Спорт
Тен Хаг: Не е првпат сезонава да треба да се рестартираме и бевме добри во тоа

Менаџерот на Манчестер Јунајтед, Ерик Тен Хаг, беше исклучително среќен по успехот од 4:1 против Бетис во осминафиналето во Лигата на Европа. Оваа победа дојде веднаш по кошмарниот пораз од Ливерпул од 7:0 во првенството и беше од големо значење за „црвените ѓаволи“.
Тренерот не го криеше задоволството од карактерот што го покажа неговиот тим во овој тежок момент.
„Мислам дека игравме добро во двете полувремиња. Во првото полувреме требаше да имаме 3:0, но направивме една грешка и беше 1:1. Постигнавме неколку добри голови, им дадовме на навивачите нешто да се радуваат и тие одлично одговорија со поддршката од трибините, за што сме им благодарни. Излеговме со правилен став. Добро ја движевме топката и создадовме многу шанси. Секогаш е убаво да се види како тим реагира во тежок момент. Не е првпат оваа сезона да треба да се рестартираме и да почнеме од почеток. Овој тим има карактер и тоа е голем комплимент“, изјави Тен Хаг.
Тој особено го пофали настапот на Ваут Вегхорст и особено на Бруно Фернандеш.
„Како напаѓач, Вегхорст беше блиску до голот на толку многу натпревари. Бруно беше фантастичен. Тој го водеше тимот со своја контрола на играта и одлични додавања. Конечно успеа да постигне гол и беше најдобриот играч на теренот“, изјави Холанѓанецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Феликс го одложи враќањето дома, се сели во Саудиска Арабија

Извесно е дека португалскиот фудбалер Жоао Феликс ќе ја продолжи кариерата во Саудиска Арабија.
Некогаш големиот талент за чии трансфер од Бенфика, пред седум години, Атлетико Мадрид издвои 136 милиони евра, ќе се пресели во Ал-Наср.
Ова е претставува изненадување за фудбалската јавност, бидејќи детали го делеа Феликс од враќањето во Бенфика.
Во приказната реши да се вмеша Ал Наср и букввално да го украде веќе виденото засилување од португалскиот гигант. Челзи ќе добие околу 57.000.000 евра, а Феликс ќе добие голема плата и можност да игра со Кристијано Роналдо.
Освен финансиите, тоа беше и негова голема желба бидејќи станува збор за човек кого го идолизира.
По заминувањето од Атлетико, Феликс не се снајде во Барса, Челзи, Милан…
Foto/ Prinskrin
Спорт
(Видео) Бруно за триумф на Јунајтед над Вест Хем, Борнмут славеа над Евертон

Фудбалерите од Премиер лигата се во екот на подготовките за следната сезона, а една од омилените дестинации е САД. Преку Атлантикот, се одржува второто издание на Летната серија на Премиер лигата, а натпреварите од првото коло веќе се одиграни.
Овогодинешните учесници се Манчестер јунајтед, Вест Хем, Евертон и Борнмут. Победи во натпреварите од првото коло забележаа Манчестер јунајтед и Борнмут.
„Црвените ѓаволи“ го победија Вест Хем со 2:1 на „МетЛајф“ во Њу Џерси, на крилата на најдобриот играч Бруно Фернандес. Двата гола за трофејниот клуб од „Олд Трафорд“ ги постигна Португалецот. Во петтата минута беше прецизен од 11 метри и го донесе тимот на Рубен Аморим во водство.
Тој го зголеми резултатот на 2:0 во 52-та минута. Единствениот гол за Вест Хем го постигна Џаред Бовен во 63-та минута.
Многу поубедлив беше Борнмут против Евертон. Немаше голови до 55-та минута. Потоа Билинг го донесе Борнмут во водство. Само четири минути подоцна, Уатара го дуплираше водството. Конечните 3:0 ги постави Абу Аџеи во 69-та минута.
Летната серија на Премиер лигата продолжува во среда навечер со натпреварите од второто коло Манчестер јунајтед – Борнмут и Евертон – Вест Хем во четврток.
Фото/ Принтскрин
Спорт
Гибс-Вајт го извиси Тотенхем, потпиша нов договор со „шумарите“

Еден од најдобрите играчи на Нотингем Форест минатата сезона, Морган Гибс-Вајт, нема да оди во Тотенхем, откако реши да го продолжи договорот со „шумарите“.
Тотенхем ја активираше клаузулата, практично се договори за сè со играчот. Дури беа закажани и лекарски прегледи, но… Гибс-Вајт не се појави таму, туку реши да го продолжи договорот со Форестерс до 2028 година.
Нотингем се пожали дека Спарс му пристапиле на играчот на нелегален начин и гласно протестираа против овој трансфер. Но, малкумина очекуваа таков исход.
На крајот, Нотингем не загуби уште еден важен играч, бидејќи Ентони Еланга замина во Њукасл.