По четири порази во низа во Премиерлигата, екипата на Фулам попладнево малку фалеше со три бода да се врати од гостувањето кај градскиот ривал Арсенал. Сепак имаше поделба на бодовите, 1-1.

0-1 стоеше на семафорот по 90 минути на „Емирати“, а голот кој носеше надеж за опстанок во лигата на клубот од „Кревин котиџ“ го постигна Џош Маја во 59 минута од пенал.

Во првото полувреме „топчите“ постигнаа погодок во 40 минута, но истиот беше поништен по ВАР сигнализација.

Сепак домаќините им откинаа два веќе впишани бодови на гостите. Во 97 минута од мечот Нкети се погрижи за покривање на срамот на „топчиите“, погоди за конечни 1-1.

Фулам собра 27 бода на 33 натпревари, но се уште е на -6 од Брајтон, односно Барнли кој воедно имаат и 2 меча повеќа за играње до крајот на сезоната во Премиерлигата.

Фудбалерите на Микел Артета, пак, остануваат на деветата позиција со 45 бода, без посебни изгледи идната сезона да обезбедат пласман во некој од европските натпреварувања.

Фабио Квартараро е победник на денешната Мото ГП трка возена во Португалија. За возачот на Јамаха ова беше втора победа во низа во првенството.

Францускиот мотоциклист со денешниот одличен настап дојде до шеста победа во кариерата, а на својот тим му го донесе третиот триумф оваа сезона од исто толку трки.

На денешната трката беше одбележано и враќањето во шампионатот на Марк Маркез по тешката повреда која го снајде во минатата сезона. Го немаше во трките од јуни минатата година. Тој на крајот го освои седмото место во Португалија.

Зад Квартараро денеска се најдоа Бањаја од Дукати, додека Жоан Мир од Сузуки е трет во трката.

На денешната трка бодови освоија и Морбидели, Биндер, Еспаргаро, Маркез (двајцата браќа), Бастијанини и Накагами.

Во неверојатен меч францускиот шампион ПСЖ славеше триумф од 3-2 против Сент Етјен во рамки на 33 коло од Лига 1.

Откако лидерот Лил во петокот киксана и одигра само 1-1 со Монтпелје, на ПСЖ очајно му беа потребни трите бода.

Се до 78 минута беше 0-0 на семафорот, а тогаш шок за парижани. Гол за 0-1 постигна Бунда.

Во следната минута Мбапе израмни на 1-1.

Истиот играч во 87 минута носи предност од 2-1 за „Светците“.

Само што почнаа да слават пулените на Покетино останаа шокирани. Во 91 минута Хамума носи израмнување 2-2.
Златен гол за ПСЖ постигна Мауро Икарди во 94 минута за големо славје на „Паркот на принцовите“.

Нејмар не настапи на овој меч, но еуфорично го прослави победничкиот погодок од трибините.

По 33 кола Лил се уште е прв, со 70 бода, но сега со само бод повеќе од второпласираниот ПСЖ.

Трет на табелата е тимот на Монако со 65 бода, но и меч повеќе за играње од двата ривала.