Спорт

Тод: Лекарите се обидуваат да го вратат Шуми во „понормален“ живот

Објавено пред

2 месеци

- 11 декември, 2020

Од

Седумкратниот Формула 1 шампион Михаел Шумахер добива лекарски третмани насочени кон враќање во „понормален“ живот за Германецот, вели неговиот поранешен шеф и близок пријател, претседателот на ФИА, Жан Тод.

Тод е еден од ретките луѓе кои имаат шанса да останат во близок контакт со Шумахер по страшната несреќа на скијање во 2013 година по која Германецот доби сериозни повреди на мозокот. Тој неколку пати бил во посета на семејството Шумахер, и сега вели дека лекарите прават многу за да го повратат здравјето на Шумахер за тој да се врати во нормалниот живот, колку што е тоа возможно.

„Сакам да останам многу дискретен на оваа тема. Сите знаеме дека Михаел имаше сериозна несреќа, која за жал, имаше значителни последици за него. Оттогаш, тој добива третман за да се врати во понормален живот“, вели Тод во интервју со „Ест Франс“.

Додека Шумахер го продолжува опоравувањето, неговиот 21-годишен син следната сезона ќе вози во Ф1 со американскиот тим Хас.

„Тој беше шампион во Формула 3 во 2018 и во Формула 2 оваа година. Сега, следува најтешкиот чекор за него, Формула 1“, вели Тод.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Пеле по смртта на Марадона и Роси: Небото се полни со ѕвезди

Претходно

Иско си оди од Реал за 25 милиони евра

Спорт

РФМ и Данило Брестовац спогодбено се разделија

Објавено пред

2 часа

- 26 јануари, 2021

Од

TopSport.mk

Данило Брестовац повеќе не е селектор на ракоемтната репрезенатција на Македонија. Селекторот и Ракометната федерација на Македонија (РФМ) договориле спогодбен раскин на договорот.

„Ракометната федерација на Македонија би сакала да ја извести јавноста дека македонската куќа на ракометот и г. Данило Брестовац, на 26 јануари 2021 г., взаемно се спогодија да ја прекинат соработката околу ангажманот на машките ракометни сениори“, стои во соопштението што го објави РФМ на својата интернет страница.

Данило Брестовац ја извршуваше оваа функција во период јуни 2019 – јануари 2021 година.

Брестовац ја предводеше Македонија на две големи натпреварувања, на Европското првенство во 2020 година, не успеа да ја мине фазата по групи, го освои 15.место, додека на Светското првенство кое се уште е во тек, заврши на 23.позиција.

Фото/macedoniahandball.com.mk

Прикажи повеќе...

Спорт

Пикси ќе ги предводи Србите за 1.000.000 евра годишно

Објавено пред

2 часа

- 26 јануари, 2021

Од

TopSport.mk

Фудбалскиот сојуз на Србија (ФСС), деновиве, треба да го назначи Драган Стојковиќ-Пикси за нов селектор на националниот тим. „Вечерње Новости“, објавија дека Пикси постигнал договор со ФСС и дека ќе стане селектор за годишна плата од 1.000.000 евра.

Србија е без селектор од декември минатата година, кога ФСС се разделија со Љубиша Тумбаковиќ, кој не успеа да избори пласман на Европското првенство.

Србите во март ќе ги започнат квалификациите за пласман на Светското првенство во Катар. На стартот тие имаат три тешки натпревари, против Ирска (24.март) и Португалија (27.март) во Белград и Азербејџан во Баку на 30.март.

Прикажи повеќе...

Спорт

Јаневски ќе го предводи Олимпијакос од Никозија

Објавено пред

3 часа

- 26 јануари, 2021

Од

TopSport.mk

Поранешниот македонски селектор, Чедомир Јаневски, повторно ќе работи на Кипар, тој договорил соработка со Олимпијакос од Никозија. Јаневски во минатото, во оваа земја, бил тренер на Енозис и Етникос.

Според кипарските медуми, Јаневски, официјално ќе го преземе Олимпијакос на 5.февруари.

Олимпијакос, во лигата во која се натпреваруваат 14 екипи, по 21 рунда се наоѓа на деветтото место со 24 поени. Новиот тим на Јаневски доживеа порази на последните пет натпревари.

Прикажи повеќе...