Ракометната репрезентација на Словенија непријатно изненади на тековното Европско првенство во Унгарија и Словачка. Полу-финалистите на ЕП пред две години, не успеаја да ја минат групата во која беа Македонија, Црна Гора и Данска.

Еп Словенија го започна со победата над Македонија (27:25), потоа доживеаја тежок пораз од Данска (23:34), а во решавачкиот меч за пласман во втората фаза загубија од Црна Гора (32:33).

„Немам зборови. Се изрезиливме. Во завршните минути против Црна Гора направивме премногу грешки, примивме многу голови и не ги реализиравме последните три седмерци. Сами сме виновни за поразот,не смеевме да дозволиме да дојдеме во ваква ситуација“, изјави Гашпер Маргуч.

Дебаклот тешко му падна на капитенот Јуре Доленец, кој најави дека би можел да стави крај на репрезентативната кариера.

„Ова е едно од најголемите разочарувања во мојот живот. Примивме 15 голови од иста акција. Ми треба време да решам што ќе правам понатаму“, рекол Доленец.

Фото/ facebook.com/rfmofficial

Милан, синоќа, доживеа шокантен пораз од Специја (1:2) на „Сан Сиро“. Овој пораз го оддалечи Милан од борбата за титулата во Серија. Милан со натпревар повеќе има два бода помалку од лидерот на табелата, Интер.

Натпреварот го обележе неверојатната грешка на главниот судија, Марко Сера. Во 93.минута тој не почитуваше предност и го поништи голот на Жуниор Месијас, при резултат 1:1.

Сера, во акцијата која му претходеше на голот, веднаш досуди фаул и покрај тоа што топката доде до Месијас, кој потоа постигна гол.

Три минути подоцна Ѓаси го совлада Мењан и ги постави конечните 1:2.

guardate e sentite bene quando fischia l’arbitro (con piena visuale): quando la palla è già sui piedi di messias, con ampissima visuale. @AIA_it merde. pic.twitter.com/70BrC1hDvi

— giorgia (@notgiorgiab) January 17, 2022

Тренерот на Милан, Стефано Пиоло, открил дека судијата Сера им се извинил за грешката по завршувањето на натпреварот, а италијанските медиуми објавија дека во во името на Судиската организација на клубот му се извинил Џанлука Роки.

Поради аматерската грешка. судијата Сера сигурно ќе биде суспендиран за наредните неколку натпревари.

Фудбалскиот сојуз на Белгија го одби Евертон, нивниот селектор Роберто Мартинез, во исто време да го предводи и клубот од „Гудисон парк“.

Евертон, поради лошите резултати, доцна во саботата, го отпушти Рафа Бенитез. Наредниот ден од „Гудисон парк“ на Белгијците им предложиле, Мартинез до Светското првенство во Катар да обавува две функции, а потоа да и се посвети само на работата во клубот.

Белгијците ја одбиле понудата со образложение дека Мартинез треба да и биде посветен само на репрезентацијата, бидејќи има големи амбиции на Светското првенство.

Робето Мартинез го предводеше Евертон од 2013 до 2016 година.

Англиските медиуми, тврдат, дека најблиску до клупата на Евертон сега се легендарните фудбалери Вејн Руни и Френк Лампард.