Спорт
Тиаго нов играч на Брентфорд

Бразилскиот фудбалер Игор Тиаго е нов играч на Брентфорд, објави денеска англискиот клуб.
Тиаго со Брентфорд потпишал петгодишен договор.
„Потпишавме клучен играч за клучна позиција. Тиаго е напаѓач кој одговара на нашата игра“, изјави тренерот на Брентфорд, Томас Франк.
Тиаго доаѓа во англискиот тим од Клуб Бриж, а двата тима се договорија Бразилецот да остане во Белгија до крајот на сезоната.
Договорот вклучува опција за продолжување на уште една година.
Во 2022 година, Тиаго се пресели од Крусеиро во бугарски Лудогорец, од кој една година подоцна се пресели во Клуб Бриж.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тудор: Преодниот рок мора да заврши пред почетокот на сезоната

Јувентус ќе го игра првото коло од Серија А во недела, пред стартот на сезоната на новинарите им се обрати тренерот Игор Тудор. Тој ја критикуваше моменталната организација на летниот преоден рок, кој и покрај тоа што сезоната започнува тој се уште трае.
„Трансфер пазарот? Да бидам искрен, дури и не обрнувам внимание на шпекулациите бидејќи би полудел. Сосема е лудо што сезоната започнува додека е сè уште отворен преодниот рок. Тоа треба да се промени, преодниот рок мора да заврши една недела пред почетокот на првенството, па што ќе се случи, ќе се случи“, рече Тудор и продолжи:
„Ова ви ја нарушува концентрацијата и вашата секојдневна работа, но ситуацијата е таква каква што е и во моментов мора да ја прифатиме. Мора да се фокусираме на теренот и на играчите што ни се достапни.“
Сите трансфери на Јувентус ова лето:
Јувентус ги донесе или ги откупи договорите на следните играчи во тековниот преоден рок:
Франциско Консеисао (Порто, 32 милиони евра)
Нико Гонзалес (Фиорентина, 28,1 милиони евра)
Лојд Кели (Њукасл, 17,2 милиони евра)
Пјер Калулу (Милан, 14,3 милиони евра)
Микеле ди Грегорио (Монца, 14,3 милиони евра)
Жоао Марио (Порто, 12,6 милиони евра)
Џонатан Дејвид (Лил, слободен трансфер)
Јувентус го напуштија:
Николо Ровела (Лацио, 17 милиони евра)
Алберто Коста (Порто, 15 милиони евра)
Николо Фаџоли (Фиорентина, 13,5 милиони евра)
Самуел Мбангула (Вердер Бремен, 10 милиони евра)
Лука Пелегрини (Лацио, 4 милиони евра)
Ханс Николуси Кавиља (Венеција, 3,5 милиони евра)
Тимоти Веа (Марсеј, позајмица: 1 милион евра)
Foto/ EPA/ANGELO CARCONI
Спорт
Голманот на Загреб го засили европскиот првак Магдебург

Матеј Мандиќ (23) го напушти РК Загреб и стана голман на европскиот шампион Магдебург, објави хрватскиот ракометен клуб.
Трансферот е експресно реализиран откако германскиот гигант дозна дека нема да може да смета на голманот Никола Портнер, кој беше казнет за допинг, до 10 декември.
Мораа да најдат голман кој ќе го замени Портнер и да формираат тандем со Сергеј Ернандез, шпанскиот репрезентативец кој го напушта клубот наредното лето. Се одлучија за хрватскиот репрезентативец.
„Матеј, кој се приклучи на редовите на хрватскиот шампион кога имаше само 19 години, се согласи да соработува со еден од најдобрите европски клубови и ќе има можност да игра во најдобрата лига во светот од оваа сезона. Во четврток, 21 август, беше постигнат договор меѓу двата клуба, по што Мандиќ и Магдебург набрзо најдоа заеднички јазик.
Сè се случи многу брзо во четврток наутро, а Матеј се збогуваше со своите соиграчи, тренери и други луѓе во клубот одбрани зборови“, се вели во соопштението на РК Загреб.
Спорт
HalkVeloGreen се враќа во Маврово на 8 септември, пријавувањата се во тек

На 8 септември, Маврово повторно ќе биде центар на спортот, рекреацијата и забавата со традиционалната хронометар велосипедска трка HalkVeloGreen, која Халкбанк веќе шеста година по ред ја организира во рамките на својата „зелена“ платформа ХалкЕко. Настанот е повеќе од спортска трка, тоа е ден исполнет со енергија, дружење, рекреација и уживање во природата.
HalkVeloGreen и годинава ќе ги обедини љубителите на велосипедизмот, од најмалите учесници до рекреативци и професионални натпреварувачи. На учесниците им се нуди можност да се натпреваруваат во повеќе категории: Хоби, Млади и Деца.
Посебна атракција претставува и тимското рангирање, кое им овозможува на компании, клубови или групи пријатели заеднички да се пријават, со што настанот добива уште поголема спортска и забавна димензија.
Трката ќе се вози по живописната патека во Маврово, со должини од 12 и 22 километри, прилагодени според категориите. Стартна и звршна позиција е големиот паркинг пред спортската сала во Маврово, со патека која се протега покрај живописните предели до хотелот Радика и назад. Пријавувањето за трката се врши онлајн преку www.trki.mk и трае до 3 септември 2025 година, или до пополнување на предвидениот број места. Котизацијата изнесува 800 денари, а сите собрани средства ќе бидат наменети за општествено корисни цели.
Секој учесник ќе добие богат стартен пакет кој вклучува стартен број со чип, медал за завршена трка, освежување, осигурување, подарок од Халкбанк, како и професионални фотографии од трката.
За најдобрите велосипедисти се предвидени и вредни награди. Во категоријата Хоби (мажи/жени) наградата за освоено прво место изнесува 15.000 денари, за второ место – 10.000 денари и за трето место – 5000 денари. Во категориите Деца и Млади наградите изнесуваат 10.000, 5000 и 3.000 денари. Најдобрите тимови ќе бидат наградени со дипломи и медали.
HalkVeloGreen е повеќе од спортска трка, таа е и вистински празник на спортот, природата и дружењето. Во текот на целиот ден, учесниците и посетителите ќе можат да уживаат во свежиот воздух, убавините на Националниот парк Маврово и атмосферата исполнета со позитивна енергија. За забавниот дел од програмата ќе бидат задолжени Викса и ди-џеј Oki Doki, а за најмладите тука е и омиленото слонче Халки кое ќе им подготви интересни активности.
HalkVeloGreen има за цел да потсети дека велосипедизмот не е само спорт, туку и начин на живот – активен, здрав и еколошки одговорен. Со својата мисија да ги обедини спортот, еколошката свест и заедничкото дружење трката станува традиција што инспирира и остава белег.
Трката е поддржана организациски и од Велосипедската Федерација на Македонија.