Спорт
Тешки порази на Бруклин Нетс и Денвер Нагетс

Убедливите порази на Бруклин Нетс и Денвер Нагетс, ја обележаа ноќта во НБА лигата. Бруклин, се поразени кај лидерот во лигата, Јута Џез, додека Денвер доживеаја изненадувачки пораз од Торонто Репторс.
Јута го прегази „вториот“ тим на Бруклин со 111:88. Лидерот, голема работа околу конечниот резултат заврши во првиот период, кој го доби со 38:17. Бруклин, од друга страна, без најдобрите играчи немаше што да бара во Солт Лејк сити. Нетс на овој натпревар настапија без Џејмс Харден, Кајри Ирвинг, Кевин Дурент, Блејк Грифин.
Донован Мичел ја предводеше Јута со 27 поени, по 18 поени постигнаа Бојан Богдановиќ и Мајкл Конли. Кај Бруклин се истакна Ализ Џонсон со 23 поени.
Јута има скор од 32 победи и 11 порази, додека Бруклин со 30 победи и 15 порази се наоѓаат на третата позиција во Источната конференција.
Торонто го прегази Денвер со 135:111 со што ја прекина серијата од девет порази, за Денвер ова беше првиот пораз по шестте победи во низа.
Џамал Мареј и Никола Јокиќ постигнаа по 20 поени за Денвер, српскиот центар имаше и 10 скока и пет асистенции. Кај Торонто се издвоија Паскал Сијакам со 27 поени, осум скока и шест асистенции и Ог Ануоби со 23 поени.
Резултати:
Индијана-Детроит 116:111
Милвоки-Бостн 121:119
Чикаго-Кливленд 94:103
Хјустон-Шарлот 97:122
Минесота-Далас 108:128
Орландо-Финикс 112:111
Сан Антонио-ЛА Клиперс 101:134
Сакраменто-Атланта 110:108
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Два европски гиганта: спектаклот помеѓу Партизан и Панатинаикос потврден

Партизан и Панатинаикос ќе ги вкрстат копјата на пријателски натпревар во Австралија во септември 2025 година, официјално е потврдено.
Како што претходно беше најавено, Партизан и Панатинаикос ќе го продолжат своето пријателство и ќе бидат главни актери на меморијалниот турнир „Павлос Јанакопулос“, именуван по поранешниот сопственик на „зелените“.
Сега е официјално потврдено, а турнирот, на кој ќе настапат и Сиднеј Кингс и Аделejd 36ерс, ќе се одржи од 18 до 22 септември оваа година во Мелбурн и Сиднеј.
„Два европски гиганти. Два австралиски предизвикувачи“, објави ПАО во соопштението за настанот.
„Ова е неверојатен момент за НБЛ (Австралиската кошаркарска лига) и кошаркарските фанови во Австралија. Да се натпреваруваат два од најголемите европски тима на турнир од ваков калибар, заедно со два од најголемите австралиски клуба, е одраз на репутацијата што НБЛ ја стекнува на глобално ниво, но исто така го нагласува растечкиот интерес што Австралијците го имаат за играта“, рече Никола Миливојевиќ, директор на НБЛ.
Партизан и Панатинаикос прво треба да одиграат пријателски натпревар на 18 септември на арената „Џон Кејн“ во Мелбурн, а потоа да учествуваат на турнирот со „Кингс“ и „36ерс“ на арената „Кудос Банк“ во Сиднеј на 21 и 22.
Спорт
Кошаркар на Монако загина во сообраќајна несреќа додека се враќал од натпревар
Кошаркарскиот клуб Монако објави трагична вест дека еден од нивните млади кошаркари загинал во сообраќајна несреќа. Монако се обрати до јавноста со шокантната вест во ноќта помеѓу 11 и 12 мај.
Загинатиот играч е младиот кошаркар Лоренцо Рену, кој играше за нивниот тим кој играше во лигата „Национале 3“, петта во Франција.
Несреќата се случила додека тимот се враќал од натпревар, а покрај починатиот играч, повредени се уште пет лица кои моментално се на лекување (тренерот, тројца играчи и возачот).
Како одговор на оваа трагедија, на натпреварот помеѓу првиот тим на Монако и Бурж ќе се одржи минута молчење.
„Во овие трагични околности, претседателот на клубот и другите членови изразуваат најдлабоко сочувство до семејството и најблиските на починатиот, а исто така се со сите повредени“, се вели во соопштението на Монако.
Спорт
Кошаркарите на Уникаха ја освоија Лигата на шампионите со победа на Галатасарај

Кошаркарите на Уникаха во финалето на ФИБА Лигата на шампиони ја победија турската Галатасарај со резултат 83:67 и стана шампион на ова натпреварување. Со оваа победа тие го одбранија трофејот ФИБА ЛШ кој го освоија минатата година победувајќи го Тенерифе во големото финале во белградската Арена. Сега Уникаха “му прочита лекција” на истанбулскиот Галатасарај во “Синан Ердем Домот” во нивниот град.
Тајсон Картер имаше 14 поени со 3 скока и 5 асистенции, Кендрик Пери додаде 13 со 4 скока и 3 асистенции, а 13 и 11 скокови имаше Тајсон Перес, додека Тајлер Калиноски имаше 11 поени и исто така беше двоцифрен.
На другата страна, имаше 14 поени на Тајрон Валас, а толку имаше и Вил Каминџ, додека 12 запиша Робертс Блумберг, а Џејмс Палмер 11 со по 4 скока и асистенции.