Спорт
Тинејџерот Тел ќе го продолжи договорот со Баерн
![](https://makfax.com.mk/wp-content/uploads/2024/03/1724610453.0.jpg)
Баерн Минхен ќе го продолжи договорот со младиот напаѓач Матис Тел. Баварците пред 18 месеци за услугите на Тел на Рен му платија 28.500.000 евра.
Новиот спортски директор на Баерн, Макс Еберл, пред еден месец стапи на функцијата и веднаш се откажа од идеата Тел да биде испратен на позајмица.
Напаѓачот ќе добие плус уште два години на актуелниот договор, ќе се обврзе да остане во Минјен до јуни 2029 година.
„Матис Тел е еден од талентите во кои имаме доверба. Сакаме тој да се развива во Баерн“, изјави Еберл.
Официјално Тел досега има одиграно 59 натпревари за Баерн, со улинок од 13 голови и четири асистенции. Тој на теренот минал 1.462 што значи дека постигнува гол на секои 86 минути.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Најстариот играч во историјата на EП 2024 остана без договор!
![](https://makfax.com.mk/wp-content/uploads/2024/07/EU.jpg)
На Европското првенство во Германија, еден од најдобрите стопери на 21 век Португалецот Пепе, на возраст 41 година стана најстариот играч во историјата на Европското првенство.
Во четвртфиналниот пораз од Франција, тој го одигра последниот натпревар во националниот дрес и на тој начин најверојатно се збогуваше со репрезентативните обврски.
На оваа возраст секој натпревар може да биде последен, а Португалецот доживеа нов тежок удар по болната елиминација од ЕП 2024.
Имено, португалскиот гигант Порто одби да ја продолжи соработката со легендарниот стопер, а поранешниот ас на Реал Мадрид остана без договор.
По пет години минати во град на северот на Португалија, дојде време Пепе по втор пат да го напушти својот сакан клуб, но овој пат не по своја волја.
Пепе за прв пат го облече сино-белиот дрес на самиот почеток на кариерата од 2004 до 2007 година, кога во летниот преоден рок се пресели во Мадрид.
Со оглед на тоа дека легендарниот фудбалер веќе наполни 42. години, прашање е дали стоперот ќе успее да најде нов ангажман или ќе се збогува од фудбалот по долгата 22-годишна кариера и 33 освоени трофеи.
Спорт
Иако на ова ЕП играат „лош“ фудбал, Француската репрезентација знае да победува!
![](https://makfax.com.mk/wp-content/uploads/2024/07/FRANTSEEEE.jpg)
По пет натпревари, 480 минути фудбал, и бројни промени на Дидиер Дешамп – Франција успеа да се пласира во полуфиналето постигнувајќи само три гола.
Два беа автогол, додека еден постигна Мбапе од пенал.
Имаше шанси, но тие беа главно производ на индивидуалните квалитети на Мбапе, Дембеле и Баркола. Тактички изгледаше крајно слабо, освен ако тактиката не е да се потпреме на одбраната, на средниот ред и среќата.
Дешамп знае да победува на големи натпреварувања. Впрочем, ги освои и како играч и како тренер.
Јасна е и неговата намера да се потпре на брзината во нападот, како и силата и издржливоста во одбраната. Оправдувањето може да се најде и во отсуство на вистински плејмејкер, поради што селекторот на „триколорите“ посегна по неконвенционално решение.
Во поголемиот дел од турнирот, Нголо Канте играше на позицијата преден играч за врска, поради што очекувано настрада креацијата, но преснигот се зголеми.
Во такви околности, јасно е зошто играта на Франција не е течна и мека, но придобивките се забележуваат од другата страна на теренот.
Ги имаа и убедливо најтешките ривали во нокаут фазата, а мрежите зад Мајк Мењан останаа недопрени. Кога на Канте му се придружуваат Аурелиен Чуамени и Едуардо Камавинга, јасно е зошто француските противници толку се мачеа да постигнат гол.
Јасно е дека Франција ќе се обиде на ист начин да ја неутрализира Шпанија и дека ќе се потпре на еден момент на генијалност од своите напаѓачи за да се пласираат во новото финале на големото натпреварување.
Дешамп има можност да стане единствениот човек кој ги освоил светските и европските првенства и како играч и како тренер и затоа ќе му треба подобра реализација на фудбалерите кои му донесоа големи успеси во минатото.
Спорт
Тони Крос останува во Шпанија, сака безбеден живот за своето семејство
![](https://makfax.com.mk/wp-content/uploads/2024/07/KROSSSSSSS.jpg)
Германскиот фудбалер Тони Крос ја заврши кариерата на 35 години.
Крос, како што најави нема да се занимава професионално со фудбал откако репрезентацијата на Германија загуби од Шпанија во четврт-финалето на Европското првенство.
Тој објави само неколку зборови на социјалните мрежи ден по натпреварот: „Ти благодарам Германија“.
Покрај репрезентацијата, тој се прости и од Реал Мадрид со победата во финалето на Лигата на шампионите.
За Реал одигра 464 натпревари, постигна 28 гола и асистираше 98 пати. За германската репрезентација има 113 настапи и 17 голови, а во 2014 година го освои Светското првенство во Бразил како еден од клучните играчи во репрезентацијата на Јоаким Лоу.
Со Реал четири пати ја освои Ла Лига и Лигата на шампионите. Со Баерн трипати беше германски првак и еднаш европски првак.
Кариерата ја започна во Ханза Росток, а потоа замина во младинската академија на Баерн во 2006 година.
Во сезоната 2009/2010. играше како позајмен играч во Баер Леверкузен.
Потоа одигра неколку одлични сезони за Баерн, а пред десет години се пресели во Реал Мадрид.
Тони Крос истакна дека е загрижен за состојбата во неговата татковина.
Ќе остане во Шпанија каде и завршува неговата фудбалска кариера, бидејќи Германија повеќе не е истата земја како пред десет години кога заминал заедно со своето семејство. Главната причина поради која сака да остане во Шпанија е тоа што се плаши да ја пушти ќерка си да излезе сама навечер во некој голем германски град.