренерот на ПСЖ Луис Енрике на „Паркот на принцовите“ го изведе најсилниот состав.
Морган Сансон ја доведе Ница во водство во 34. минута, а пред паузата домашните одговорија преку Фабијан Руиз.
Сансон повторно постигна гол веднаш на почетокот од второто полувреме, во 46. минута, а Јусуф Ндаџишимије најави големо изненадување во 70. минута.
ПСЖ нападна на крајот, но Марчин Булка се истакна, завршувајќи го натпреварот со двоцифрен број интервенции.
Парижаните се први со 78 бода, додека Ница ги задржува шансите за пласман во Лигата на шампионите и моментално е четврта со 54 бода.
Спорт
Олимпијакос го одбрани домашниот терен од Реал

Кошаркарите на Олимпијакос ја остварија втората победа во четвртфиналната серија од Евролигата против Реал Мадрид. Тимот од Пиреја победи со 77:71 (15:25, 23:13, 19:16, 20:17), па на Реал ќе му треба чудо за да се пласира на завршниот турнир.
Реал, за разлика од првиот меч, имаше шанси да направи брејк. Играчите на чус Матео водеа со 13 поени разлика во првиот период, кој го добија со 25.15. Олимпијакос се врати во натпреварот во втората четвртина, на полувреме резултатото беше 38:38.
Реал подобро влезе во третата четвртина, стекна предност од седум поени и тука застана. Олимпијакос од финишот на третата и првите четири минути во последната четвртина со серија 19:2, од -7 дојде до +10.
И повторно Реал успеа да фати приклучот, зонската одбрана им направи проблеми на домашните кошаркари, а реал предводен од Марио Хезоња се доближи на 67:64 на две минути до крајот.
Овој налет го одбија Алекс Питерс и Најџел Вилијамс-Гос со две тројки. Олимпијакос стекна предност од девет поени и тука беше крајот заРеал.
Стандардно, најефикасен кај Олимпијакос беше Саша Везенков со 22 поени, Еван Фурние одигра одлично и постигна 17 поени (9/10 од линијата за слободни фрлања). Единствен расположен кај Реал беше Хезоња со 22 поени и осум скока.
Следниот натпревар на програмата е во среда во Мадрид.