Спорт
Тен Хаг: Уживам во натпреварите против Мурињо
Фудбалерите на Манчестер јЈунајтед во четврток ги очекува тешко гостување во Лига Европа, во Истанбул.
Противник им е Фенербахче, на чие кормило е поранешниот менаџер на Јунајтед, Жозе Мурињо.
„Ова е голем натпревар за двата тима. Уживам во соочувањето со Мурињо и играњето против неговите тимови. Тој секогаш има добри тимови, тој е победник и има освоено многу трофеи. Тој е пример за многу менаџери”, вели Тен Хаг.
Манчестер јунајтед во саботата со пресврт го победи Брентфорд со 2.1 во Премиер лигата и ја прекина серијата натпревари на кои немаше победа.
„Духот во тимот отсекогаш бил висок, но дефинитивно расположението е подобро по победата. Сите во тимот имаат големи очекувања, затоа мора да победиме. На секој натпревар треба да ја покажеме таа решителност“, изјави стратегот на Јунајтед.
По две кола во Лига Европа, неговиот тим има две нерешени средби, додека Фенербахче има победа и реми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ливерпул ги започна преговорите со Ван Дајк
Тројца важни, играчи на Ливерпул имаат договори со клубот до крајот на сезоната. Станува збор за Вирџил ван Дајк, Трент Александер-Арнолд и Мохамед Салах. Клупските ченици конечно ( за навивачите на Ливерпул) се фатија за работа. Прво ги отворија преговорите со капитенот.
Ливерпул решија дека приоритет е прво да се договорат за продолжување на договорот со Ван Дајк.
Холанѓанецот е во клубот од јануари 2018 година и оттогаш Ливерпул ја освои Лигата на шампионите, Премиер лигата, ФА Купот и два Лига купа, заедно со европскиот Суперкуп, Комјунити Шилд и Светското клупско првенство.
Од моментот коа пристигна во клубот во само една сезона во Премиер лигата одигра помалку од 32 натпревари во една сезона.
– Преговорите почнаа, но не можам да кажам што ќе се случува во иднина. Во моментов размислувам само за Ливерпул, сакам да победувам и ништо друго“, изјави Ван Дијк.
Ливерпул моментално е прв во Премиер лигата, а во Лигата на шампионите има две победи од исто толку натпревари.
Спорт
Интер скапо ја плати победата над Рома
Интер ja продолжи серијата добри резултати во италијанскиот шампионат, но скапо ја плати синоќеѓната победа над Рома во Рим.
Актуелните шампиони во дербито на коло славеа со 1:0, со голот на Лаутаро Мартинез во 60.минута.
Натпреварот во Рим во првото полувреме го завршија поради повреди Хакан Чалханоглу и Франческо Ачерби.
Турскиот репрезентативец играше само 12 минути, а искусниот дефанзивец 27 минути.
Јасно е дека и двајцата ќе го пропуштат натпреварот од Лигата на шампионите против Јанг Бојс. Но, она што повеќе ги загрижува навивачите на Интер е дали ќе бидат подготвени за натпреварот против Јувентус викендов.
„Скај Спорт Италија“, тврди дека 90% овие двајца нема да можат да му помогнат на Интер во „Дербито на Италија“.
Моментално Интер и Јувентус се на второто и третото место на табелата.
Спорт
Лапровитола го чека долга пауза, си ги скинал лигамнетите
Барселоба вчера доживеа пораз од Басконија во АЦБ лигата и остана без Николас Лапровитола. Ден по натпреварот, клубот потврди дека Аргентинецот ќе мора да оди на операција.
„Прегледите покажаа дека нашиот играч Николас Лапровитола ги скинал предните вкрстени лигаменти и се здобил со повреда на надворешниот менискус на десното колено.
Играчот ќе биде опериран во наредните денови. Клубот повторно ќе објави по операцијата со проценка за периодот на опоравување“, се вели во соопштението на Барселона.
Иако Барселона не сака да шпекулира за времетраењето на рехаблитиацијата, веројатно нема да може да смета на Лапровитола најмалку шест месеци и тоа во идеални околности.