Спорт
Тим против Ѓоковиќ во финалето на АО
Австриецот Доминик Тим ќе му биде противник на Новак Ѓоковиќ во финалето на годинешното издание на Австралија опен. Тим во полу-финалето го победи Германецот Александар Зверев со 3:1 (3/6, 6/4, 7/6, 7/6). За Австриецот ова е трето грен-слем финале во кариерата, прво во Мелбурн.
Полу-финалната пресметка помеѓу тенисерите кои се предводници на „новиот бран“ во светскиот тенис не ги исполни очекувањата. Двајца, со оглед на влогот, беа нервозни, несигурни кога сервираа и со премног осцилации.
Три брејка беа видени во првиот сет, два направи Зверев кој го освои сетот со 6:3. Слично сценарио имаше вториот сет повторно три брејка, разликата беше што два од нив направи Тим кој го израмни резултатот.
По еден брејк направија двајцата во третиот сет кој се покажа како решавачки за конечниот победник. Зверев во десеттиот гем не успеа да искористи две сет топки, за потоа сетот да го загуби во тај-брејкот.
На сигурно и без реизик играа Тим и Зверев во четвртиот сет. Сетот повторно го реши тај-брејкот и повторно Тим беше многу подобар од противникот.
Тим во финалето ќе игра против седумкратниот шампион во Мелбурн Новак Ѓоковиќ. Досега овие двајца одиграле десет меѓусебни дуели, Ѓоковиќ води во победи со 6:4, меѓутоа лани двете соочувања му припаднаа на Тим, во полу-финалето на Ролан Гарос и во фазата по групи на Завршниот мастерс во Лондон.
Финалниот меч ќе се одигра в недела во 9.30 часот по средно-европско време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
За да не ја активира клаузулата, Левандовски морал да престане да постигнува голови
Полскиот напаѓач Роберт Левандовски е еден од најдобрите голгетери на сите времиња, но на крајот од сезоната 2022/2023 во Барселона мораше да престане да постигнува голови, за неговиот клуб да не мора да му плаќа надомест на Баерн. Ова го откри авторот Себастијан Сташевски во биографијата што ја напиша во соработка со Левандовски.
„Бев свесен за ситуацијата во клубот. Во тој момент Барса гребеше за секое евро. Финансиски тоа не ме погоди, немав никакви проблеми со тоа. Но, постојано се прашував дали треба да постигнам гол или не.“
На почетокот на гореспоменатата сезона, Левандовски се пресели од Баерн во Барселона за 45 милиони евра. Тој имаше клаузула во договорот според која Барселона мора да му плати на Баерн дополнителни 2,5 милиони евра, доколку постигне повеќе од 25 гола во сезоната..
Бидејќи Барселона беше (и сè уште е) во финансиски проблеми, челниците на клубот му наредиле на Полјакот, да престане да постигнува голови, кога ќе дојде до бројката 23.
Медиумите потоа пишуваа за ненадеен пад на формата, но всушност тоа беше наредба од врвот. Дури и денес, на 37 години, Левандовски е одличен во Барселона кога не е повреден. Тој има девет настапи и седум гола во првенството оваа сезона.
Foto/ depositphotos
Спорт
(Видео) Клиперси славеа во Портланд – Девет тројки на Лопез и 34 поени на Харден
Кошаркарите на ЛА Клиперс ја продолжија победничката серија, славеа во Портланд со 119:103. Клиперс сега се 13-ти на табелата во Западната конференција.
Дуелот во Портланд од почетокот до крајот беше еднонасочна улива, Клиперси доминираа и заслужено победија.
Најзаслужен за победата беше Џејмс Харден со 34 поени и шест асистенции. Брук Лопес додаде 31 (постигна девет тројки), а Кавај Ленард 28 и осум скока и шест асистенции. Ленард 18 поени постигна во последната четвртина.
Дени Авдија им пружи најголем отпор на ривалите. Израелецот ја игранајдобрата кошарката во кариерата забележа 19 поени и и подвет скока и асистенции.
Резултати:
Атланта – Мајами 111:126
/Јанг 30 – Пауел 25/
Индијана – Бостон 122:140
/Нембхард 18 – Браун 30/
Орландо – Шарлот 105:120
/Блек 24 – Пејн 22/
Вашингтон – Торонто 138:117
/Џорџ 23 – Инграм 29/
Чикаго – Филаделфија 109:102
/Џонс, Колинс 15 – Ембид 31/
Мемфис – Милвоки 125:104
/Џексон Џуниор 24 – Грин 20/
Њу Орлеанс – Феникс 108:115
/Вилијамсон 20 – Букер 30/
Јута – Детроит 131:129
/Џорџ 31 – Канингем 29/
Спорт
„Да беше Салах Англичанец, секој ден ќе му креваа статуи“
Египет успеа да ја победи Јужна Африка и да се пласира во осминафиналето на Африканскиот куп на нации. Мохамед Салах го постигна единствениот гол на натпреварот од пенал.
Веројатно најдобриот играч на Ливерпул во оваа деценија, а потенцијално и понатаму, се мачи оваа сезона на клупско ниво, како и остатокот од тимот, но се чини дека токму Салах добива најмногу критики. Многумина веќе го отпишаа, велејќи дека е поранешен играч и дека е време за билет во еден правец кон Саудиска Арабија.
Емануел Адебајор, кој ги гледа натпреварите на Африканскиот куп, го коментираше Салах и му одговори на Џејми Карагер, поранешен играч на Ливерпул и еден од најголемите критичари на Салах оваа година.
„Мо Салах е фудбалер кој игра на врвно ниво речиси една деценија. Тој е еден од најдоследните во светот на фудбалот. Да се сугерира дека е поранешен фудбалер и дека станал проблем за Ливерпул е погрешно. Дава се од себе сезона по сезона“, рече Адебајор и додаде:
„Салах не е само икона на африканскиот фудбал, тој е глобална икона. Кога имате играч како него, мора да го славите, а не да го критикувате. Карагер беше одличен дефанзивец и многу добро знае колку е комплицирано да се игра против играч како Салах. Давањето такви коментари во студиото покажува дека заборавил како е долу на теренот.“
„Доколку Салах беше Англичанец, неговите статуи ќе се појавуваа секој ден. Но, бидејќи е Африканец, полесно е луѓето да го критикуваат, а тоа е штета“, рече Адебајор.
Foto/ depositphotos

