Спорт
Тимофеева освои титула на својот прв ВТА турнир, Хрватска го освои Хопман купот

Руската тинејџерка, Марија Тимофеева ја комплетираше неделата од соништата освојувајќи на титулата од Унгарија опен во Будимпешта со 6:3/3:6/6:0 победа над Катерина Бајндл во својот прв настап на еден ВТА турнир.
19-годишната Тимофеева е на 246. место на ВТА листата и успеа да обезбеди пласман на турнирот иако загуби во последното коло од квалификациите поради повлекување на друга тенисерка, односно беше таканаречен „лаки лузер“.
„Ова е ново за мене, како да сум во некој сон, бидејќи вообичаено нема да бидам на вакви турнири. Но, и тоа се случи. Не знам што да кажам“, изјави Тимофеева.
Lucky Loser ➡️ Maiden Title
Timofeeva makes her WTA main draw debut and outlasts Baindl to win the @BudapestWta title! 🏆 #HUNGP23 pic.twitter.com/jEl8WP5dmY
— wta (@WTA) July 23, 2023
Хрватска пак, го освои Хопман купот во Ница, Франција, откако Дона Векиќ и Борна Чориќ обезбедија сингл-победи потив Швајцарија за недостижна предност. Векиќ со 6:3/6:4 ја совлада Селин Неф, пред Чориќ со 6:1/6:4 да го „збрише“ Леандро Ридл. Ова е втора титула за Хрватска по таа на Ива Мајоли и Горан Иванишевиќ во 1996 година.
Хопман купот од 1989 до 2019 година се одржуваше во Перт, Австралија на почетокот на тениската сезона, а ова беше прво издание кое се играше во Европа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јокиќ сака кариерата да ја заврши во Денвер

Никола Јокиќ, кошаркар на Денвер Нагетс, уште еднаш ја повтори својата желба да ја помине целата своја НБА кариера во франшизата од Колорадо.
Српскиот центар и трикратен МВП се обрати на прес-конференцијата на денот посветен на медиумите пред почетокот на новата сезона.
Темата беше и продолжувањето на неговиот договор, што тој одби да го направи пред да оди на Европското првенство.
„Не размислувам за тоа. Тоа доаѓа природно. Мојот план е да бидам со Нагетс засекогаш“, ветува Јокиќ.
Претстојната сезона ќе биде 11-та на Јокиќ во најсилната лига во светот.
„Помина брзо. Кога ќе размислите за тоа, ова е мојата 11-та сезона. Кога дојдов, ги гледав другите како забиваат и играат премногу брзо за мене. Најдов начин да останам во лигата толку долго. Уште колку му останува?
Ќе видиме. Се надевам дека сум на исто ниво. Не сум играл натпревар во НБА четири месеци. Ќе видиме за 24 дена. Моето тело сè уште се чувствува добро“, рече Јокиќ.
Тој не сакаше да коментира за новиот формат на Ол-стар натпреварувањето.
„Немам мислење за тоа. Ќе видиме кога ќе дојде. Се надевам дека на луѓето ќе им се допадне.“
Спорт
Чави подготвен за клупата на Јунајтед?

По една година пауза од фудбалот и напорна епизода во Барселона, Чави Ернандез повторно е во центарот на вниманието. Иако беше поврзуван со бројни клубови во претходните месеци, тој ги одби сите до неодамна.
Сепак, сега ситуацијата се менува.
Според информациите на инсајдерот, новинарот Фабрицио Романо, Чави наводно е подготвен веднаш да го преземе Манчестер јунајтед.
Шпанецот детално ја анализирал Премиер лигата и верува дека е зрел да покрене голем, но моментално заглавен проект, кој под раководство на Рубен Аморим.
Јунајтед е сè уште во голема криза – по шест кола, тие се на 14-то место во Премиер лигата, далеку од европските натпреварувања, што е сериозен удар за клуб со толку голема традиција. Во последното коло, тие беа поразени од Брентфорд со 3:1, а тренерот Рубен Аморим е блиску до отказ и покрај тоа што во понеделникот, клупските челници изјавија дека Португалецот ја има нивната поддржка.
Чави ужива висок углед и веќе беше споменуван како опција за Јунајтед минатата година, но тогаш не сакаше да влегува во никакви авантури среде сезоната. Денес е во слична позиција – слуша понуди, но сè уште не прифатил ништо.
Покрај Манчестер јунајтед, интерес за него покажува и Ал Итихад, кој бара наследник на отпуштениот Лоран Блан. Меѓу кандидатите се Лучијано Спалети и Серж Консеисао, но Шпанецот дефинитивно е најпознатото име на листата.
Засега, Чави мудро молчи и чека предизвик што навистина ќе го мотивира да се врати на клупата.
Спорт
Микелето МВП на одбојкарскиот мундијал

Пред доделувањето на медалите на Светското првенство во Манила, публиката ги поздрави членовите на идеалниот состав.
Најдобрите примачи на сервис се Алесандро Микелето (Италија) и Александар Николов (Бугарија) – двајца играчи кои долго време ќе водат големи битки и на клупско и на репрезентативно ниво.
Коректор кој дефинитивно најмногу се издвои е Јури Романо (Италија). Со него во дијагоналата е како и обично репрезентативниот колега, Симоне Џанели.
Средните блокери во идеалниот состав на првенството се Полјакот Јакуб Кохановски и Бугаринот Алекс Грозданов. Најдобар либеро е Италијанецот Баласо.
МВП е Алесандро Микелето.
Да ве потсетиме дека Италија ја одбрани титулата светски шампион во одбојка, Бугарија го освои сребрениот медал, а Полска заврши на третото место.