Спорт
Тешки гостувања за Македонците во првото коло во ЛШ: Динамо во Минхен, Џирона во Париз, Лајпциг кај Атлетико

Европската фудбалска унија (УЕФА) го објави комплетниот распоред на натпреварите во Лигата на шампионите. Во новиот формат ќе се натпреваруваат 36 екипи, во лига систем, што значи дека во секое коло ќе се играат по 18 натпревари.
Првата фаза во Лигата на шампионите ќе започне на 17.септември, а ќе заврши на 29.јануари 2025 година.
Првиот осум директно ќе изборат пласман во осминафиналето, екипите од деветото до 24.место ќе играат плај-оф за место меѓу најдобрите 16. Тимовите пласирани од 25. до 36.место ќе ја завршат сезона.
Македонија има четворица фудбалери во Лигата на шампионите: Ристовски и Адеми (Динамо Загреб), Елмас (Лајпциг) и Миовски (Џирона). Сите во првото коло ќе гостуваат со своите тимови.
Динамо во првото коло ќе гостува во Минхен, кај Баерн, Џирона ќе патува во Париз кај ПСЖ, а Лајпциг во Мадрид ќе се соочи со Атлетико.
Инаку во првото коло најмногу внимание ќе привлечат италијанско-англиските пресметки, во репреиза на финалето од пред две сезони Интер ќе гостува кај Манчестер сити, а Милан ќе го пречека Ливерпул.
Прво коло: Во првото коло, кое ќе се игра на 17./18. и 19. септември ќе играат Јанг Бојс – Астон Вила, Јувентус – ПСВ Ајндховен, Милан – Ливерпул, Баерн Минхен – Динамо Загреб, Реал Мадрид – Штутгарт, Спортинг Лисабон – Лил, Спарта Прага – Салцбург, Болоња – Шахтјор, Селтик – Слован, Бриж – Борусија Дортмунд, Манчестер сити – Интер, ПСЖ – Џирона, Феенорд – Баер Леверкузен, Црвена звезда – Бенфика, Монако – Барселона, Аталанта – Арсенал, Атлетико Мадрид – Лајпциг и Брест – Штурм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Јокиќ подели 19 асистенции, Денвер победи во Индијанаполис

Кошаркарите на Денвер ја совладаа Индијана со 125:116 во Индијанаполис. Никола Јокиќ на овој натпревар имаше повеќе асистенции отколку поени (18), а му недостигаше скок за трипл-дабл учинок.
Никола Јокиќ против Индијана забележа 19 асистенции што е негов личен рекорд во НБА лигата. Вавата игра на актуелниот МВП придонесе шест играчи од тимот на Мајкл Мелоун да постигнат двоцифрен број на поени.
Најдобар стрелец беше Арон Гордон (25), го следеа од Мајкл Портер Јуниор (19), Кристијан Браун (17), Џамал Мареј (16) и Зик Наџи (14).
Кога станува збор за центрите, само Јокиќ и Вилт Чембрлен ги заземаат првите 25 места во историјата на НБА во однос на асистенциите по натпревар.
Most AST in a game by a Center:
21 — Wilt Chamberlain
19 — Nikola Jokic
19 — Wilt Chamberlain
18 — Nikola Jokic
18 — Nikola Jokic
17 — Nikola Jokic
17 — Nikola Jokic
17 — Nikola Jokic
17 — Wilt Chamberlain
16 — Nikola Jokic (11x) pic.twitter.com/e6RpAOxP6B— StatMamba (@StatMamba) February 25, 2025
Нападот на Индијана го предводеа четворица играчи: Мајлс Тарнер постигна 23 поени, Арон Несмит 17, Паскал Сиакам 19 поени, колку што постигна и Тајрис Халибартон кој имаше и 15 асистенции.
Спорт
(Видео) Жозе Мурињо влегол во судиската соблекувална по дербито со Галатасарај

Големото дерби на турскиот фудбал заврши без победник, 0:0. На крајот резултатот повеќе му одговараше на Галатасарај, кој ја задржа предноста од шест бода пред најголемиот ривал, Фенербахче
Резултатот, а и играта во дербито беа разочарувачки, мрежите останаа мирни. Фенербахче за нијанса беа подобри на теренот но тоа не успеа да го материјализира.
Претходно, челниците на турската суперлига, на барање на Фенербахче, го делегираа Словенецот Славко Винчиќ за главен судија. Него не му беше лесно, во текот на натпреварот, а и по неговото завршување.
Според турските медиуми, харизматичниот Португалец упаднал во соблекувалната и имал што да им каже на судиите. Сепак, според истите наводи, остана нејасно што им рекол Мурињо на судиите.
Мурињо и претходно имал вакви испади. Запаметени се неговите закани кон англискиот судија Ентони Тејлор, на кого Мурињо му се нафрли на паркингот на стадионот додека раководеше со Рома, а и по натпреварот против Севилја во финалето во Лига Европа.
İşte o görüntüler!
Mourinho, Slavko Vincic’in odasına gidiyor!
CANLI: https://t.co/EfyOhsm5OF pic.twitter.com/rJ2IGnKzaa
— Haluk YÜREKLİ (@Haluk_Yurekli) February 24, 2025
Спорт
Хорхе Мартин ќе ја пропушти првата трка во сезоната

Актуелниот светски шампион во Мото ГП, Шпанецот Хорхе Мартин, ќе ја пропушти првата трка сезонава во Тајланд.
Причината за ова е поради тоа што неговото опоравување од повредата е продолжено, објави неговиот тим Априлија.
Мартин се здоби со повеќе скршеници на раката и стапалото во несреќа што ја доживеа на почетокот на овој месец за време на предсезонските тестирања на патеката Сепанг во Малезија.
На негово место, тест возачот на тимот, Италијанецот Лоренцо Савадори, ќе се натпреварува во тимот на Априлија.
Првата трка во новата сезона, на патеката Буринам ќе се вози в недела од 15 часот.